36. ३६. यिसुके रूप परिबरतन

एक दिन यिसु अपन साथमे तिनगो चेलासबके लेकेगेल जइसेकि, पतरुस,याकुब आ यिहुन्ना रहे ,ओकनिके पहारमे पराथनाके लेल गेल ।

जब यिसु पराथना करैत रहे,तब यिसुके चेहरा सुरुजके जइसन चमकैत रहे,आ ओकर लगाएल कपरा इजोतके जइसन उजर होगेल ।

सेकर बाद उहबा मोसा आ एलिया अगमबक्ता देखाइ देलख । यि अदमिसब उ घटना होयसे सयौ बरिस पहिलेही ओकनिके रहे । ओकनिके यिसुसंङे ओकर मिरतुके बारेमे बात करैत रहे,जवन कि,बहुत जलदी हि यरुसलेममे होए बला रहे ।

जब मोसा आ एलिया यिसुसङे बातचित करैत रहे,तब पतरुस यिसुसे कहलख,“हमनिके यिहबे रहला असल बा । हमनिके यिहबे रहेके लेल तिनगो घर बनाउ,एगो अपनेके लेल,एगो मोसाके लेल आ एगो एलियाके लेल,जब पतरुस यि बात बोलैत रहे,तब ओकरा मालुमे न भेलकि,हम कथी बोल रहल बारी ।

जब पतरुस बोलैत रहे,तब ओकनिके एगो बादल निचा हएलख आ ओकनिके तोपदेलख । सेकरबाद बादलसे परमेस्वर अइसे बिल्लख,“यि हमर दुलरुया बेटा बा,जेकराके हम मया करैसी । हम ओकरासे बहुत खुसी बारी । ओकर कहल बातसब सुनहे ।”तब चेलासब डेराके भुइयामे मुहखुरिया देलख ।

जब यिसु चेलासबके सुके उठाइत कहलख,“तोहनिके न डेरा,उठ”तब चेलासब उहबा एनेओने देखलख त खाली यिसु केहि देखलख ।

जब यिसु अपन तिनु चेलासबके सङे पहारसे निचा उतरके अएलख । तब यिसु ओकनिसे कहलख,“यिहबा भेल घटनाके बारेमे अभी केकरोसे किसियो नकहिहे । हम बहुत जलदी हि मरे जारहल बारी । लेकिन हम फेरु मरल मेसे जि जाएब । सेकरबाद तोहनिके अदमिसबके कह सुना सकैत बारे ।”