38. ३८. यिसुके धोखा देलख

हरेक बरिस,यहुदिसब निस्तार पबनि मनाए । उ एगो पबनीके रुपमे मनाइत अबैत रहे, जवन कि,कयौ सताब्दिसे कैसे परमेस्वर ओकनिके पुरखासबके मिस्रदेसके दासत्वसे बचाके लेअएले रहे ओकर सम्झनामे मनाइत अबैत रहे । यिसु पहिलका बार खुलारुपसे परचार आ सिक्छा देबेलगलख उसे करिब तिन बरिसके बाद,यिसु अपन चेलासबके ओकनिसबके सङे येरुसलेममे निस्तार पबनि मनाएके लेल कहलख,आ यि भि अपन चेलासबसे कहलख कि,उ उहबा मारल जाइ ।

यिसुके चेला मध्यमेसे यहुदा नामके एगो चेला रहे । उ सभे चेलासबके रुपैया पैसाके नेमजाके जिम्मा लेलेरहे । लेकिन उ रुपैया पैसाके बहुत मोह करे आ बहुत बार उ पैसाके थैलिसे पैसा चोरालेले रहे । जब यिसु अपन चेलासबके सङे यरुसलेममे अएलख,तबयहुदा यहुदी अगुवासबके लगे गेल आ पैसा लेके यिसुके धोखा देबेके लेल परसताब रखलख । यहुदी अगुवासब यिसुके मसिह कहके स्वीकार न करैत रहे । आ यिसुके मारेके लेल जाल रचैत बा कहके ओकरा मालुम रहे ।

परमुख पुजहारिके अगुवाइमे,यहुदी अगुवासब यिसुके बिसबासघात करेके लेल यहुदाके तिस गो चानिके डलर देलख । जइसे अगमबक्तासब भबिस्यबानी कैले रहे,औसनके यिसुके जिबनमे घटना घटलख । तब यहुदा उ बातके मन्जुर कैलख आ पैसा लेके उहबासे चलगेल । ताकी यिसुके पकरेके लेल सहायता कर सके कहके मौकासब खोजे लगलख ।

जब येरुसलेममे,यिसु अपन चेलासबके सङे निस्तार पवनि मनाएके लेल गेल । तब निस्तार पबनिके भोजके समयमे यिसु रोटी लेके धन्बाद देलख आ तुरके अपन चेलासबके देइत कहलख ,“यि लेअ आ खोअ । यि हमर देह बा,जवन कि,तोहनिके लेल देले बा । यि हमर यादमे करिहे ।”यिला यिसु कहलख कि,ओकर देह ओकनिके लेल बलिदान होइ ।

तब फेरु यिसु अँगुरके रस बला गिलास लेके धन्यबाद देलख आ चेलासबसे कहलख,“यि लेके पिइ । काहेकी यि नया करारके खुन बा,जवन पाप समाके लेल बहाएल जाइ । जब तोहनिके हरेक बार तोहनिके पिहे तब तोहनिके हमरा इयाद करिहे ।”

सेकरबाद यिसु चेलासबसे कहलख,“तोनिसबमेसे एकजना हमरा धोखा दिइ ।” यिसुके अइसन बात सुनके चेलासब छक्क परगेल,आ चेलासब यिसुसे पुसे लगलख कि, उ के बा । तब यिसु कहलख,“जेकरा हम यि रोटिके टुकरा देहब उहे हमराके धोखा दी ।”सेकरबाद यिसु उ रोटिके टुकरा यहुदाके देलख ।

जब यहुदा रोटिके टुकरा लेलख,तब सैतान यहुदामे ढुकगेल आ यहुदा उहबासे निकलके यिसुके पकरबाएमे सहयोग करेके लेल यहुदी अगुवासबके लगे गेल । उ समय रातके समय रहे ।

भोजन कलेलाके बाद यिसु अपन चेलासबके सङे बुलैत जैतुन पहारमे पराथनाके लेल गेल,आ अपन चेलासबसे कहलख,“तोहनिके आजुके रात हमराके एकेले छोरदेबे । धरमसास्तरमे अइसे लिखल बा कि,“हम चरबाहके परहार करब तब ओकर सभे भेरासब राइसाइ होजाइ ।

तब पतरुस यिसुके जबाफ देलख,“सभेकोइ अपनेके त्याग देलामे भी हम अपनेके त्यागे नसकैत बारी ।

तब पतरुस यिसुके अइसे भी कहलख,“हमरा मरेके परी तब पर भी,हम अपनेके कहियोन इन्कार नकरब ।

सेकरबाद यिसु अपन चेलासबके सङे गेतसमनी कहेबला जग्हमे गेल । आ अपन चेलासबसे परिक्छामे न परु कहके पराथना करेके लेल कहलख । सेकरबाद यिसु चेलासबके छोरके अकेले पराथना करेके लेल चलगेल ।

तब यिसु तिनबार पराथना कैलख,“हे पिता हो सकैत बा त,हमरा उपरी दया करु ताकी यि कचोराके कस्ट पिएके नपरे । लेकिन अदमिसबके पापसे मुक्ती पाएके लेल आरु कवनो रस्ता न बा त,अपने अपन इक्छा पुरा करु ।“ यिसु बहुत चिन्तामे रहे आ ओकर पसिना खुन बनके बुन्दे-बुन्दे गिरैत रहे । तब परमेस्वर स्वरगदुतके यिसुके सक्ती देबेके लेल भेजलख ।

पराथनाके समयके बाद,यिसु अपन चेलासबके लगे लवटके अएलख । लेकिन चेलासब निनाइत रहे । जब यिसु तिसरका बार फेरु अपन चेलासबके पास अएलख तब फेरु ओकनिके सुतले रहे,तब यिसु चेलासबसे कहलख,“उठ”

तब यहुदी अगुवासब सैनिकसबके साथ लेके अएलख,जब ओकनिके अपन हाथमे तलबार,लाठी लेके यहुदाके साथ अएलख । तब यहुदा यिसुकेलगे अएलख आ यिसुसे कहलख,“गुरु जी गोर लगैत बारी कहके यिसुके चुमा लेलख ।उ यहुदी अगुवासबके लेल उ केकराके पकर बाएके बा से संकेत रहे । तब यिसु कहलख यहुदा तुउ हमरा चुमा लेके धोखा देइत बारे ?”

जब सेनासब यिसुके पकर लेलख तब पतरुस अपन तलबार निकालके एगो परधान-पुजहारीके एगो नोकरके कान काटदेलख । तब यिसु पयरुससे कहलख,“तलबारके म्यान भितरी राख ।