3. ३. जलपरलय

सिरिस्टि होगेलाके बहुत दिनके बाद । यि,संसारमे अदमिसब जनसंख्या बहुत बरहगेल । तब उ अदमिसब बहुत दुस्ट होएलाके कारन हिंसात्मक काम बरहैत गेल । अदमिसबके बिचार दिन परती दिन येतना न खराब होइत गेल कि,परमेस्वर सरा संसारके एगो बिसाल जलपरलयसे यि धरतिके सरा जिबित परानीसबके मुया देबेकेलेल निरन्य कैलख ।

लेकिन परमेस्वर नुहा नामके एगो अदमीके उपरी दया देखैलख । उहे एकेगो दुस्ट अदमिसबके बिचमे धरमि अदमी रहे । परमेस्वर नुहासे कहलख कि,कुछ दिनमे हम यि संसारके बहुत बिसाल जलपरलयसे नास करे जारहल बारी कहके नुहाके बतैलख । ओहिसे परमेस्वर नुहाके एगो पनिया जहाज बनाएके लेल कहलख ।

परमेस्वर नुहासे कहलख कि,करिब १४० मिटर लाम,२३ मिटर चौरा आ १३.५ मिटर उचाइके तन तलैचा जहाज बना । तब नुहा काठके तिन तलैचा जहाज बनैलख । यि जहाजमे बहुत कोठलीसब भि बनैलख आ हरेक कोठलिमे खिरकी बनैलख । यि जहाजके एगो कोठलीमे नुहाके सभे परिवार आ बाकी कोठलीमे हरेक किसिमके यि धरतीमे रहेबला जनाबरसब जलपरलयके समयमे सुरछित रहे कहके परमेस्वर नुहासे यि जहाजके बनबैलख ।

जब नुहा परमेस्वरके कहल बात अपन बेटासबके सुनैलख । तब नुहाके बेटासब परमेस्वरके कहल बात सनलख आ परमेस्वरके कहल मुताबिक जहाज बनाएकेलेल नुहाके मदत कैलख । लेकिन जहाज एकदम बहुत बरका होएलाके कारन येकराके बनाएमे कैअन बरिसके बाद जहाज तयारी भेल । तब नुहा अदमिसबके जलपरलयके बारेमे चेतावनी देलख । आ अदमिसबसे कहलख कि,अपन-अपन दुस्ट कामसब छोरके परमेस्वरके ओरी लवटके अबैजो कहके अदमिसबके चेताबनी भि देलख । काहेकी परमेस्वर कुछेदिनमे बिसाल जलपरलय यि धरतिपर लेयारहलबा । लेकिन अदमिसब नुहाके बातपर बिसबास नकैलख

तब परमेस्वर नुहाके परिवारके सङे रहेबला जनाबरसबके खाएकेलेल अन्नसब नुहासे रखबैलख । जब सभे चिज तयार होगेल । तब परमेस्वर नुहासे कहलख कि समय आचुगलबा आब तोहनिके जहाजमे चहरजो, तब नुहा अपन घरबालिके सङे अपन तिनगो बेटाके आ तिनगो पुतोहके भि जहाजमे चहर जाएकेलेल कहलख । ( ओकनिके परिवारमे जम्मा आठ जना रहे ।)

परमेस्वर मरदनबा,जनिअबा कके सभे किसिमके पसुपंछीके एक-एक जोरी नुहाकेलगे भेजलख ताकी जलपरलयके समयमे यि जनाबरसब भि सुरक्छित रहे । परमेस्वर बलिके लेल पसुपंछीमेसे हरेकमेसे सात-सातगो जोरी मरदनबा,जनिअनबा कके नुहाके पास भेजलख । तब ओकनिके सभेजना जहाज भितर ढुकगेल तब परमेस्वर अपने यि जहाजके केबारी बन्द कदेलख ।

जब पानि परेके सुरु भेल । तब चालिस दिन चालिस रात तक पानि परते रहगेल । आ धरतिके निचासे भि बहुत बरका-बरका भुल फुटके पानि निकले लगलख । तब पानिमे सरा पहार परबतसब डुबगेल ।

तब यि धरतिमेके सभे जिबजिवातसब मरगेल,केवल जहाज भितर रहल नुहाके सबपरिबार जिबित रहगेल, आ पसु पंछीसब जिबित रहगेल । जहाज पानिमे उतलाएल रहलख आ भितर रहल सबके पानिमे डुबेसे बचाके रखलख ।

पानि छुटगेलाके बाद भी पानि पाच महिनातक यि धरतिके उपरी रहलख । आ जहाज पानिमे उतलायल रहलख । तब कुछ दिनके बाद पानि सुखेलगलख । सेकरबाद एकदिन जहाज एगो पहारके टुपामे आके अरकगेल । फिरभी यी धरतीमे तभीतक भि पानि रहले रहे । जब तिन महिना बितगेल । तब आरु पहारके टुपा भि देखाइ देबेलगलख ।

तब चलिस दिनके बाद नुहा एगो कौयाके उरादेलख कि,पानि यि धरतिमे सुखल बा कि न ! तब उ कउया सुखल जमिन आ गासीसबके खोजमे एनेओने उरे लगलख । लेकिन उ कउवाके केम्हरोन सुखल जमिन न मिल्लख । फिरभी उ कउवा लवटके नुहाके पास नअएलख ।

तब ओकर पछारी नुहा एगो परेबाके जहाजमेसे उरादेलख । लेकिन यि परेबाके भि कहबो सुखल जमिन न भेटैलख,उकारनसे यि परेबा फेरु लवटके नुहाकेलगे अएलख । सेकरबाद फेरु एक हप्ताके बाद नुहा उ परेबाके बहरा उरादेलख । तब यि परेबा अपन लोलमे एगो जैतुनके डारह लेके अएलख । काहेकी पानि लगातार सुखैत जाइत रहे,आ गासबिरिस फेरुसे जामल जाइत रहे ।

तब फेरु कुछ दिनके बाद नुहा तिसरका पटक उ परेबाके बहरा उरैलख । लेकिन येमकिबार उ पेरबाके रहे बला जगह मिलगेल । उकारनसे नुहाके पास लवटके नअएलख काहेकी यि धरतिके पानि लगातार सुखल जाइत रहे ।

तब दु महिनाके बाद परमेस्वर नुहासे कहलख,”तोहनिके सबपरिबार आ पसुपंछीसब आब जहाजसे बहरा निकल सकैतबारे । तब परमेस्वर येकनिके आसिरबाद देलख कि, तोहनिके बहुत बालबच्चा लमैहे आ यि धरतिमे फेरुसे भर जइहे ।”तब नुहाके सभे परिबार जहाजसे बाहर निकलके फेरु यि धरतिमे उतर गेल ।

जब नुहा जहाजसे बहरा निकलके अएलख तब परमेस्वरके लेल एगो बेदी बनएलख आ यि बेदीमे बली करेकेलेल छुटियाल जनाबरमेसे बलिदान चरहैएलख । तब परमेस्वर उ बलिदानसे बहत खुसी होएलख । तब परमेस्वर नुहाके सभेपरिबारके आसिरबाद देलख ।

तब परमेस्वर नुहासे परतिग्या कैलख,”आब हम फेरु कहियोन दुस्टाके खातिर यि धरतिके सरापित बनाके ,लजपरलयसे यि संसारके आब हम नस्ट न करब,काहेकी अदमिसबके हिरदयके बिचार बालकसेही खराब रहैए ।”

सेकरबाद परमेस्वर परतिग्याके चिन्हस्वरुप अकासमे पनसोकाके चिन्हा बनैलख । हरेक पटक जब अकासमे पनसोका देखाइ दिइ,परमेस्वर अपन अदमिसबकेसङे परतिग्या कैलके याद करी ।