4. ४-अबरहामसे परमेस्वरके करार

जब जलपरलय होगेलाके बहुत दिनके बाद फेरु संसारमे बहुत अदमिसबके संख्या बरहैगेल,आ ओकनिके सभे जना एकेगो भसा बोलैत रहे । लेकिन परमेस्वरके अग्या रहेकि यि धरतिमे तोहनिके भरैत जैहे । लेकिन येकनिके यि धरतिमे भर जाएके त, एकसाथ मिलके एगो सहर बनाए लगलख ।

काहेकी यि अदमिसब बहुत हठी आ घमन्डी रहे,ओहिसे येकनिके परमेस्वरके कहल बातके वास्ता न कैलख ।आ ओकनिके स्वरगमे जाएकेलेल एगो बरका धरहरा बनाए लगलख । तब परमेस्वर येकनिके देखके बिचार कैलख कि,अइसनके एकसाथ मिलके दुस्ट काम करैत जाइ त ओकनिके आरु बहुत अधरमी होएते जाइ ।

ओहिसे परमेस्वर ओकनिके भसाके बहुत भसामे बदल देलख । जब अदमिसब एक -दोसराके भसा बुझे नसकलख । तब अदमिसब संसारमे तितर बितर होके फैलगेल । ओकनिके जवन धरहरा आ सहर बनाएके सुरु कएले रहे ,उ धरहराके नाम “बाबेल रहे” जेकर मानेबा “अलमल”

तब सय बरिसके बाद,परमेस्वर अबरहाम नामके एकजना अदमिसे बातचित कैलख । परमेस्वर येकरासे कहलख,“तुअपन देस आ घरपरिबार, कर कुटुम छोरके हम तोहराके जवन जगह देखाइत बारियौ उ जगह जो,हम तोहराके आसिरबाद देइत बारियौ कि,जवन जगहमे तु जाइत बारे हम उ जगहके एगो महान देस बनादेबौ । आ हम तोहर नामके बरका बनादेबौ । आ जे तोहरा आसिरबाद दिइ,ओकराके हम आसिरबाद देहब आ तोहराके जे सराप दिइ हम ओकराके सराप देहब । यि पिरथिबिके सरा कुलेके अदमिसब तोहरे कारनसे आसिसित होइ कहके परमेस्वर कहलख ।

सेकरबाद अबरहाम परमेस्वरके आग्या मानल्लख । उअपन बोह सराइ,आ नोकरसबके साथे उअपन सभे चिज लेके परमेस्वरके देखाएल देस कनानके ओरी चल देलख ।

जब अबरहाम कनानमे जापहुचलख,तब परमेस्वर ओकरासे कहलख,”तुअपन आख पसारके देख,तु जेतना देख सकैतसे ओतना सभे देस पुरखौली सम्पतिके रुपमे हम तोहराके देब ।” तब अबरहाम परमेस्वरके देल देसमे रहे लगलख ।

एकदिन अबरहाम महान परमेस्वरके पुजहारी मल्किसेदेकसे भेट कैलख । तब उ अबरहामके आसिस देके कहलख,“अकास आ पिरथिबीके मालिक सरबोचके परमेस्वर तोहरा आसिस देओ ।”तब अबरहाम मलकिसेदेकके अपन सरा सम्पतिके दसमा अंस देलख ।

अबरहामके बियाह भेला बहुत दिन बित गेलरहे । लेकिन ओकनिसे कवनो सन्तानके जलम नभेल रहे । तब परमेस्वर अबरहामसे बात कैलख आ परतिग्या भि कैलख कि,तोहरासे एगो बेटा होइ आ ओकर सन्तानसब अकासके तरा बराबर होइ । तब अबरहाम परमेस्वरके परतिग्यामे बिसबास कैलख । आ परमेस्वर अबरहामके धरमी ठहरैलख ,काहेकी अबरहाम परमेस्वरके परतिग्यामे बिसबास कैलख ।

सेकरबाद परमेस्वर अबरहामसे एगो समझौता कके कहलख । तोहर अपने जनिसे हि एगो बेटाके जलम होइ, आ यि कनान देस हम तोहरे सन्तानसबके देब ।”लेकिन अबरहामके पास एकोगो बेटा नरहे ।