8. ०८. परमेश्वर योसेफ ओ योसेफके घरानाहे बचैनै
योसेफहे योसेफके दादाहुँक्रे घृणा करैँ, काहेकि योसेफ आपन बाबाक् सकसे प्यारा छावा रहैँ ओ योसेफ अपने आपहे हुँकार दादाहुँक्रे दण्डवत करल सपना फे देख्ले रहैँ। तबे योसेफहे हुँकार दादाहुँक्रे व्यापारिन्थे बेच देनै।
याकूब योसफहे छेगरिभेरि चराइ गील हुँकार दादान्थे का–कैसिन बाटै कैके हेरेक पठैनै।
घर लौट्ना बेला योसेफहे हुँकार दादाहुँक्रे योसेफहे जनावर मारदेलिस कैके देखाइक लग् योसेफके लुग्गा चीँठके ओम्मे छेगरियक रगत लगैनै घरे जाके आपन बाबाहे दखैनै। यी देखके याकूब ज्यादै दुखी हुइनै।
व्यापारिहुँके्र योसेफहे मिश्र देशमे लैगिनै। वहाँ उहिन एकथो धनी, सरकारी कर्मचारीक्थे बेच्नै। योसेफ आपन मलिकवक् घर मजासे काम कर्नै ओ परमेश्वर उहिन आशिष देनै।
योसेफके मल्किनिया योसेफहे आपनसँग सुतेक कहनिन् मने योसेफ नाई मन्नै काहेकि ऊ परमेश्वरके विरुद्ध पाप काम रहे। तबे मल्किनिया रिसके मारे योसेफकेमे झुठ आरोप लगाके जेलमे दरवादेनिन्। तौनो फे योसेफ परमेश्वरमे भरोसा करती रहनै।
दुई वर्षपाछे, आभिन जब् योसेफ जेलेमे पलिरहैँ तबहि मिश्रके राजा सपना पैनै। राजक् सपनामके अर्थ कोइ फे नाइ खोले सेकल। सपनाके कारण राजाक् छट्पट्टी परतिहिन।
परमेश्वर योसेफहे सपनाके अर्थ खोल्ना वरदान देले रहैँ। तब् राजा योसेफहे बोलैनै ओ सपना बतैनै। सपनाके अर्थ योसेफ यी बतैनै कि परमेश्वर अइना सात वर्षसम् धेर अनाज दिहिँ ओ आकरपाछे सात वर्षसम् भुखमरि परि।
फारो योसेफके मे अतना ज्यामा खुशी हुइनै कि मिश्र देशके दोसो्र शक्तिशालि मनइया बनादेनै।
योसेफ सात वर्षसम् धेरे अनाज जम्मा कर्नै ओ धुखमरिके समयमे ऊ अनाज बेच्नै।
मिश्र देशमे किल अनिकाल नाइ परल रहे मने कनान देशमे फे परल रहे जहाँ याकूब रहैँ।
तबे याकूब मिश्र देशमे आपन छावन अनाज किने पठैनै। वैने अनाज किने गइनै तो योसेफ आपन दादा हुक्रहन चिहिनलेनै मने वैने धर नाइ चिहिन्नै।
तब् दादाहुँक्रे बद्लल बाटै कि नाइ कैके जाँच करके सेकके योसेफ बतैनै, “मई तोहोनके भइया योसेफ हुँ, नाय डराऊ। तुहे्र महिन यहाँ बेचके मोर नाइ मजा करे खोज्लो, मने परमेश्वर ओम्मेसे महिन मजा कामके लग चलैनै। आऊ मिश्र देशमे बैथो ताकि मई तोहोनके लग अनाज जुटाइ सेकू“।”
योसेफके दादाहुँक्रे घर लौटके गइनै ओ याकूबहे योसेफके बारेमे बतैनै। याकूब बहुत खुशी हुइनै।
याकूब बुहा्रइगील रहैँ, तौन फे आपन सक्कु परिवार लैकै मिश्र देशमे गइनै ओ वहैँ बैथे लग्नै। मूनासे पहिले याकूब आपन सक्कु छावन आशिष देनै।
परमेश्वरके आबा्रहामसे करल वाचा इसाहाककेमे सरल, तब् याकूबकेमे, तब् याकूबके छावनमे। बाह्र छावनके सन्तान इसा्रएलके बाह्र कुल बन्नै।
बाइबलके कथा : उत्पत्ति ३७
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।