7. ७. परमेस्वर याकुबके आसिस देलख

जब यि बालकसब बरहैत गेल,तब याकुब घरही रहे,लेकिन एसाब सिकार करेमे रुची राखे । ओहिसे रेबिका छोटका बेटा याकुबके दुलार करे,आ इसहाक जेठका बेटा एसाबके दुलार करे ।

एकदिन जब एसाब सिकार कके घरे लवटके अएलख,तब ओकरा बहुत जोरसे भुख लागल रहे । जब एसाब याकुबसे कहलख कि “तुअपन बनाएलमेसे हमरा खएकेलेल देत ?” तब याकुब जबाफ देलख,“पहिले तुअपन जेठके अधिकार हमरा देअ ।’’ तब हम तोहरा खाएकेलेल देबो । तब एसाब उअपन जेठ अधिकर देदेलख । सेकबाद याकुब अपन बनाएलमेसे एसाबके खाएकेलेल देदेलख ।

लेकिन इसहाक अपन आसिस एसाबके देबेके चाहैत रहे । लेकिन इसहाक एसाबके आसिस देबेसे पहिलेही रेबिका याकुबके एसाबके कपरा लगादेलख आ एसाबके जइसन बनाके इसहाकसे छल कैलख । काहेकी इसहाक बहुत बुरह होगेल रहे आ अपन आखसे देखे नसकैत रहे ।उकारनसे रबिका याकुबके घेटमे हाथमे बकरीके केसबला सला लपेटके याकुबके इसहाकके लगे भेजदेलख ।

तब याकुब इसहाककेलगे अएलख आ कहलख,“ हम एसाब बरी । हम तोहरासे आसिस लेबेकेलेल आएलबारी ।”जब इसहाक याकुबके कपरा सुम्हलख आ हाथ पकरैतबा तब एसाबके जइसन इसहाकके लगलख । तब इसहाक याकुबके आसिस देदेलख ।

एसाब याकुबसे घिरना करे । काहेकी याकुब एसाबके समस्याके समयमे एसाबके मिलल जेठ अधिकार छिनलेलख । ओहिसे एसाब अपन बाबुके मरगेलाकेबाद याकुबके मुयाएके योजना बनैएले रहे ।

लेकिन रेबिकाके एसाबके योजनाके बारेमे मालुम होगेल ।ओहिसे इसहाक आ रेबिका याकुबके उहबासे ममाके घरे भेजदेलख ।

याकुब बहुत दिनतक अपन ममे घरे रहलख । उहे समयमे उहबे याकुब बियाह भि कलेलख ।आ याकुबके उहबे बारगो बेटा आ एगो बेटी भि होगेल । परमेस्वर ओकरा बहुत धनिक बनादेलख ।

याकुब बिस बरिस अपन घर छोरके ममाके घरपर रहलख,तब याकुब अपन सरा परिवारके साथे अपन नोकरसबके आ गाइबस्तु साथमे लेके अपन घर कनानमे लवट अएलख ।

याकुब बहुत डेरा गेलरहे,काहेकी हमर ददा एसाब अभिभि हमराके मुया दी कि,सोचैत रहे ।ओहिसे याकुब आबेसे पहिले अपन ददाके पास बहुत गाइबस्तुसब उपहार सरुप भेजदेलख । गाइबस्तुसब लेके गेल नोकरसब एसाबसे कहलख,” तोहर दास,याकुब तोहरालेल यि गाइबस्तु भेज देलेहव उ बहुत जल्दी हि आरहलहव ।“

लेकिन एसाब याकुबके पहिलेही माफी देदेलेरहे । ओहिसे एसाब याकुबके देखके बहुत खुसी भेल । सेकरबाद याकुब अपन घर कनानमे सान्तिसे रहेलगलख । सेकरबाद इसहाक मरगेल,तब दुनु भाइ मिलके गारदेलख । परमेस्वर अबरहामसे बचनबध करार कैलेरहे उ करार इसहाकसे याकुबमे सरगेल ।