1. सृष्टि

सब चिजको सुरुवात अइसे भओ। परमेश्वर पुरा संसारमे और बोमे राहान बाले सब थोक ६ दिनमे सृष्ट करी। परमेश्वर पृथ्वीको सृष्ट करी जाहाँ अध्यारो और सान्त रहए, तओ बोमे कछु चिज नारहए। पर परमेश्वरको आत्मा पानी उपर घुमत रहए।

तओ परमेश्वर कही, “उज्यारो हुइजा

सृष्टको दोस्रो दिनमे, परमेश्वर कही और पृथ्वी उपर आकाश सृष्टि करी। बा पृथ्वी उपर और पृथ्वी तरे रहो पानीके अलग कर्के आकाश बनाई।

तेस्रो दिनमे, परमेश्वर कही और पानीके सुक्खा जमिनसे अलग करी। बा सुक्खा जमिनके “पृथ्वी” कही, और पानीके “समुन्दर” कही। अपनो सृष्ट करो भओ सब चिज परमेश्वर देखि और बो अच्छो रहए।

तओ फिर परमेश्वर कही, “पृथ्वी सब मेलक बनस्पति जामामए।” तओ उइसी भओ। परमेश्वर देखि कि बाको बनाओ भओ सब चिज अच्छो रहए।

सृष्टिको चौथो दिन, परमेश्वर कही और दिन, जोनी और तारंके बनाई। परमेश्वर बिनके प्रिय्ह्वीके उज्यारो देन, तओ दिन और रात छुट्यान, ऋतु और वर्ष छुट्यानकी ताही बनाई। तओ परमेश्वर देखि, और बो अच्छो रहए।

पाँचौ दिन, परमेश्वर कही और पानीमे पौडन बाले सब चिज और सब मेलक पंक्षीबनाई। परमेश्वर बिनके देखि और अच्छो देखि, तओ बा बिनके आशिष दई।

सृष्टको छैंठौ दिनमे, परमेश्वर कही, “हुना सब मेलक जमिनमे नेगन बाले जीवजन्तु होमए।” तओ परमेश्वर कहो जैसो भओ। कुछ जनावर घरपालुवन रहए, कुछ जमिनमे किडणत् रहए, और कुछ जंगली रहए। परमेश्वर देखि कि बो अच्छो रहए।

तओ फिर परमेश्वर कही, “हम आदमीके हम्री स्वरूपमे हमर जैसो होन ताहीं बनाओं। बे समस्त पृथ्वीमे और पृथ्वीमे राहान बाले जीवजन्तुनके उपर अधिकार करंगे। ”

तही परमेश्वर जमिन मैसे थुरी मट्टीलई, और बाके आदमीको आकार दई, तओ बोमे जीवनको साश डारदई। बो आदमीको नाम आदम रहए। परमेश्वर एक बगिया बनाई जाहाँ आदम राहन सकत रहए। बगियाको हेरचाह कारन ताहीं परमेश्वर बाके धरी।

बगियाको बीच भागमे, परमेश्वर दुई बिशेष रुखा लगाई-जीवनको रुखा और खराबको ज्ञान देनबालो रुखा। परमेश्वर आदमके कही कि सब रुखाको फल खैए पर असल और खराबको ज्ञान देनबालो रुखाको फल मत खैए। अगर बो बहे रुखाको फल खैतो त मरजैतो।

तओ परमेश्वर कही, “आदमीके इकल्लो राहानके अच्छो नाहए।” पर हुना राहान बाले कोइ फिर जनावर आदमीको सहयोगी बनन नासिके।

तही परमेश्वर आदमके गहीरो निधमे करी। तओ परमेश्वर आदमको करङ मध्यसे एक करङ लई और बोसे एक लौदिया बनाई और बाके आदम ठिन लाई।

जब आदम बाके देखि, बो कही, “अन्तत्

परमेश्वर लौणा और लौणियाके अपनी स्वरूप बनाई। बा बिनके आशिष दईऔर कही, “गजब सन्तान जन्माओ और पृथ्वीमे भरत जाओ।” तओ परमेश्वर अपनो बनाओ भओ सब चिज अच्छो देखि, तओ बे सबद्वारा बा प्रसंना भओ। जे सब सृष्टि छैठौं दिनसम भओ रहए।

जब सातौँ दिन आओ, परमेश्वर आपनो सब काम निप्टाई रहए। तही अपनो सब कामसे बा आराम करी। बा सातौँ दिनके आशिष दई और पवित्र तुल्याई, काहेकी बो दिन बा अपनो कामसे आराम लई। अइसे परमेश्वर पुरा संसारके और बो राहान बालो सब चिजको सृष्टि करी।