48. ४८. येशू वाचा करल मसिह हुइतै

जब् परमेश्वर संसारशे बनैनै, तब् सब चीज मजा रहे। वहाँ कौनो पाप नाइ रहे। आदम ओ हव्वा एक दोसरसे प्रेम करैँ। वहाँ कौनो रोग नाइ रहे।

बगियामे हव्वाहे शैतान सपुवाके रुपमे आके छलल्। वैनके करल पापके कारणसे, मृत्यु,रोग, दुख, यि संसारके मनइनमे आइल।

आदम ओ हव्वा पाप कर्लेक ओरसे वैने परमेश्वरके दुस्मन हुइगिनै। तबे, अब् सब मनइ जन्मत्तिसे पापी रथैँओ परमेश्वरके शत्रु हुइतै। परमेश्वर ओ मनइनके बीचके सम्बन्ध पापके कारणसे टुटगिल। मने ऊ सँबन्धहे जोरेक लग् परमेश्वरकेथे एकथो योजना रहे।

परमेश्वर वाचा कर्ले रहै कि हव्वाके एकथो सँतान शैतानके मुन्टि कुच्लि, ओ शैतान ओकर पौलि काटी। यकर मतलब यि हो कि शैतान मसिहहे मारी, मने परमेश्वर मसिहहे फेनसे जीई उठैहि, ओ शैतानके शक्तिहे सदाके लग् हटादिहि। धेर सालपाछे, परमेश्वर येशूहे (मसिह) संसारमे पठैनै।

जब् परमेश्वर जलवतनसे सक्कु पृथ्वीहे नाश पर्नै, जे परमेश्वरकेमे विश्वास करे ऊ मनिन्के लग जहाज जुतादेनै। ठिक ओस्तेके सक्कु जाने अपन पापके कारण मुना जरुरी रहत, मनो जे परमेश्वरमे विश्वास करत ओकर लग येशू आइल बातैँ।

सयौँ बर्षसम्, मनिन्के पापाके कारण ओइने पाइक् पर्ना सजायके बद्ला पुजाहारीहुक्रे परमेश्वरहिन रोजदिन बलि चर्हादेनै। मनो ऊ बलि ओइने पापा नाइ हटाइसेकल। येशू बरका पुजाहारी हुइतैँ। येशू अपने आपहिन एक्कैथो बलिके रुपमे दैदेनै जे संसारके सक्कु मनिन्के पाप उठाइसेकी। येशू एक सब्से मजा बरका पुजाहारी रहैँ। काहेकी सक्कु मनिन्के पापके लग अप्निही सजाय भाग्नै।

परमेश्वर आब्राहमहे कनै, “पृथ्वीके सक्कु मनिन्के जातहुक्रे तुहिनसे आशिषित् हुँइही।” येशू आब्राहमके इक्थो सन्तान रहैँ। सक्कु मनिन्के जात येशूसे आशिषित हुँइही, काहेकि सबजे जे येशूमे विश्वास करत, ओइने पापसे उद्द्यार पइँही, वोर ओइने आब्राहमके आत्मिक सन्तान बन्ही“।

जब् परमेश्वर आब्रााहमहिन हुँकार छावा इसाहाकहिन, बलिके रुपमे चरहइक कनै, परमेश्वर बलिके लग ओ“कार छावक् बद्ला एक्थो भेरवा जुतादेनै। हमहान सक्कु जाहान हमार पापके लग मुना एकदम जरुरी बा।

जब् परमेश्वर मिश्रदेशमे अन्तिम विपत्ति पठैनै, ऊ हरेक इस्राएली परिवारहे एकथो सिद्ध भेँरवा मारके आकर रगत वैनके घरेक दुवारके चौकसके दुनु ओर ओ उप्पर लगाई कहनै। जौन जौन घरमे ऊ रगत लगाइल परमेश्वर देख्नै, ऊ घरेक् बरका लरकाहे नाइ मर्नै। यि घटनाहे निस्तार तिउहार कथै“।

येशू हमार लग् निस्तारके भेँरवा हुइतै। ऊ सिद्ध ओ हुँकारमे कौनो पाप नाइ रहे ओ निस्तार तिउहारके समयमे मारागैल रहैँ। जब् कोई येशूमे विश्वास करथ, येशूक् रगत ऊ, मनइयाक् पापके ऋण तिरदेहेथ और परमेश्वरके सजायसे बचजाइथ।

परमेश्वर इस्राएलीहुँक्रहनसँग एकथो वाचा कर्नै, वैने हुँकार चुनल मनइ रहैँ। मने अब् परमेश्वर एकथो लावा वाचा बनैले बाटैँ।, जौन सब मनइनके लग् हो। यि लावा वाचाक् कारणसे, अब् कौनो फे मनइया येशूमे विश्वास करके परमेश्वरके छाईछावा बने सेकि।

मोशा महान् अगमवक्ता रहैँ जे परमेश्वरके वचन घोषणा करैँ। मने येशू आउर सबसे महान् अगमवक्ता रहैँ। ऊ परमेश्वर हुइतै, तबे हुँकार करल ओ कहल सब बात परमेश्वरके वचनके काम रहे। उहेमारे येशूहे परमेश्वरके वचन कहा जाइथ।

परमेश्वर दाउद राजाहे वाचा कर्ले रहैँ कि हुँकार सन्तानहुँक्रहनमध्ये एकजाने राजाके रुपमे सदा सर्वदा राज्य करिहि। काहेकि येशू परमेश्वरके छावा ओ मसिह हुइतै। येशूहि दाउदके सन्तान हुइतै जे सदा सर्वदा राज्य करे सेकिहिँ

दाउद इस्राएलके राजा रहैँ, मने येशू संसारके राजा हुइतै।