5. ०५. वाचाके सन्तान

कनानमे गैलेक १० वर्ष बितगिल रहे तौनफे अब्राम ओ सराइके कौनो सन्तान नाइ हुइल रहिन्। तबेमारे अब्रामके जन्नी साराइ अब्रामहे कहनिन्, “परमेश्वर मोर कोख बन्द करदेले बाटै ओ अब् मई बुह्राइगिल बाटु, उहेमारे तुँ मोर दासी हागारसे भोज करो और ऊ मोर लग् एकथो सन्तान दिई।”

तबेमारे अब्राम हागारसे भोज कर्नै। हागार एकथो छावा जन्मैनिन्, और अब्राम ओकर नाउँ इश्माएल धर्नै। मने साराइ हागारकेमे डाह करे लग्निन्। इश्माएल तेह्र वर्षके रह, तब् परमेश्वर फेनसे अब्रामसे बोल्नै।

परमेश्वर कहनै, “मई सर्वशक्तिमान परमेश्वर हुँ। मई तोरसँग एकथो वाचा बाँधम्।” और अब्राम भु“यामे घोपत्या होके परमेश्वरहे दण्डवत कर्नै। परमेश्वर फेनसे कहनै, “तुँई धेउरे देशके बाबा हुइबे। कनान देशहे तुहिन ओ तोर सन्तानहुँक्रहनके हातमे सौ“प देम ओ मई सदा तोहोनके परमेश्वर रहम। त्हिन आपन घरानाके सक्कु जहानके खतना करेक पर्ना बा।”

“तोर जन्नी साराइ एकथो छावा जन्मैहिन्–ऊ वाचाके सन्तान रहि। तैँओकर नाउँ इसहाक धारिस्। ओकरसँग मई मोर करार बाँधम्, ओ ओकर एकथो भारी देश रहिहिस्। मई इश्माएलहे फे भारी देश देम मने मई मोर करारभर् इसहाकसँग बाँधम्।” तब् परमेश्वर अब्रामके नाउँ अब्रहाम धारदेनै, जेकर अर्थ हो धेरे जहानके बाबा। परमेश्वर साराइके नाउँ ‘सारा’ धारदेनै जेकर अर्थ हो “राजकुमारी”।

ऊ दिन अब्राहाम आपन घरानाके सक्कु पुरुषहुँक्रहन्के खतना करदेनै। ओकर लग्भग् एक वर्षपाछे, अब्राहाम सइ वर्षके ओ सारा नब्बे वर्षके हुइगिल रहैँ, सारा अब्राहामके छावा जन्मैनिन्। परमेश्वरके कहल जस्ते वैने ओकर नाउँ इसहाक धर्नै।

जब् इसहाक छोट्टीहि रहैँ, परमेश्वर अब्रहामके विश्वासके जा“च कर्नै ओ कहनै, “तोर एक्केथो छावा इसहाकहे लैके जा ओ उहिन मोर लग् बलि चह्रा।” अब्रहाम परमेश्वरके बात मन्नै ओ आपन छावाहे बलिदान करेक लग् तयार हुइगिनै।

जब् अब्राहाम ओ इसहाक वेदीके ओर जाइतहै, इसहाक पुछ्नै, “बाबा, बलिके लग् काठी तो बा, मने थुमा कहाँ बा तो?” अब्राहाम जवाफ देनै, “हे मोर छावा परमेश्वर बलिके लग् थुमा जुटैहिँ।”

जब् वैने वेदी रहल ठाउँमे पुग्नै, अब्राहाम आपन छावाहे बँध्नै ओ उहिन वेदीमे धर्नै। जब् अब्राहाम आपन छावाहे बलि चह्राइ लागल रहैँ, परमेश्वर कहनै, “रुक्।”

वहाँ लग्गे अब्राहाम एकथो थुमाहे झारमे अत्कल देख्नै। परमेश्वर ऊ थुमाहे इसहाकके सट्टामे बलिदान करेक लग् वहाँ धारदेले रहैँ। अब्राहाम खुशीके साथ ऊ थुमाहे बलि चह्रैनै।

तब् परमेश्वर अब्राहामहे कहनै, “तुँई मोर लग् आपन सक्कु चीज देहे तयार हुइलेक ओरसे, और थोर एक्केथो छावाहे फेन बाँकी नाइ रख्लेक ओरसे, मई तुहिन आशिष देना वाचा करतु। तोर सन्तानहुँक्रे बदरीक् तोरैयाहुँक्रहनसे फे धेर हुइहिँ। तुँई मोर बात मन्लेक ओरसे, संसारके सक्कु घरानाहुँक्रे तोर घरानाद्वारा आशिषित हुइहिँ।”