40. ४०. यिसुके कुरुसमे टाँङ देलख

जब ओकनिके यिसुके मजाक उरालेल्लाके बाद,सिपाहिसब यिसुके कुरुसमे चरहाएके लेल ओकनिके यिसुसे कुरुस बोकैलख आ उहेमे यिसुके टाङेके रहे ।

उ सिपाहिसब यिसुके,“खप्परे”कहेबला ठाओमे लेके गेल आ यिसुके कुरुसमे राखके ओकर हाथ आ गोरमे किल्ला ठोकदेलख । फिरभी यिसु कहलख,“हे पिता,येकनिके माफ करु,काहेकी येकनिके कथी कर रहल बासे येकनिके न जनैत बा ।”तब पिलातस उ सिपाहिसबके हुकुम देलख कि,एगो पटहामे “यहुदिसबके रजा” लिखके ओकर कुरुसमे यिसुके सिरके उपरी ठोक देअ ।

तब सिपाहिसब यिसुके कपरा लेके चिठा लगैलख । जब ओकनिके अइसे कैलख तब उ अगमबानी पुरा होगेल कि,जे कहले रहे,“ओकनके हमर बसतर लेबेके लेल चिठा लगाइ आ आपसमे बाटली ।

जब यिसुके दुगो लुटेरासबके बिचमे कुरुसमे लटकादेलख । तब ओकनिमेसे एकजना यिसुके गिल्ला कैलख,तब दोसरका ओकरासे कहलख,“कथी तोहरा परमेस्वरके डर न लगैसौ ? कहेकी यि त निरदोस अदमी बा ।”तब फेरु यि अदमी यिसुसे कहलख,“दया कके जब अपनेके राज्य आइ तब हमरो यियाद करब ।”तब यिसु ओकरासे कहलख,“आजुय तुउ हमरासङे स्वरगमे रहबे ।

तब यहुदी अगुवासब आ यिहबा रहल अदमिसबेके भिर यिसुके मजाक उरैलख । ओकनिके यिसुसे कहलख,“यदी तु परमेस्वरके बेटा बारे त,कुरुससे निचा उतरके आअ आ अपना आपके बचाअ । तब हमनिके तोहरामे बिसबास करब ।

तब दोसरका पहरसे लेके तिसरका पहर तक पुरा देसमे अन्हार होगेल । यि घटना कलौउ पहरके समयके रहे । काहेकी यि अन्हार कलौ पहरसे लेके बेरिया पहरतक रहलख (१२ बजेसे लेके ३ बजेतक ) ।

तब यिसु जोरसे चिचियाके हलख,आब ओरागेल ! हे पिता,हमअपन अतमा तोहर हाथमे सोपैत बारी ।” तब यिसु अपन सिर गिरालेलख आ अपन अतमा परमेस्वरके हाथमे सोप देलख,जैसही यिसुके मिरतु होगेल तब भुकम्प अएलख आ मन्दिरके परदा जवनकी परमेस्वरके उपस्थिसे दुर रखले रहे यि परदा उपरिसे निचातक फाटके दु भाग होगेल ।

यिसु अपन मिरतु द्वारा,अदमिसबके लेल परमेस्वरके लगे जाएके लेल रस्ता खोलदेलख । जब यिसुके कबरमे पहरा देइत रहे,उ सिपाही यि सभे बातसब देखके उ कहलख,“बास्तबमे हि अदमी धरमी आ निरदोस आ परमेस्वरके हि बेटा रहे ।”

जब युसुफ निकोदेमस यहुदिसबके पुजहारी जे कि,यिसु हि मसिह बा कहके बिसबास करैत रहे । उ दुनुजना पिलातसके पास गेलख आ यिसुके लास मङलख । ओकनिके यिसुके लासके कफनसे लपेटके चटामे बनाएल गेल कबरमे लेजाके राखदेलख । सेकर बाद ओकनिके कबरके दुवारिमे एगो पथलके बरका पेहना गुरकाके लेगे आ ओकर मुह तोप देलख