43. ४३. मण्डलीके शूरुवात

येशू स्वर्गमे गैलाँ तब पाछे, चेलानके येशूके आज्ञा कैलक् बमोजिम यरुशलेममे बैठल् रहिँट्। ओँहाँ रहलक् विश्वासीन्के प्रार्थना करक् लग् निरन्तर रुपमे भेला हुईलाँ।

हरेक वर्ष, निस्तार चाडके ५० सौं दिनपाछे, यहुदीनके महन्वपुर्ण दिन, पेन्टिकोसके दिन मनैना करिँट्। पेन्तिकोस उ समयमे रहे,जब यहुनीनके कटनीके उत्सव मनैना करिँत यहुदीनके सारा संसार भरसे यरुशलेममे एकसाथ पेन्तिकोसके दिन मनाई आँईँट्। उहे वर्ष, पेन्तिकोसके दिनचाहिँ येशूके स्वर्गरोहण हुईलक् करिब १० पाछे आईल्।

जब सक्कु जाने विश्वासीनके एकसाथ रहिँट्, अचानक ओईनके बैठलक् घर एक शक्तिशाली बयालके झोँक्का जैसिन आवाजसे भरगैल्। तबपो आगीक् ज्वाला जैसिन डेख्ना वस्तु सक्कु विश्वासीनके कपारिक् उप्पर डेखा परल्। ओईने सक्कु जाने पवित्र आत्मा से भरल् रहिँट् ओ ओईने अन्य भाषामे बोले लग्लाँ।

जब यरुशलेममे हुईलक् मनैनके ओइसिन् हल्ला सुन्लाँ, भीड का हुईटा कहिके हेरे अईलाँ। जब मनैनके विश्वासीनके परमेश्वरके अचम्मके कामके प्रचार कैलक् सुन्लाँ, ओईने अश्चर्यचकित हुईलाँ कि ओईने यी बाट् ओईनके अप्नेँहेँ मातृभाषामे सुनटिँहिँट्।

क्यौ क्यो मनैनके कलाँ चेलानके मद्यपान लागल बट्नि कहिके आरोप फेने लगैलाँ। तर पत्रुस खडा हुईलाँ ओ कहलाँ,“मोरीक बाट् सुनो

इस्राएलके मनै हो, येशू मनै रहिँट् जे परमेश्वरके शक्तिद्धारा धेर महान चिन्ह ओ आश्चर्यकर्म कैले रहिँट्, जौन अपनिनके डेख्लेरहि ओ थाहाँ पैलेरहि। तर अपनिनके उहाँहे कु्रसमे टँग्लेरहि

“येशू मुँलेसे फेन्, परमेश्वर ओँहाँहे मृत्युसे जीवित बनैलाँ। यी उहे पहिलाक भविष्यवाणी पुरा हुईल्, जे पहिले कलेरहे,‘अपनि अपन पवित्र जनहे चिहानमे सरे नैडेवी।’ हम्र उहे बाट्के साक्षी हुई, कि परमेश्वर येशूनहे फेनसे जीवित बनैलाँ।”

“येशू आब परमेश्वर पिताके दायाँ हाँठ ओ महिमित हुईल बटाँ। ओ येशू प्रतिज्ञा कैलक् पवित्र आत्मा पठैल् बटाँ। अपनिनके अब्बे डेख्ली ओ सुन्लक् बाट् पवित्र आत्मा से कैटी रलक् हो।”

“अपनिनके येशूनहे क्रुसमे टाँङ्गली । तर यी बाट् पक्का कैके जानी कि परेमेश्वर येशूनहे प्रभु ओ मसिह दुनु बनैलाँ।

पत्रुसके बाट् सुनलक् मनैनहे ओँहँकार कलक् बाटेमे जहिँर प्रभाव परल। उहेक मारे ओईने पत्रुस ओ चेलानके पुँछलाँ, भैयानके हो, हम्रे का करी ?”

पत्रुस ओईनहे जवाफ डेलाँ, “अपनिनके हरेक जाने पश्चाताप करे परी ओ येशू ख्रीष्टके नाउँमे बप्तिस्मा लेहे परी, जसद्धारा परमेश्वर अपनिनके पाप क्षेमा कैडिहिँ। ओ ओँहाँ अपनिनहे पवित्र आत्माके वरदान फेुन् डिहिँ।”

करिब ३,००० मनैनके पत्रुस कहलक् बाट्मे विश्वास कैलाँ ओ येशूक् चेला बन्लाँ। ओईनके बप्तिस्मा हुईल् ओ ओईने यरुशलेमके मण्डलीक् हिस्सा बन्लाँ।

उ चेलानके निरन्तररुपमे प्ररितके शिक्षा सुनिट्, एकसाथ समय बिटाँईँट्, एकसाथ खाँईट्, ओ एकडोसरसँगे प्रार्थना करिँट्। ओईने एकसाथ परमेश्वरके प्रशंसा कैन रमाईट् ओ ओईने अपनसँगे रलक् सक्कु चिज एक –डोसरसे बँट्ना करिँट्। हरेक जाने ओईनके बारेमे बढीया चिज किल सोँचिट्। प्रतिदिन, आकुर धेर मनैनके विश्वासी हुईलाँ।