5. ५.प्रतिज्ञा क सन्तान

कनानहा बसाइ सरेयाङ दस बर्ष बितेस्वायाङ न्हौ कनि अब्राहम दै साराइ क आङल सन्तान ओतमानी ।हुन्लमारै अब्राम क मत्काउ साराइ इ हुनकाना गारा ,"परमेस्वर इ ङा क कोख बन्द खैबथाक्सी अनि नो सन्तान दारम क लागै ङा बुढ्ढे ओसोह्रेका ,इन्कारण इ ङा दासी हागार दैना ब्याहा खै,हुनि ङा क लागै दा ठौ सन्तान बैहि।

इन्लमारै ,अब्राम इ हागारदै ब्याहा खया।हागार इ दा ठौ चाउ जन्माआ,अनि अब्राम इ हुन्क बृङु इसमाइल थाआ।तर साराइ इ हागार क रिस खयम ग्लाआ, इस्माएल इ तेह्र बर्ष क ओत्याउ,परमेस्वर फेरि अब्राहमदै थामा।

परमेस्वर इ गारा ,"ङा सर्बशक्तिमान परमेस्वर हु"।ङा नाङदैना दाठौ करार ह्रुप्न्याह्रेङ ।अनि अब्राम इ दिसाहा गुम्तना ढोग खया।परमेस्वर इ फेरि गारा नाङ चोल रास्ट्रराउ क बयु ओन्याह्रेङ।कनान देशकाना ङा नाङ अनि नाङक सन्तानराउ क याकुहा सुम्पेबैहौ।अनि ङा सदाल्भरेत हुराँउक परमेस्वर ओन्याह्रेङ।नाङी आफ्नो नाम्क सब्ल यराराँउ क खतना खयम बृन्याह्रेङ।"

नाङ्क मत्काउ साराइ इ दाठौ चाउ जन्मान्या ह्रेङ हुन चाहिँ प्रतिज्ञा खयाङ सन्तान ओन्याह्रेङ।नाङी हुन्क बृङु इसाहाक थाम हुन्दैना ङा ङा क करार ह्रुपहौ,अनि हुन्क बरे रास्ट्र ओन्याह्रेङ।ङा इस्माएल काना कनि बरे रास्ट्र बैहौ,तर ङा क करारचाही इसाहाक दैनाल ह्रुपहौ।हुन न्हौ परमेस्वर इ अब्राम क बृङु अब्राहम थाबया,जाङ्क अर्थ हु "चोल क बयु",।परमेस्वर इ साराइ क कनि बृङु नो "सारा, थाबया जाङ्क अर्थ हु "राजकुमारी"।

हुन्काले अब्राहम इ आफ्नो नाम्क सब्ल यरा राउ क खतना खैबया।हुन्क करिब दा बर्ष न्हौ ,अब्राहम सय बर्ष क अनि सारा नब्बे बर्ष क ओत्याउ,सारा इ अब्राहम क चाउ जन्माआ।परमेस्वर इ गार्याङ् साङ्ल हुराँउ इ हुन्क बृङु इसाहाक थासो।

जब इसाहाक बालक ल ह्रेनी ,परमेस्वर इ अब्राहम क बिश्वास क जाँच खया,अनि गारा,"नाङ्क दाल्ठौ चाउ इसाहाक काना कात्तना गात अनि हुन्काना ङा क लागै बलि चढा ।"अब्राहम इ परमेस्वर इ गार्याङ कुराकाना मानेया अनि आफ्नो चाउ काना बलि बयम तयार ओआ।

जब अब्राहम दै इसाहक थान हाइ स्वाछाइनि ,इसाहक इ सुधेया "बै ,ङैदैना बलि क लागै सिङराँउ त ह्रेकि तर चढान्याङ बलि घोइ त "?अब्राहाम इ जवाफ बया ,"हे ङा क चाउ! परमेस्वर इ ल बलि क लागै थुमा जुटान्याह्रेङ"।

जब हुराउ "थान "निङ्हा तोङ्कासी आब्राहम इ आफ्नो चाउकाना ह्रुप्तना थान क बेदिहा थाआ। जब हुनि आफ्नो चाउकाना बलि बयमल बाङह्रेआनि,परमेस्वर इ गारा "ताइथी

हुन्हा नजिकल अब्राहाम इ दाठौ थुमा काना झाडी हा अल्झेह्रेयाङ मुआ।परमेस्वर इ हुन थुमा काना इसाहक सट्टा बलिदान क लागै हुन्हा थाबैथाआनी ।अब्राहम इ खुसी क साथ हुन थुमाकाना बलि चढाआ।

अनि परमेस्वर इ अब्राहामकाना गारा ",नाङी ङाक लागै आफ्नो सब्ल थोक बयम तयार ओयाङ्क लागै अनि नाङ्क दाल्ठौ चाउ कनि बाकी माठायाङ्क मारै,ङा नाङ्काना आशिष बैन्याङ प्रतिज्ञा खैकु ।नाङ्क सन्तानराउ आकाश क ताराराउ हाइत चो ओन्याङ ह्रेकी ।नाङी ङा क आज्ञा मानेयाङ ओतना सन्सार क सब्ल नामनाम्सी राउ नाङ्क नामराँउहाइतना आशिसित ओनेह्रेकी ।