9. ०९. परमेश्वर मोशाहे बलैनै

योसेफके मृत्युपाछे, हुँकार सक्कु आपन मनई मिश्र देशमे बैथे लग्नै। संख्यामे वैने बहरति गइनै। ओ वैनहे ‘इस्राइली' कहैँ।

सयौ”वर्षपाछे, इस्राइलीह“ुके्र बोहोत धेर हुइगिनै। तब् मिश्रिहुँक्रेर डराइ लग्नै कि इस्राइलीहुँक्रे बहरजिहि तो हमार विरुद्धमे लराइ करिहि। तबे मिश्रिके राजा फारो इस्राइली हुक्रहन कमैया बनालेहेल।

मिश्रीहुँक्रे इस्राइली हुक्रहनसे कर्रा–कर्रा काम करवाई लग्नै, घर बनैना, खेतवक काम जैसिन कर्रा काम इस्राइलीहुँक्रे करैँ। मने परमेश्वर वैनहे संख्यामे बह्रैति गैनै।

फारो राजा इस्राइली हुँक्रहन धेउरसे धेउर लर्का जन्माइत देखल तो वैनके भर्खर हुइल लर्कन नील लदियामे फकादेना आदेश देहेल।

कौनो एक इस्राइली जन्नी एकथो छावा जँमइनिन्। एम जन्नी आपन छावाहे नुकाके धरले रहिन्।

जब् धेउर दिनसम् नुकाके नाइ धारे सेक्निन्, टेकरीमे लर्काहे धारके नील लदियाक् किनारे गौलरके बिच्चे छोरदेनिन्। लरकाक् दिदी लरकाहे हेरति रहनिन का हुइथिस कैके।

फारो रज्वक छाई नील लदियामे लहाइ अइनिन् तब् टोकरी देख्निन्, टोकरी खोलके हेरनिन् तो लर्का देख्निन्। उहिन आपन छावा बनालेनिन्। उहिन हेरदेख करेक लग् एकथो इस्राइली जन्नीहे धर्निन्, ओ ऊ जन्नी उहे लर्काकर दाई रहिन्, यी बात फारोक् छाई नाई जनले रहिन्। जब् लर्का दुध खाइ नाइ पर्ना जत्ना भारी हुइल, ऊ जन्नी उहिन फारोक् छाइक्थे पठादेनिन्। लवराक् नाउँ मोशा रख्निन्।

एकदिन, जब् मोशा जवान हुइगील रहैँ, एकथो मिश्री मनइया एकथो इस्राइली कमैयाहे पिटट देख्नै। मोशा इस्राइली कमैयाहे बाचइ खोज्नै।

योसेफ सात वर्षसम् धेरे अनाज जम्मा कर्नै ओ धुखमरिके समयमे ऊ अनाज बेच्नै।

जब् फारो रज्वा मोशा मिश्रीहे मर्नै कैके पता पाइल ऊ मोशाहे मारे खोजल। तबे मोशा मिश्रसे भागके मिद्यान देशमे गइनै।

मोशा मिद्यानमे छेगरीभेरी चराईं। ऊ गोठलहुवा रहैँ। वहाँ मोशा भोज कर्नै ओ दुईथो छावान् फे हुइनिन्।

एकदिन जब् चछेगरीभेरीन् चराइतहै, तब् एकथो झाड जरत देख्नै। ऊ झाड जरतिक जरति रहे, जरके ओरैबे नाइ करे। मोशा झाडके लग्गे गइनै तब् परमेश्वर बोल्नै। परमेश्वर कहनै, “तोर जुत्ता निकार। काहेकि तईँ पवित्र ठाउँमे थरह्याइल बाटे।”

परमेशवर मोशाहे कहनै, “मई मोर मनइनके दुख देख्ले बाटुँ। मई तुहिन फारोक्थे पठइम ओ तईँ इस्राइली हुक्रहन वहाँसे छुटाके मो वाचा कल देशमे लैजिबे। मोर वाचा करल देश कनान, जौन मई अब्राहाम, इसाहक ओ याकूबसँग वाचा करले रहूँ,

मोशा परमेश्वरहे पुछ्नै, “मनइ महिन तसहिन के पठाइल कैके पुछिहि तो मई का कहम?” परमेशवर कहनै, “मईं हुँ, जे मईं हँ"। वैन यैसिक कहिस ‘मई हुँ’ कहुइया महिन तोहोनथे पठैलै बाटै। वैन यी फे कहिस, ‘मई यहोवा हुँ, तोहोनके पितापूर्खा अबा्रहम, यसाहक, ओ याकूबके परमेशवर’। मोर नाउँ सदाके लग् यीहे हो।”

मोशा फरोक् वहाँ जइना नाय चहातहै, काहेकि मोशा डराइल रहैँ ओ सिपारसे बोले फे नाइ जानै। उहेमारे मोशाक् दादा हारुनहे मोशाहे मदत करेक लग् सँगे पठैनै। फारो कठोर हुइजाइ कैके परमेशवर हारुनहे सचेत करैनै।