6. ६. परमेस्वर इसहाक देलख

जब अबरहाम बुरहबा होगेल तब ओकर बेटा इसहाक जबान होगेल रहे । ओहिसे अबरहाम उअपन नोकरसे कहलख कि, हमर करकुटुमसबके लगे जो आ इसहाकके लेल एगो मौगी खोजके ल्या कहके हबरहाम अपन नोकरके अपन कर-कुटुम्बके पास भेजलख ।

तब अबरहामके नोकर ओकर कुटुमके देसके ओरी गेल,तब परमेस्वर उ नोकरके पास रेबिका नामके एकजना सौरीके ल्यलैख । उ हबरहामके भाइके नतनी रहे ।

जब रेबिका अपन घर-परिबारके छोरके अबरहामके नोकरके सङे इसहाकके घरमे आएकेलेल राजी-खुसी होएलख । तब इसहाकके घरमे रेबिका आपहुचलख तब येकनिके दुनुजनाके बियाह करादेल

जब कुछ समयके बाद अबरहामके मिरतु होगेल,सेकरबाद परमेस्वर अबरहामसे जवन करार कैलेरहे उ करार इसहाकमे आगेल । तब परमेस्वर अबरहामसे कहलेरहे कि,तोहर असंख्यौ सन्तान होइ कहके परतिग्या कैलेरहे । लेकिन इसहाकके मौगी रेबिकासे कवनो भि सन्तान न भेलरहे । काहेकी रेबिका बाझिन रहे ।

जब इसहाक रेबिकाके लेल परमेस्वरसे पराथना कैलख,तब इसहाकके पराथना परमेस्वर सुनल्लख आ रेबिकाके कोखसे जौंए बच्चा देलख । तब यि दुनु बच्चा रेबिकाके गरभमेही एक-दोसरासे लराइ करे,ओहिसे रेबिका परमेस्वरसे पुसलख कि, यि कथी होरहलबा ।

तब परमेस्वर रेबिकासे कहलख,”तोहर पेटमे रहल दुनु बेटा दुगो देसके रुपमे आइ,आ ओकनिके दुनु भाइ एक-आपसमे लराइ करी आ जेठका बेटा छोटका बेटाके सेवा करी ।“

जब रेबिकाके लइका भेल,तब जेठका बेटाके देहमे लाल रङके केसे केस रहे,तब ओकनिके येकर नाम एसाब रखलख । लेकिन छोटका बेटा अपन हाथसे जेठकाके गोर पकरलही सङे निकल्लख तब ओकनिके येकर नाम याकुब रखलख ।