37. ३७. यिसु लाजरसके मिरतुसे जियादेलख

एक दिन यिसु लाजरस बहुत जोरसे बिमार परल बा कहके खब्बर पैलख । तब लाजरस आ ओकर दुगो दिदी मरियम आ मरथा यिसुके नजिकके सङहतिया रहे । जब यिसु यि समाचार सुनल्लख,तब यिसु कहलख,“यि बिमारी मिरतु न कराइ,लेकिन यि त परमेस्वरके महिमाके लेल बा ।”यिसु अपन सङहतियासबके बहुत मया करे,लेकिन यिसु खब्बर सुनके भि आरु दु दिनतक उहबे रहगेल । जहा कि यिसु बैठैत रहे ।

दु दिनके बाद,यिसु अपन चेलासबसे कहलख,“अबैजो,आब हमनिके यहुदियामे लवटजाउ ।”तब चेलासब जबाफ देलख,“लेकिन गुरु जी ! कुसे दिनके त,बात बा कि,उहबाके अदमिसब अपनेके मुयाएके खोजैत रहे ।

तब यिसुके चेलासब जबाफ देलख,“ परभु यदी लाजरस सुतल होइ त ,उ जरुरे उठी ।”तब यिसु चेलासबसे खुलके कहदेलख कि,“लाजरस मर गेल बा । हमरा उहबा न रहला मे ही खुसी बारी,कहेकी आब ओकनिके अपन आखसे अदभुत बात देखी,जेकर कारनसे तोहनिके ओकरा उपरी बिसबास करबे ।”

जब यिसु लजरसके घरमे पहुचलख,तब लाजरस चार दिन पहिलेही मर गेल रहे । यिसुके भेटेके लेल मरथा बहरा निकलके अएलख आ यिसुसे कहलख,“ परभु,यदी अपने यिहबा रहती त,हमर भाइ न मरैत । लेकिन हम बिसबास करैत बारी कि,अपने परमेस्वरसे जवन चिज माङब उ अपनेके दे दीइ ।”

तब यिसु जबाफ देलख,“पुनररुथान आ जिबन हमही बारी । जेकनिके हमरा उपरी बिसबास करी,ओकनिके कहियोन मरी । कथी तु यि बात पर बिसबास करैत बारे ?”मरथा जबाफ देलख,“ह परभु ”

सेकरबाद मरियम अएलख आ यिसुके गोर पकरके कहलख,“परभु यदी अपने यिहा रहती त हमर भाइ न मरैत ।” तब यिसु ओकनिसे पुसलख कि,“तोहनिके लाजरसके कहा गारले बारे ?”ओकनिके यिसुसे कहलख,“लाजरसके यिहे गुफामे गारले बा ।” तब लजरसके गारल देखके यिसु रोएलख ।

उ कबर एगो गुफाके जइसन रहे,जेकर मुहमे पथलके पेहनासे बन्द कदेले रहे । जब यिसु लाजरसके कबरके पास गेल,तब यिसु ओकनिससे कहलख,“येकर पेहना हटादे ।” तब मरथा कहलख,ओकर मरला चार दिन होगेल ।आब त उ गिन्हा गेल होइ ।

तब यिसु ओकरासे कहलख,“कथी हम तोनिके कहले न रहलियौ कि,जब तोहनिके हमरा उपरी बिसबास करबे त परमेस्वरके महिमा देखबे ?” तब ओहिसे ओकनिके कबरके पेहना हटादेलख ।

तब यिसु स्वरगके ओरी देखलख आ कहलख,“हे हमर पिता,तु हमर बात सुनल्ला ओहिसे तोहरा धन्यबाद । हम जनैत बारी कि,तु हमर हरेक बात सुनैसा,लेकिन हम यि बात यिहबा खराभेल सभे अदमिसबके खातिर कहरहल बारी,ताकी ओकनिके बिसबास करे कि,तुही हमरा भेजएले बरा । सेकरबाद यिसु जोरसे बोलैलख कि, “लाजरस,बहरा निकलके आजोअ ।

तब लाजरस कब्बरसे बहरा निकल गेल ।

लेकिन यहुदिसबके धारमिक अगुवासब डाह करे लगलख,ओहिसे ओकनिके कैसे यिसुके आ लाजरसके मारब कहके ओकनिके योजना बनाएके लेल एक साथ जम्मा भेल ।