10. १०. दश विपत

मोशा ओ हारुन फारोक्थे जाके कहनै, “इसा्रएलके परमेश्वर मोर मनइन जाइदे कहतै।”

मने फारो इस्राइली हुक्रहन् छोरेक मन नाइ करल। उहेमारे परमेश्वर मिश्र देशमे दश तो विपत्ति पठादेनै। परमेश्वर यी वपत्तिसे देखैनै किफारो ओ सक्कु मिश्री हुक्रहनके देवतन्से शक्तिशालि बाटै।

परमेश्वर नील लदियाहेरगतमे बदलदेनै तौनफे फारो इस्राइली शुक्रहन नाइ जाइ देहेल।

परमेश्वर सारा मिश्रभर मघुवनके विपत्ति पठैनेै। तब् फारो मोशाहे मेघुवन हाटाइक लग् कहल ओ इस्राइली हुक्रहन जाइ देम कहल। जब् सब मेघी मुनै तब् फे फारो रज्वा आपन मन कठोर करालेहेल। इस्राइली हुक्रहन नाइ जाई देहेल।

उहेमारे परमेश्वर भुस्कीन्के विपत्ति पठैनै। ओकरपाछे माछीन्के विपित्तिपठैनै। तब् यी सब रोकेक लग् फारो मोशा ओ हारुनहे बोलाइल ओ यी सब रुकी तो इस्राइली हुक्रहन जाई देम कहल। माोशा परमेश्वरसे प्रार्थना कर्नै तब् सब हटगिल। मने फे फारो आपन मन कठोर करालेहेल ओ इस्राइली हुक्रहन नाइ जाई देहेल।

ओकरपाछे, परमेश्वर मिश्रीहुक्रहनके गाइवस्तुन्मे महामारी पठैनै ओ वैनके सब गाइवस्तु मरगिनै। मने फारोक् मन कठोर पलि रहल।

परमेश्वर मोशाक् आघे हावामे भुवा छिटे कहनै। जब् मोशा ओस्तहि कर्नै, मिश्रीन्के शरीरमे पिरैनाहा खाटी हुइगिनिन्। परमेश्वर फारोक् मन कठोर पारदेनै। फारो इस्राइली हुक्रहन फे नाइ जाई देहेल।

यी सब् होके सेक्के, परमेश्वर पथरा पानी वर्षैनै। मिश्रदेशके अन्नबाली सआप हुइगील ओ बाहेर निक्रुइया मनइे फे पथरा पानी लागके मुनै। फारो मोशा ओ हारुनहे बोलाके कहल, “मई पाप करले बाटुँ। तुहे्र मिश्रमन्से जायसेक्बो। तब् मोशा परमेश्वरसे प्रार्थना कर्नै, पथरा पानी पर्ना बन्द हुइल।

मने फारो फे पाप करल, आपन मनहे फे कठोर पारलेहेल। ऊ इस्राइली हुक्रहन नाइ जाई देहेल।

उहेमो परमेश्वर बरका फटिङ्गन्के हसल पठादेनै। पथरा पानीसे बचल बाली फटिङ्गल् खादेनै।

तब् परमेश्वर अन्धार पठैनै। पूरै मिश्र अत्ना अन्धार हुइगिल कि कुछ नाइ देखैलेक मारे मिश्रीहुँके्र आपन घरसे निक्रे फे नाइ सेकैं। मने इस्राइली हुँके्र बैथल ठाउँ भर ओज्रार रहे।

यी नौ थो विपत्ति आइल तौनफे फारो अभिन फे इसा्रइली हुक्रहा मिश्र देशमन्से जाई नाइ देहेल। फारो परमेश्वरके बात नाइ सुन्लेक आरसे अब ऊ अन्तिम विपत्ति पठैना योजना कर्नै। यी विपत्ति फारोक् मन बदल देहेल।