21. परमेश्वर मसिहकी प्रतिज्ञा करी

सब चिजकि सुरुवात भओ तही, परमेश्वर मसिहके पठानके योजना करी। मसिह आन बालो हए कर्के सबसे अग्गु प्रतिज्ञा आदम और अव्वा ठिन आओ। परमेश्वर प्रतिज्ञा करी कि हव्वाकि वंशसे एक सन्तान जन्मैगो जौन सापकि मुड कुलचईगो। हव्वाके झुक्कन बालो शैतान रहए। बो प्रतिज्ञाकी अर्थ चाही मसिहकी आगमन शैतानके पूर्णरुपमे पारस्त कारके रहए।

परमेश्वर अब्राहामसे प्रतिज्ञा करी कि बो द्वारा संसारकि सब जातीके आदमी आशिष पामंगे। बो आशिष मसिहकी आगमन संग पुरा होनके रहए। बा संसारके सब जातिके आदमीनके उद्धारकि डगर प्रदान करैया रहए।

परमेश्वर मोशाके भविष्यमे बा मोशा जैसो दुस्रो एक जनई अगमवक्ता पठामंगो कर्के प्रतिज्ञा करी। जा मसिह और बाको आगमनकि सम्बन्धमे दुस्रो एक प्रतिज्ञा रहए।

परमेश्वर दाऊद राजाके प्रतिज्ञा करी कि बाकि अपनी वंशकि सन्तान परमेश्वरके आद्मिनकी उपर सदा-सर्वदा राज्य करैगो। जाको अर्थ मसिह दाऊदयक वंश मैसे एक जनई होबैगो।

यर्मिया अगमवक्ता द्वारा, परमेश्वर प्रतिज्ञा करी कि बा एक नयाँ करार बनाबईगो, जौन कि बा सिनै पर्वतमे स्थापित करन जैसो करार नारहए। जा नयाँ करारमे, परमेश्वर अपन व्यवस्था आद्मिनकी हिर्दयमे लिखदेबैगो, आदमी परमेश्वरके व्यक्तिगत रुप्मे जानईगो, बे हुनाके आदमी होमंगे, और परमेश्वर बिनके पाप छेमा कर्देहए। मसिह नयाँ करारकि सुरुवात करैगो।

परमेश्वर अगमवक्तासे अईसे फिर कही कि मसिह एक अगमवक्ता, एक पुजाहारी और एक राजा होबैगो। अगमवक्ता बो आदमी रहए जौन परमेश्वरकी वचन सुनत हए और परमेश्वरकि वचन आदमीनकी अग्गु घोषणा करदेहए। परमेश्वर पठए हए कहीके प्रतिज्ञा करन बालो मसिह चाही एकल्लो सिद्ध अगमवक्ता रहए।

इस्राएली पुजाहारी आदमीनकी घैनसे बिनकी पापकी खातिर दण्डकी सट्टा क्षमाकि ताही बलि चडाई देत रहए। पुजाहारी आद्मिनकी ताही परमेश्वर संग प्रार्थना कर्देत रहए। मसिह इकल्लो सिद्ध प्रधान पुजाहारी रहात रहए जौन अपनयकेएक सिद्ध बलिकि रुपमे परमेश्वर ठिन अर्पण करङ रहए।

राजा बो हए जौन फिर राज्य उपर शासन करहए और आदमीनकी न्याय करएअ मसिह ईकल्लो अछ्छो राजा रहए जो अपनो पुर्खा दाऊदकी सिहासनमे बैठत् रहए। बा सदा-सर्वदाकि तानी पुरा संसार कि उपर राज करत् रहए, और सदैव इमानदारी और ठिक निर्णयकी संगमे न्याय करत् रहए।

परमेश्वरकी अगमवक्ता मसिहकि बारेमे और गजब बात भविष्यवाणी करी। मलाकी अगमवक्ता मसिह आनसे अग्गु एक जनई महान अगमवक्ता आबैगो कहीके भविष्यवाणी करी। यशैया अगमवक्ता मसिह कन्यासे जन्मैगो कहीके भविष्यवाणी करी। मिका अगमवक्ता बा बेथलेहेम गाउम्व जन्मैगो कही।

यशैया अगमवक्ता कही कि, मसिह गालीलमे बैठईगो, मन टुटे भयनके हृदयके बाधदेहए,बन्धनमे परेनके स्वतन्त्रता देबैगो और कैदीमे रहान वालेनले छोडदेहए। मसिह रोगी-बेमारिनके और सुनन, देखन, मस्कन नासिकन बालेनके अछ्छो करैगो कहीके भविस्यवाणीकरी।

यशैया अगमवक्ता जा फिर भविष्यवाणी करी कि मसिहके विना कारणसे घिणा और तिरस्कार करो जएहए। दुस्रे अगमवक्ता मसिहके मारन वाले बाको कपडामे चिठ्ठा दारंगे और एक जनई खाली बाके देहए कहीके भविष्यवाणी करी। जाकरिया अगमवक्ता बो संगीके मसिहके धोका दई ताही चादीक सिक्का भुक्तानी स्वरूप तिरैगो कहीके भविष्य वाणी करी।

अगमवक्ता मसिहकि मृत्युकि सम्बन्धमे फिर भविष्यवाणी करी। यशैया भविष्यवाणी करी कि आदमी मसिहके थुकंगे, जिस्कए हए, और मारंगे। बे बाके गधालोसे घोचंगे और गजब कष्ट और दर्द से मारैगो, बो फिर बा कोइ कसुर ना करी रहए।

अगमवक्ता जा फिर कहीकि बा कोईपाप बिना सिद्ध होबैगो। बा दुसरे आद्मिनको पापको दण्ड बोकनके खातिर मरैगो। बाको दण्डसे आदमी और परमेश्वर बीचमे शान्ति आबैगो। जहे कारण, मसिहके कुल्चनके परमेश्वर कि चाहना रहए।

अगमवक्ता भविष्यवाणी करी कि, मसिह मरजाबैगो और परमेश्वर बाके मृत्युसे बैरी उठाबैगो। मसिहकि मृत्यु और बौरी उठाईसे परमेश्वर पापिनके बचानके और नया करारकि थालनी करन बाको योजना पुरा करो जए हए।

परमेश्वर मसिहकि सम्बन्धमे अगमवक्ताके गजब बात प्रकट करी। पर मसिह बे कोई अगमवक्ताकि समयमे ना आओ। जे अन्तिम भविष्यवाणी दओ ४०० वर्षसे गजब समय पिछ्छु परमेश्वर मसिहके संसारमे पठाई।