47. ४७. पावल ओ सिलास फिलिप्पिम

जब् शाऊल रोमी साम्राज्यभर यात्रा कर्नै, ऊ आपन रोमी नाउँ “पावल” धारलेनै। एकदिन पावल ओ हुँकार संघरिया सिलास फिलिप्पिके शहरमे येशूक् बारेमे सु–समाचार सुनाइ गइनै। वैने लदिया नहाङके शहरके बाहे एकथो ठाउँमे गइनै जहाँ मनइहुँक्रे प्रार्थना करेक लग् जुटैँ। वहाँ वैने लिडिया नाउँके एकजाने जन्नीहे भेट्नै जे एक व्यापारी रहिन्। ऊ जन्नी परमेश्वरहे प्रेम ओ आराधना करिन्।

येशूक् बारेमे विश्वास करेक लग् परमेश्वर लिडियाक् ह्दय खोलदेनै, और ऊ ओ हुँकार परिवार वप्तिसमा लेनै। ऊ पावल ओ सिलासहे आपन घरे बैतेक लग् कहनिन्, तबे वैने हुँकार वहाँ रहनै।

पावल ओ सिलास ऊ प्रार्थना कना ठाउँमे मनइन्सँग भेट कर्ति रहैँ। हरेक दिन वहैँ नेङ्गा करैँ, भूतात्मा लागल एकथो कन्या लहुन्दी वैनके पाछेपाछेप करे। भूतमत्माद्धारा ऊ लहुन्दी मनइके भविष्य बताए, यैसिके भविष्य बताके ऊ आपन मलिक्वन् लग् धेरे पैसा कमादेहे।

ऊ लहुन्दी यैसिक चिललाई लागल, “यी मनइहुँक्रे सर्वोच्च परमेश्वरके सेवकहुँक्रे होईँ। यैने तोहोन मुक्तिके डगर घोषणा करतैँ।

यि लहुन्दी अस्तेक करल करे, तब् पावल आकरओर घुमके ओकरमे रहल दुष्टात्माहे कहनै, “येशूके नाउँमे आकरमन्से बाहेर निकर।” तब् दुष्टात्मा तब्बहि ऊ लहुन्दीहे छोरके गइल।

ऊ लहुन्दीक् मलिक्वन् बरे रिस लग्निन्।

उहेमारे ऊ लहुन्दीक् मलिक्वन् पावल ओ सिलासहे रोमी अधिकारीहुँक्रहनथे लैके गइनै, वहाँ वैनहे पिट्नै ओ झ्यालखानामे दारदेनै।

पावल ओ सिलासहे झ्यालखानामे सबसे सुरक्षित ठाउँमे धर्नै ओ वैनके गोरामे ँगुरो ठोकदेनै। तौनफे आधारातमे फेनु पावल ओ सिलास परमेश्वरके भजन गाइतहैँ।

अचानक, वहाँ भारी भूईँचाल गइल। ओ झ्यालखानाक् जग हिलल ओ पावल ओ सिलासके बन्धन खुलगिनिन्।

झ्यालखानाक् हाकिमके निन्द खुल्निन्, और झ्यालखानाक् दुवार खुलल देखके डरैनै।

ऊ डरले लगलगैति पावल ओ सिलासके आघे अइनै ओ पछ्नै, “उद्धार पाइक लग् महिन का करेक् परि?” पावल कहनै, “येशू प्रभुमे विश्वास करो, और तुँ ओ तोहार परिवार उद्धार पाई।” ऊ हाकिम पावल ओ सिलासहे आपन घर लैगिनै ओ वैनहे खाति धरेदेनै। पावल हुँकार घरेक मनइन सु–समाचार सुनैनै।

ऊ हाकिम ओ हुँकार परिवार येशूमे विश्वास कर्नै ओ बप्तिसमा लेनै। और ऊ हाकिम पावल ओ सिलासहे खाना देनै ओवैने सबजे खुशी मनैनै।

अ‍ोकर दोसर दिन शहरके हाकिमहुँक्रे पावल ओ सिलासहे झ्यालखानामन्से छोरदेनै ओ वैनहे फिलिप्पिसे जाइ कहनै। पावल ओ सिलास लिडिया ओ आउर संघरियनहुँक्रहन भेट कर्नै तब् शहर छोरके गइगिनै। येशूक् बारेमे सु–समाचार फैलतिगिल, ओ मण्डली बहर्ति गिल।

पावल ओ औरे खी्रष्टियान अगुवाहुँक्रे धेउरे शहरमे येशूक् बारेमे सु–समाचार परचार कर्ति आ शिक्षा देति यात्रा कर्नै। वैने मण्डलीमे रहल विश्वासीहुँक्रहन उत्साह देहेक लग् ओ सिखाइक् लग् चिठ्ठी फे लिख्नै। यि चिठ्ठीहुँक्रहनमध्ये कुछ चिठ्ठी बाइबलके किताब बनल बाटै।