44. ४४. पत्रुस ओ युहन्नानके भिखारीहे निको कैलाँ

एकदिन, पत्रुस ओ युहन्ना मन्दिर ओर जाईटिहिँट्। जस्टेक ओईने मन्दिर के डवारमे पुग्लाँ, ओईने एकठो नाँगर मनैयाहे डेख्mलाँ, जे पैसाक लग् भिख मँगटी रहे।

पत्रुस उ लङ्गराहे मनैया ओर हेरके कहलाँ, “टुँहिनहे डेना पैसा टे मोर ठन् नै हो। तर जा मोर ठन् बा, मै टँुहिनहे डेबुँ। येशूके नाउँमे, उठ् ओ नेँग

तुरुन्ते, परमेश्वर उ लङ्गरा मनैयाा हे निको कैलाँ, तब उ नेँगटी ओ कुडेक्टी परमेश्वरके प्रशंसा करे लागल। मरिनदरके चौराहमे रलक् मनैनके अईसिन डेख्के अचम्मित हुईलाँ।

अक्के घचिक्मे मनैनके भीड उहे निको हुईलक् उ मनैयाँहे हेरे अईलाँ। पत्रुस ओईनहे कहलाँ “यी मनैया निको हुईल कहिके अपनिनके का अचम्मित हुईटी ? हम्रे उहिहे हमार शक्ति वा भलाइद्धारा निको कैलाक् नै हो बरटुन, यी टे येशूके ओँहाँक डेना विश्वास हो, जे यी मनैयाहे निको पारल्।”

“अपनिनके टे बटी जे रोमी राज्यपालहे येशूनहे मारे लगैली। जीवनके रचनाकारहे अपनिनके मरली तर परमेश्वर ओँहाँहे मृत्युसे जीवित बनैलाँ। अपनिनके अपनेहेँ काकरटी कहिके पटा नैरहे ब.तब्बो पर फेन्, परमेश्वरके अगमवाणीहे पुरा कैना अपनिनके कार्य चलैली, कि मसिह कष्ट भोग्हीँ ओ मुँहीँ। उहेक मारे आब, पश्चाताप करी ओ परमेश्वर ओर घुमि ताकि अपनिनके पाप धोजाई।”

पत्रुस ओ युहन्नान्के कहलक् बाट् कैलकमे मन्दिरके अगुवानके धेर रिसैलाँ। उहेक मारे ओइनहे पक्रलाँ ओ झ्यालखानामे डारडेलाँ। तर धेर मनैनके पत्रुसके सन्देशहे विश्वास कैलाँ, ओ येशूमे विश्वास कैना मनैनके संख्या करिब ५,००० हुईलाँ।

डोसर दिन, यहुदीन अगुवाने पत्रुस ओ युहन्नाहे प्रधान पुजहारी ओ आकुर धार्मिक अगुवानके सामु लन्लाँ। ओईने पत्रुस ओ युहन्नाहे पँुछ्लाँ, “कौन शक्तिद्धारा टुहरे यी लङ्गरा मनैयाहे निको कैलो।”

पत्रुस जवाफ डेलाँ, “अपनिनके सामु ठरह्याईल यी मनैयाँ येशू मसिहके शक्तिद्धारा निको हुईल्। अपनिनके येशूनहे क्रसमे टाँगके मरली, तर परमेश्वर ओँहाँहे फेन्से जीवित कैलाँ

पत्रुस ओ युहन्ना ऐसिक् केहेन् सहासके साथ बोल्लक् डेख्लाँ ओ अगुवानहे छक्क परलाँ काकरे कि ओईने डेख्टी रहिँट् कि ओईने साधारण ओ अशिक्षित मनै रहिँट्। तर पाछे यी मनैनके येशूसँगसँगे रहिँट् कहिके ओएइनहे याद अईलिन्। पत्रुस ओ युहन्नानहे चेतावनी डेलाँ तब पाछे ओईनहे छोरडेलाँ। बाइबलके कथा ः प्ररित ३ ः १–४ः२२ से