49. ४९. परमेश्वरके लावा वाचा

एकथो स्वर्गदूत मरियम नाउँके एक कन्याहे कहनै, कि ऊ परमेश्वरके छावाहे जन्मैहिन्। तबे जब् ऊ कन्यै रहिन्, एकथो छावा जन्मैनिन् ओ आक् नाउँ येशू धर्निन्। तबेमारे, येशू परमेश्वर ओ मनइया दुनु हुइतै।

येशू धेउरे अचमके काम कर्नै, जिहिनसे यि प्रमाणित हुइत कि ऊ परमेश्वर हुइतै। ऊ पानीमे नेङ्ग्नै, आँधी थम्हैनै, धेरे रोगी मनइन निक पर्नै, दुष्टात्माहुँक्रहन् निकर्नै, मूवल मनइन जीई उठैनै, ओ पाँच रोटीक् टुक्रा ओ दुई मच्छीसे ५००० जहानसेफे ज्यादा मनइन फालाफाल खवाके अपनहे प्रमाणित कर्नै।

येशू महान् शिक्षक फे हुइतै, और ऊ अधिकारके साथ बोलैँ काहेकि ऊ परमेश्वरके छावा रहैँ। ऊ सिखैनै कि तुह्रे अउरे मनइन आपनहे जस्तेक प्रेम कर्थो आस्तेक प्रेम करोहो।

ऊ यि फे सिखैनै कि तुह्रे परमेश्वरहे सबसे धेर प्रेम करोहो, आपन धनसम्पत्तिसेफे धेर।

येशू कहनै कि परमेश्वरके राज्य संसारमे रहल हरेक चीजसे मूल्यवान बा। केका्रे लग् सबसे जरुीरी बात कलेसे ऊ परमेश्वरके राज्यके हकदार हुइना हो। परमेश्वरके राज्यमे छिरेक लग्, आपन पापसे उद्धार पाईहिक परत।

येशू सिखैनै कि कुछ मनइ उहिन पैहिँ और बचायाजिहिँ। येशू कहनै कि कोई कोई मनइ मजा जमिन जस्ते होईँ। वैने येशूक् सु–सामाचार सुन्थै ओ बचायाजिथै। आउर मनइहुँक्रे डगरीक् आँखर माटी जस्ते होईँ, जहाँ परमेश्वरके वचनके बिया नाइ छिरथ ओ कुछ नाइ फरथ। ऊ मनइहुँक्रे येश्रक् सु–सामाचार नाइ सुन्थै, स्वीकार नाइ कर्थै ओ वैने परमेश्वरके राज्यमे भित्तर पेले नाइ पैहिँ

येशू सिखैनै कि परमेश्वर पापीहुँक्रहन बहुत प्रेम कर्थै। ऊ वैन सक्कुहुन् क्षमा देना चाहाथैँओ वैन आपन छाईछावा बनैना चाहाथै“।

येशू यि फे कहनै कि परमेश्वर पापहे घृणा कर्थै। जब् आदक ओ हव्वा पाप कर्नै, वैने परमेश्वरसे दुर हुइगिनै। संसारमे सब मनइ पाप कर्थै ओ परमेश्वरसे अलग हुइगिल बाटै।

मने परमेश्वर संसारमे रहल सक्कुहुन् अत्ना धेर प्रेम कर्नै कि ऊ आपन एक्केथो छावा देनै, ताकि येशूक्मे विश्वास करुइया कोई फे पापके सजाय ना भोगे, मने अनन्त जीवन पाए।

तोहोनके पापके कारणसे, तुह्रे दोष ओ मूना योगयके बाटो। परमेश्वर तोहोनमे रिसाइ पर्ना हो, मने आपन रिस तोहोनके सट्टा येशूक् उप्पर उतर्नै। जब् येशू क्रुसमे मूनै, तब् येशू तोहोनके लग् सजाय भोग्नै।

येशू कब्बु पाप नाई कर्नै, मनो येशू सजाय भोगेक लग तोहार और संसारके सक्कु मनिन्के पाप उठाके लैजाइक लग चोखो बलिके रुपमे मुना चाहानइ। येशु अप्ने आपहिन दैदेलेक ओरसे, परमेश्वर जैसिनफे पाप क्षमा करे सेकिही।

मजा कामसे तोहोन बाचई नाइ सेकी, परमेश्वरकेसँग सम्बन्ध बनाईक् लग तोहोन्के सेक्ना काम कुछ नाई हो। येशूकिल् तोहोनके पाप धोइ सेकिही। तोहोन यी विश्वास करेक् परि कि येशूनै परमेश्वरके छावा होइँ, तोहार लग येशू कु्रसमे मुनै, और परमेश्वर फेनसे उहिँन जिवइनै।

येशूक्मे विश्वास करुइयन् और अपन मुक्तिदाता कैके मनुइयन् सब जाहान परमेश्वर बचईहीँ। मनो ओहोकारमे विश्वास् नाई करुइयन् किहीनोफे नाई बचइहीँ। तुँ धनी रहो या गरिब, थारु या जन्नी, बुर्हाइल या जवान, या तुँ जाहाँ फे बैठो, कुछ फरक नाई परि। परमेश्वर तुहिन् प्रेम कर्थै और चाहाथँई कि येशूमे विश्वास करो, ताकि तोहार और परमेश्वरबिच सम्बन्ध लग्घे हुए।

येशू तुहिन परमेश्वरमे विश्वास करेक लग और बप्तिस्मा लेहेक लग बलइथै। का तुँ येशूनै मसिह एक्कैथो छावा हुइतै कैके विश्वास् कर्थो? का तुँ विश्वास कर्थो कि मइ पापी हुइतुँ और परमेश्वरसे पैना सजायके भागिदार हुँ कैक, तोहार पाप उठाइक् लग येशू क्रु्समे मुनै कैके का तुँ विश्वास कर्थो?

अगर तुँ येशू और तोहार लग करल हुँकार काम्मे विश्वास कर्थो कलेसे, तुँ एक्थो ख्रीष्टियन हुईता।

यदि तुँ एक खी्रष्टियान हुइतो तो, येशूक् करल कामके कारण परमेश्वर तोहार पाप क्षमा करदेले बाटैँ। परमेश्वर अब् तुहिन दुस्मन नाई मने एक संघरिया मन्ले बाटैँ।

यदि तुँ परमेश्वरके संघरिया हुइतो ओ येशू प्रभुक् सेवक हुइतो कलेसे, तुँ अब् येशूक् सिखाइल बात मन्ना चहबो। तुँ एक खीष्टियान हुइबो तभुनफे पाप कर्ना परिक्षामे परे सेक्बो। मने परमेश्वर विश्वासयोग्य बाटैँ कि यदि तुँ आपन पपाहे मानके क्षमा मँगबो कलेसे, परमेश्वर तोहार पाप माफ करदिहि। पापके विरुद्धमे लडेक् लग् परमेश्वर शक्ति दिहिँ।

परमेश्वर तुहिन प्रार्थना कर्ना, हुँकार वचन पहरना, अउरे खीष्टियानहुँक्रहनसँग बात कर्ना, और ऊ तोहार लग् ज्या कर्ले बाटैँ उहे बात अउरे जहान बताइ कथै“। यि सक्कु बात तुहिन हुँकारसँग आउर लग्गे हुइनामे मदत करथ।