41. ४१. परमेस्वर यिसुके मरलमेसे जिइ उठैलख

जब सिपाहिसब यिसुके कुरुसमे लटकादेलख तब उहबा रहल अदमिसब आ यहुदी अगुवासब पिलातससे कहेलगलख कि,“यिसु झुठ बात बोल्ले रहेकि,उ तिन दिनके बाद हम मरल मेसे फेरुसे जि उठजाएब । ओहिसे ओकर चेलासब ओकर लास चोराके लेजाइ,आ ओकनिके कहेलागी कि, उ मरलमेसे जि उठगेल कहके परचार करेलागी ओहिसे ओकर कब्बरमे पहरा देबहीके परी ।”

तब पिलातस ओकनिसे कहलख,“कुछ सिपाहिसबके लेके जोअ आ कब्बरमे पहरा देबाके सुरक्छा कर ।” ओहिसे ओकनके कब्बरके मुहमे लगाएल गेल पेहनामे लाहके सरकारी मोहर लगादेलख आ यिसुके लास केहु चोराके न लेजाए कहके सिपाहिके पहरा देबेके लेल खटादेलख ।

यिसुके लास गारलके बिहान भेला बिसराम दिन रहे,ओहिसे यहुदिसबके उ दिनमे कब्बरमे जाएसे मनाही रहे । ओहिसे बिसराम दिनके बिहान भेला एक भिन्सरबा कुछ जनानिसब यिसुके कब्बमे ओकर सरिरमे गमके बला अतरके मलहम लगाबेके लेल गेल ।

तब यि जनानिसब उहबा पुगेसे पहिले,अचानक एगो बहुत बरका भुकम्पके जइसन अएलख । तब बिजुलिके समान चमकैत स्वरगसे स्वरगदुत अएलख आ कब्बरके मुह पुनल पथलके पेहना हटाके उहे उपरी बैठगेल । तब कब्बरके पहरा देबे बला सिपाहसब डरके मारे मरल जइसन भुयामे गिरगेल ।

जब उ जनानिसब कब्बरमे अएलख तब उ स्वरगदुत ओकनिसबके हलख,“तोहनिके नडेरा” यिसु यिहबा नहौउ यिसु जब जिते रहे उ समयमे तोहनिसे कथी कहले रहलौ ,ओहिसे यिसु मरलमेसे जि उठगेलहौ ।

तब स्वरगदुत उ जनानिसबसे कहलख,“ जाइजो ओकर चेलासबसे कहदे कि,“यिसु मरल मेसे जि उठलबा, काहेकी यिसु तोहनिसबसे पहिले गालिलमे जाइ ।”

तब यि जनानिसब भयसे आ खुसिसे भर गेल । ओकनिके चेलासबके यि खुसिके सुसमाचार सुनाएके लेल दौरके गेल ।

जब उ जनानिसब चेलासबके यि खुसिके समाचार सुनाए जएते रहे कि,यिसु ओकनिके लगे देखा देलख तब ओकनिके ओकर अराधना कैलख । तब यिसु कहलख,“नडेरा । जोअ आ हमर चेलासबसे कहदे की, ओकनिके गालिलमे जाइ । ओकनिके हमरा उहबे देखी ।”