20. निवार्सन और फिर्ती

इस्राएलकी राज्य और यहूदाकी राज्य, दुनए परमेश्वरकी विरुद्धमे पाप करी। परमेश्वर बिनकीसंग सिनै पर्वतमे बाधो करार बे भंग करदई। परमेश्वर बिनके पश्चाताप करन और पुन:बाके पुजन कहीके चेतावनी देन ताही अपन अगमवक्तानके पठाई, पर बे आज्ञाकारी होनके इन्कार करी।

तही परमेश्वर दुनए राज्यके बिनको शत्रुसे नष्ट होमए कहीके दण्ड दई। एक शक्तिसाली और क्रुर राष्ट्र अश्शुरी साम्राज्य इस्राएलकि राज्य ध्वस्त करदई। अश्शुरी इस्राएल राष्ट्रके गजब आदमी मरे, बिनकी सामान सब लईगए, और देशकि गजब भाग जलाई दई।

अश्शुरी सब अगुवनके, धनी आदमी, और सिप बालेनके जम्मा करी और बिनके अश्शुरी देशमे लैके गए। केवल नामरे गजब गरिब इस्राएली खालि इस्राएल राज्यमे खाली रहीगए।

तओ अश्शुरी इस्राएल राज्य विदेशीनके लए रहए। विदेशी लाईके रख्खी। वेदेशी भतको भओ शहरके फिर बनाईके इस्राएलीन संग बिहा करी, जित्तो हुना छुडे रहए। विदेशीनके बिहा करे इस्राएली सन्ततीसे ‘सामरी’ कही।

यहूदाके आदमी परमेश्वर उपर विश्वास नाकरे और बाकी आज्ञाकारी नाकरेनके कैसे बा इस्राएल राज्यके दण्ड दई रहए कर्के देखि। तहुफिर बे और कनानी देवतानके पुजी। परमेश्वर बिनके चेतावनी देनके अगमवक्ता पठाई, पर बे सेननके इन्कार करी।

अश्शुरी इस्राएल नष्ट करो १०० पिछ्छु परमेश्वर बेबिलोनकी राजा, नाबुकदनेसरके यहूदा राज्यमे आक्रमण कारन पठाई। बेबिलोन एक शक्तिशाली साम्राज्य रहए। यहूदा राजा नाबुकदनेसरके दाश होनके और सब वर्ष बाके गजब रुपैया तिरनके सहमत हुईगए।

पर कुछ वर्ष पिछ्छु, यहूदा राजा बेबिलोनके विरुद्धमे विद्रोह करी। तही, बेबिलोनी फिरके आए और यहूदा राज्यके आक्रमण करी। बे यरुशलेम शहर कब्जा करी, मन्दिर भत्काई दई, शहर और मन्दिरमे रहो सब सम्पति लईगए।

विद्रोह करी तही यहूदा राजाके दण्ड स्वरूप नबुकदनेसरके सिपाही बाको लौणा बहेक अग्गु मारदई और बाके अन्धा तुल्याई दई। फिर, बे राजाके झ्यालखानामे मारन ताही बेबिलोन लईगए।

नाबुकदनेसर और बाको फौज बाली लगान ताही गरिबसे फिर गरिबसे बाहेक यहूदाको राज्यके प्राय: सब आद्मिनके बेबिलोनमे लईगए। समयकी जा अवधि जहाँ परमेश्वरकि आदमी प्रतिज्ञाकी मुलुक छोडन मजबुरी रहए, जहेके निर्वासन कही।

परमेश्वर आद्मिनके बिनकी पापकि कारणसे निर्वासनमे दुर लैजायके दण्ड देहए तहु फिर बा बिनके और अपन प्रतिज्ञाके नाभुलो रहए। परमेश्वर निरन्तररुपमे अगमवक्ताद्वारा ओं आद्मिनके रेखदेख कारन और मस्कन काम नाछोडी। ७० वर्ष बा बिनके फिर प्रतिज्ञाकी मुलिकमे घुमंगे कहीके प्रतिज्ञा करी।

करिब ७० वर्ष पिछ्छु फारसीनकी राजा, कोरेस बेबिलोनके पारस्त करी, तही फारसी साम्राज्य बेबिलोनी साम्राज्यके प्रतिस्थापित करी। अब इस्राएलीनके यहूदी काहात रहए और बे मैसे गजब ता अपन पुरा जीवन बेबिलोनमे रहे रहए। केवल कुछ बुढ्ढा यहुदीनके खालि यहूदा मुलुककी खयाल रहए।

फारसी साम्राज्य एक सक्तिशालि साम्राज्य रहए पर बे अपन कब्जा करे बाए आदमी उपर कृपाली रहए। कोरोस फारसी राजा भओ कुछ समय पिछ्छु, बो जो कोई यहुदी यहूदा घुमक जान चाहत हए कहेसे फरसी साम्राज्य छोके यहूदा घुमक सिकन बाले आदेश जारीकरी। बा बिनके मन्दिर पुननिर्माण कारकन सिकन रुपैया पेशा समेत् दिए।

जब आदमी येरुशलेममे पुगे, बे मन्दिर और शहरकि आसपिस दिवालके फिर बनाई। बिनकी उपर और राज्य करत रहए तहु फिर, एक चोटी पुन:बे प्रतिज्ञाकी मुलुकमे बैठन और बो मन्दिरमे आराधना करन पाए।