2. संसारमे पापको प्रवेश

परमेश्वर बेहीकी ताही बनाओ भओ सुथरो बगियामे आदम और हव्वा गजब खुसीके साथ बैठत् रहए। दुनए जना कोई कपडा बिना नए राहात रहए, बो फिर जा बातमे बिनके कोई सरम नारहए, काहेकी संसारमे कोई पाप नारहए। बे प्राय बगियामे घुमन और परमेश्वर संग बातचित करात रहए।

पर बो बगियामे एक धुर्त साप रहए। बो लौणियासे पुछी, “का गौसए परमेश्वर तुमके हेना भए मध्य कोई फिर रुखाको फल नाखानके कही हए?”

लौणिया जवाफ दई, “परमेश्वर हमके अच्छो और खराबको ज्ञान चुट्यान बालो रुखाको फल बाहेक और कोई फिर रुखाको फल खायसे हुइजए हए कही हए। परमेश्वर हमके कही हए, अगर तुम जा रुखाको फल खयमे अथवा छुयमे फिर तुम मरजए हओ।”

बो साप जवाफ दई, “बो सत्य नाहए

लौणिया बो फल देखनमे सुथारो और स्वादिलो देखि। बो फिर बुद्धिमान होनके चाहाना करी, तही बा बगियासे कुछ फल तोरी और खाई। बो कुछ फल अपन लोगाके फिर दई, जो बाकि संगए रहए, और बो फिर फल खाई।

अचानक, बिनकी आखिं खुलीगए, तओ अपनयके नगबा भओ बे चाल पाई। बे पत्तनके सिलके कपडा बनाई अपन शरीरके ढाकन खोजी।

तओ आदमी और बाकि बैयर परमेश्वर बगियासे हुइके नेगन बालो आवाज सुनी। बे दुनए जना परमेश्वरसे लुकी गए। तओ परमेश्वर आदमीके बुलायके कही, “तए कहाँ हए?” आदम जवाफ दई, “मए तुम्हर बगियामे नेगत् कर्के सुनो, तओ मए डराइगओ, कहीकी मए नगबा हओ। तही मए लुकी गओ।”

तओ परमेश्वर पुछी, “ त्ए नगबा हए कहीके तुक कौन कही? का मए नाखानके कहो फल तए खाई लओ?” आदमी जवाफ दई, “तुमहर दओ लौणिया मोके बो फल दई।” तओ परमेश्वर लौणियासे पुछी, “तए जा का करो?” लौणिया जवाफ दई, “बो साप मोके झुकबाई दई।”

परमेश्वर सापसे कही, “तए श्रापित भओ हए

तओ फिर परमेश्वर लौणियासे कही, “मए तेरी सुत्केरी वेदना और बढाई देमंगो। बो फिर तेरो इच्छा लोगा घइन नए होबैगो, और बो तिर उपर अधिकार करैगो।”

परमेश्वर आदमीसे कही, “त्ए अपनी बैयरको बात सुनके मिर आज्ञा नामानो तही जा जमिन तेरी कारणसे श्रापित भओ हए। खान ताही तोके कर्रो परिश्रम कारन पडैगो। तओ फिर तए मरजाबैगो, और शरीर मट्टीमे नए मिलैगो। ” आदमी अपनी बैयरको नाम हव्वा धरी, जाको अर्थ हए “जीवन दिने”, काहेकी बो सब जातिके आदमिनको अइया कहलाइन। तओ परमेश्वर आदम और हव्वाके जनावरको छालाको कपडा बनाइके लगाई गई।

तओ परमेश्वर कही, “अब आदमी फिर हमर जैसो अच्छो और खराब जानन बाले हुइ गयहए” , तही बे अब जीवनको रुखाको फल खाइके सदामन जिन्दा राहान नापाए कहीके परमेश्वर आदम और हव्वाके बो सुथरो बगियासे निकार दई। परमेश्वर जीवनको रुखाको निगरानी कारनके ताहीं शक्तिसाली स्वर्दुतनके बगियाको मुलढोकामे पहरेदारको रुपमे लगाई दई।