42. ४२. येशू स्वर्गमे गैलाँ

येशू मृतकसे बौरी उठ्लक् दिनमे, ओँहाँक दुई चेलानके लग्गहिँ रलक् गाउँओर जाई टिँहिँट्। ओईने नेँगटि क्रममे, ओईने येशूनसँगे का का हुईल कहिना बिषयमे बाट् कैलाँ। ओईने आशा कैलेरहिँटे कि ओँहाँ मसिह हुँईट्, तर ओँहाँ मुँवाँ गैलाँ। तर आब स्त्रीनके कहटटाँ कि ओँहाँ फेनसे जीवित होगैलाँ। ओईनहे केकर पर विश्वास कैना ओइनहे पटा नैरहिँन्।

येशू ओइनके ठन् गैलाँ ओ ओईनसँगे नेँगे लग्लाँ, तर ओइने ओँहाँहे नै चिन्हलाँ। ओँहाँ ओइनहे का चिजके बारेमे बटवाईटो कहिके पुँछलाँ, तब ओइृने ओँहाँक बिगत दिनेमे येशूके सम्बन्धमे हुईलक् सक्कु महत्वपुर्ण बाट् बटैलाँ। ओईने सोच्ले रहिँट् कि हम्रे एक परदेशीसे बाट् करटिहि जैसिन् लागटिहिन्, जीहिहे यरुशलेममे का हुईल कहिके पटा नै रहिन्।

ओकर पाछे येशू ओईनहे परमेश्वरके वचनहे मसिहके बारेमे काले रहिँट् कहिके व्याख्या कैड्लाँ। ओँहाँ ओईनहे सम्झना कैडेलाँ कि अगमवक्तानके कले रहिँट् ः मसिह कष्ट भोगहिँ ओ मुँहिँ तर तेस्रो दिनमे फेन से बौरी उठ्हिँ। जब ओईने उ गाउँमे अईलाँ जहाँ उ दुई जाने व्यक्ति बैठ्ना योजना रहिन्, उ बेला करिब सँन्झा हो रले रहे।

उ दुई व्यक्तिन्के येशूनुहे ओईन सँगे बैठ्ना निम्तो डेलाँ, उहेक मारे ओँहाँ ओईनसँगे बैठ्लाँ। जब ओईने सँझक् खाना खैना तयार हुईलाँ, येशू रोटीक् एक टुक्रा लेलाँ, परमेश्वरलाई ओकर लग् धन्यवाद डेलाँ, तब उहिहे टुक्रा कैलाँ। अचानक, ओईने ओँहाँ येशू हुँईँट् कहिके चिन्हलाँ । तर उहे बेला, ओँहाँ ओईन्के नजरसे अलप होगैलाँ।

उ दुई व्यक्तिन्के एक–डोसरहे कहे लगलाँ, “ओँहाँ टे येशू रहिँट्

जब चेलानके बाट् कैटी रहिँट्, अचानक् येशू उहे कोठामे ओईनके ठन् डेखा परलाँ ओ कहलाँ, “टुहरीनहे शान्ति

येशू कहलाँ, “मै टुहरिनहे कहले रहुँ कि मोरीक बारेमे परमेश्वरके वचनमे लिखल सक्कु बाट् पुरा हुईना रहे।” तब ओँहाँ ओईनके समझ खोल्डेलाँ टाकि ओईने परमेश्वरके वचन बुझे सेकिँट्। ओँहाँ कहलाँ,“यी टे धेर पहिले लिखल् रहे कि मसिह कष्ट भोगहिँ,मुँहिँ ओ तेस्रो दिनमे मृतकसे बौरी उठ्हिँ।”

“धर्मशास्त्रमे अईसिन फेन लिखलरहे कि मोरी चेलानक घोषणा कैहिँ कि सक्कु जाने अपन पाप क्षेमा पाईक् लग् पश्चाताप कैहिँ। ओईने यी चिज यरुशलेमसे शुरु कैहिँ, तब ओकर पाछे सारा मनैनके जातिनके ठन् जैँहिँ। टुहरे यी बाटेमे साक्षी हुईबो। ”

तब चालिस दिनटक्, येशू ओँहाँक चेलान्के ठन् धेर चो डेखा परलाँ। एकचो, आँेहाँ ५०० जाने से फेन धेर मनैनके ठन् कुल एक चुट्टे डेखा परलाँ। ओँहाँ अपन चेलानहे धेर प्रकारसे मै जीवित बटुँ कहिके प्रमाणित कैलाँ, ओ ओँहाँ ओईनहे परमेश्वरके राज्यके बारेमे सिखईलाँ।

येशू ओँहाँक् चेलानहे कहलाँ, “स्वगै ओ पृथ्वीमे हुईलक सारा अधिकार महिहे डे गैल बा। उहेक मारे जाऊ, सक्कु जातिनके मनैनहे पिता, पुत्र ओ पवित्र आत्माके नाउँमे बप्तिस्मा डेके चेला बनाऊ ओ ओईनहे मै टुहरीनहे आज्ञा कैलक सक्कु चिज पालन करे सिखाऊ। याद करो मै हरडम् टुहरीनसँगे रहम्।”

येशू मृत्युसे बौरी उठ्लक् चालिस दिनपाछे, ओँहाँ अपन चेलानहे कहलाँ, “मोरीक पिता टुहरीनहे शक्ति डिहिँ तब पाछे जब पवित्र आत्मा टुहरीनमे अईहिँ, टेटुन्जले सम्मे टुहरे यरुशलेममे बैठ्हो।” तब येशू उप्पर स्वर्गमे चला गैलाँ, ओ बड्री ओँहाँहे ओईनके नजरसे छोप्डहल्। येशू सारा चिज उप्पर राज्य करक् लग् परमेश्वरके डहिना हाँठ् ओर बैठल् बटाँ।