11. ११. निस्तार तिउहार

फारो अभिन फेन इस्रएलीहुँक्रहन मिश्र देशमन्से नाइ जाइ देलेक ओरसे मनइनके ओ पशुनके बरका लरका मुवादेना चेतावनी देनै। जब् फारेो यी बात सुनल, तभुन फेन परमेश्वरकेमे विश्वास नाइ करल ओ हुँकार बात नाइ मानल।

परमेश्वरहे विश्वास करुइयनके लग् वैनके अपन बरका लरका हुँक्रन बचाइक लग् एकथो डगरा देनै। ऊ डगरा यि रहे कि सक्कु इस्राएलीहुँक्रहन एकथो चोखा थुमा छानके मर्ना रहिन्।

परमेश्वर इस्राएलीहुँक्रहन ऊ तुमाके रगत वैनके घरेक दुवारमे लगाइ ओ आकर सिकार भुजके, खमिर नाइ दारल रोटीसँग खाइक कहनै। तब् ऊ खाके सेकके मिश्र देश छोरेक तयार हुइक लग् फे वैन परमेश्वर कहनै।

इस्राएलीहुँक्रे परमेश्वरके कहल अनुसार कर्नै। आधा रातमे परमेश्वर मिश्र होके गइनै ओ हरेक घरके बरका छावान सक्कुहुन मारदेनै।

सक्कु इस्राएलीहुँक्रहनके घरेक दुवारमे गित लगाइल रहे, उहेमारे परमेश्वर वैनके घरहे छोरदेनै। ऊ घरेक भित्तर रहल सक्कुजाने सुरक्षित रहैँ। थुमाके रगतके कारण वैने बचाया गैनै।

मने मिश्रीहुँक्रे परमेश्वरकेमे विश्वास नाइ कर्नै नतो हुँकार आज्ञा मन्नै, तबेमारे परमेश्वर वैनके घरहे नाइ छोरनै। परमेश्वर सक्कु मिश्रीन्के सुरुक् जन्मल बरका छावाहुँक्रहन मारदेनै।

सारा मिश्रीहुँक्रहनके बरका छावाहुक्रे मरगिनै, कैदीक् छावासे लेके फारोक् छावासम्, सबजाने मुगिनै। मिश्र देशमे मनइ दुखसे रोइतहै ओ चिल्लाईतहै।

उहे रात फारो मोशा ओ हारुनहे बोलैनै ओ कहनै, “इस्राएलीहुँक्रहन लैजाऊ, और तुरुन्तै मिश्र देश छोरके चलजाऊ।”