50. ५०. येशू फेनसे अइही

करिब २००० सालसे, संसारभरके धेरसे धेर मनइ येशू मसिहके बारेमे सु–सामाचार सुन्ति आइल बाटैँ। मण्डली बहर्ति बा। येशू प्रतिज्ञा कर्ले रहैँ कि संसारके अन्त्यमे ऊ लौटके अइहीँ। ऊ अभिनसम् लौटके आइल तो नाइ होईँ, मने अइहीँ।

जब् हम्रे येशूक् अइनाके अस्रा लागति कलेसे हम्रे पवित्र जीवन जीई कैके परमैश्वरु चाहथै“। हम्रे औरे जहान फे हुँकार राज्यके बारेमे बताइ कैके चाहथै“। जब् येशू संसारमे रहैँ, ऊ कहनै, “मोर चेलाहुँक्रे परमेश्वरके राज्यके बारेमे सारा संसारके मनइन सु–सामाचार परचार करिहिँ।”

धेरे मनइहुँक्रे अभिन फेन येशूक् बारेमे नाइ सुन्ले हाईँ। स्वर्गमे लौटनासे आघे येशू खी्रष्टियानहुँक्रहन ऊ मनइन सु–समाचार बताइ कहनै, जे कब्बु फेन हुँकार बारेमे नाइ सुन्ले हो। येशू कहनै, “जाऊ ओ सब जातिक् मनइन चेला बनाऊ।”

येशू यि फे कहनै, “कोनो फन दास आपन मलिक्वासस भारी नाइ हुई सेकि। जैसिके यि संसारके अधिकारीहुँक्रे महिन घृणा कर्नै, ओस्तेके महिन पछ्छुइया फेन मोर लग् दुख भोगिहि ओ मूहीँ। यि संसारमे तुह्रन दुख भोगेक् परि तौनफे, जोसिलो हुओ, काहेकि मई यि संसारके शासक शैतानहे हितैले बाटुँ। यदि तुह्रे अन्तिमसम् विश्वासयोग्य रहबो कलेसे, परमेश्वर तोहोनके उद्धार करिहिँ।

येशू हुँकार चेलाहुँक्रन संसारके अन्त्य होके सेकि तब् कैसिन हूई कैके बुझाइक लग् एकथो कथा बतैनै। ऊ कहनै, “एकथो मनइया खेतवामे मजा बिया छिटल। जब् ऊ सुतल रहे, ओकर दुस्मन आके गहुँके बीचमे सावाँछिटदेहेल।”

“जब् बिया जामल, ऊ मनइयक् नोक्रहुवन कहनै, ‘ मालिक, तुँ तो उ खेतवम मजा बिया छिट्ले रहो। मने कहाँसे वहाँ सावाँआइगिनै तो?’ ऊ मलिक्वा कहल, ‘ पक्कै फे यि दुस्मनके काम हो।”

“नोक्रहुवन् मलिक्वै कहनै, ‘ हम्रे सावाँहे उखारदी?’ मलिक्वा कहल, ‘ नाइ। अब्ब तुह्रे सावाँउखरबो तो सावाँक्सँग गहुँ फेन उखरजाइ। काटे लगबो तब् सावाँअल्गाके, जराइक लग् बोझा बनैहो मने गहुँ भर मोर देहेरिमे धरोहो।’”

चेलाहुँक्रे ऊ कथाके अर्थ नाइ बुझ्नै, तबे वैने येशूहे कथा बुझादेहेक लग् बिनति कर्नै। येशू बतैनै कि मजा बिया छिट्इया मनइया मसिहहे जनाइथ। खेतवा संसारहे जनाइथ। मजा बिया परमेश्वरके राज्यके मनइन जनाइथ।

“सावाँखराब मनइन जनाइथ। सावाँछिटुइया दुष्ट अथवा शतानहे जनाइथ ओ फसल कटुइया परमेश्वरके स्वर्गदूतहुँक्रहन जनाइथ।”

“जब् संसारके अन्त्य हुई, स्वर्गदूतहुँक्रे अधर्मि मनइनहे जम्मा करिहि ओ वैनहुँक्रहन आगीमे फकादिहिँ, जहाँ वैने रोइहिँ ओ एकदम ज्यादा पिडाके मारे दाँत पिसिहिँ। मने धर्मि मनइहुँक्रे वैनके बाबा वरमेश्वरके राज्यमे सूर्य जस्ते चम्किहिँ।”

येशू यि फेन कहनै कि संसारके अन्त्य हुइनासे ठीक आघे ऊ पृथ्वीमे लौटके अइहिँ। जस्तेके छोरके गइल रहै ओस्तेके लौट्के अइहिँ, शरीरेमे। जब् येशू उप्पर बद्रीमे अइहिँ, सक्कु मुवल खी्रष्टियानहुँक्रे मुवलमन्से जीई उठिहि ओ येशूहे बदरीमे भेँटिहिँ।

और ऊ बेला बँच्तिरहल खी्रष्टियानहुँक्रे उप्पर बदरीमे उठायाजैहिँ ओ मुवलमन्से जीई उठल ख्रीष्टियानहुँक्रहनसँग मिलिहिँ। वैने सबजाने येशूक्सँग रहिहीँ। ओकरपाछे, येशू हुँकार मनइनसँग सदाके लग् शान्ति ओ एकतामे बैथिहीँ।

येशू हुँकारमे विश्वास करुइयन सक्कुजहान जीवनके मुकुट देना प्रतिज्ञा कर्ले बाटैँ। वैने परमेश्वरकेसँग शान्तिमे रहिहीँ ओ राज्य करिहिँ।

मने परमेश्वर येशूमे विश्वास नाइ करुइया सक्कुहुनके न्याय करिहि। परमेश्वर वैनहे नरकमे फेकादिहिँ, जहाँ वैने सद्दीमान रौइहिँ ओ पिडामे दाँत पिसिहिँ। कब्बु जरके नाइ ओरैना आगी वैन जरैति रहिहिन्, ओ किराहुँक्रे वैन खैति रहिहिन।

जब् येशू लौटिहिँ, ऊ शैतानहे ओ ओकर राज्यहे पूरै रुपसे हिटादिहिँ। येशू शैतानहे नरकमे फेकादिहिँ जहाँ वैने सद्दीमान जरिहिँ, यैनसँग वैने फेन रहिहीँ जे परमेश्वरके आज्ञा नाइ मानके शैतानहे पछ्याइल।

आदम ओ हव्वा परमेश्वरके आज्ञा नाइ मन्लेक आरसे यि संसारमे पाप आइल जेकर कारण परमेश्वर यि संसारहे सराप देनै ओ संसारहे खतम कर्ना निर्णय लेनै। मने कोनो एक दिन, परमेश्वर एक लावा स्वर्ग ओ लावा पृथ्वी बनैहिँ जौन सिद्ध रहि।

येशू ओ हुँकार मनयहुँक्रे लावा पृथ्वीमे बैथिहिँ, और येशू सदाके लग् वहाँ राज्य करिहिँ। ऊ सब् आँस पोछदिहिँ और वहाँ कौनो दुख, रुवाई, खराबि, पिडा, मृत्यु नाइ रहि। येशू शान्त् िओ न्यायके साथ आपन राज्य चलैहिँ, ओ सदाके लग् आपन मनइहुँक्रहनसँग रहिहीँ।