29. २९. निरदयी नोकरके कथा

एकदिन पतरुस येसुसे पुसलख,“ मालिक हमर भाइ हमर बिरोधमे पाप करी त हमे ओकरा केतना बार माफी करेके परी ? कथी सात बार ?” तब यिसु कहलख,“ सातबार नैखे,लेकिन सात गुना सतरी पटक माफी करिहे ।

“परमेस्वरके राज्य एगो रजाके जइसन बा,जे अपन नोकरसबके सङे हिसब किताब बुझेके चाहलख तब ओकर नोकरसब मध्यमेसे एकजना करिब २,००,००० बरिसतकके मजदुरिके रिन बोकले रहे ।”

“उ नोकर अपन रजाके रिन तिरे नसकैत रहे,तब रजा उ नोकरसे कहलख,‘यि अदमिके आ येकर सभे परिबारके दासके रुपमे बेचदे । ताकी यि अपन रिन चुक्ता कर सके ।”

“तब उ नोकर रजाके गोरमे गिरके कहलख,‘ हमरा उपरी दया करु,ताकी तोहर सभे रिन हम तिर सकु । तब रजा यि निकर उपरी दया देखैलख । ओहिसे रजा उ निकरके सरा रिनसबसे उकरिम देदेलख आ ओकरा जाए देलख ।”

“लेकिन जब उ नोकर रजाके रिनसे माफी पैलख,तब उ दोसर एकजना सङेरहल नोकरसे भेट कैलख जवनकी ओकरा उपरी चार महिनातकके मजदुरिके रिन रहे । तब उ नोकर अपन सङे रहल नोकरके पकरलख आ कहलख,“आब तु हमरासे लेले रहले उ रिन तिरदे ।

“तब ओकरा सङे रहल नोकर ओकर गोरमे गिरके कहलख,“हमरा उपरी दया करु । तोहरा तिरेके बाकी रहल सभे पैसा हम तिर देब । लेकिन उ नोकर अपना सङे रहल नोकर ओकर रिन चुक्ता करे नसकलख । ओहिसे उ नोकरके जेलमे भेजदेलख ।

“जब आरु नोकरसब यि घटनाके देखलख तब ओकनिके निरास बनादेलख । तब ओकनिके रजाके लगे गेलख आ रजाके सभे बात बतादेलख ।’’

“तब रजा उ नोकरके बोलाके कहलख,“ तु दुस्ट नोकर ”

तब यिसु कहलख,“यदी तोहनिके अपन हिरदयसे हि अपन भाइके माफी नदेबे त स्वरगमे रहेबला हमर पिता भि तोहनिके हरेकके अउसनके करी ।”