6. ०६. परमेश्वर इसाहकहे जन्नी देनै

आब्राहम बुरहाइ गील रहै हुकार छावा इसाहक जवान हुइगील रहीन। उहेमारे अब्राहम आपन नोक्रहुवाहे इसाहकके लग जन्नी खोजे अपने नतुवान गरगोतियारीनके देशमे पठइनै

जब हब्राहमके नोक्रहुवा हुँकार नतुवानके देशमे लम्बा यात्रा करके पुग्नै तब परमेश्वर अब्राहमके भतिजिया रिबेका हे इसाहकके जन्नी बनेक लग देखइनै

तब रिबेका नाोक्रहुवाके सँग इसाहकके घर गइनिन् ओ इसाहकके सँग भोज कर्लिन्।

धेर समय पाछे,अब्राहम मुलेक बादमे परमेश्वर अब्राहमके सँग जौन वाचा बन्ध्ले रहै ऊ बाचा इसाहकके मे सरल। परमेश्वर अब्राहमहे वाचा कर्ले रहै कि तोर गने नाई सेकजीना सन्तान रहिही, मने रिबेका बाँझ रहिन्।

इसाहक प्रार्थना करनै तब परमेश्वर रिबेकाके गर्भमे दृई थो जेइकाहा बच्चन् दारदेनै। ऊ दुनु बच्चा एकदोसर से भित्ताार लडाइ करे लग्थै तब रिकबेका परमेश्वर हे कथिन् कि परमेश्वर यी का हुइता

तब परमेश्वर रिबेका हे बतइथै कि तोहार पेटमे रहल यी दुइ छावान् द्धारा दुइ थो जाति निकरहीँ ओ वैने एक दोसरसे लडाइ करिही ओ बरका छावा छोट्की छावाक् सेवा करी

जब रिबेका छावन् जन्मइनिन् तो बसका छावा लाल रङगके शरीरमे भुत्लभुत्ला जन्मल तबे ओकर नाउ एसाव धरनै। छोट्की छावा आपन बरका दादाके गोराके पउली पकरकले निकरल, तबे ओकर नाउ याकुब धरनै।