19. अगमवक्ताहरू

इस्राएलीनको इतिहास भरके, परमेश्वर बिनकी ठिन अगमवक्तानके पथाई। अगमवक्ता परमेश्वरसे संदेश सुनत रहए और बाको संदेश आद्मिनके बतादेत रहए।

आहाब राजा इस्राएलमे शासन करन बेलामे एलिया एक अगमवक्ता रहए। आहाब एक दुष्ट आदमी रहए जौन आद्मिनके बाल नाउ कहान बालो देवताकी मुर्तिपुजा कारन प्रोत्शाहन करत् रहए। एलिया अब्राहामसे कही, “ मिर बचन बिना पुरा इस्राएलकी राज्य भर न ता शित पणईगो न ता पानि पणईगो।” जा आहाबके गजब क्रोधित बनाई दई।

परमेश्वर एलियाके अब्राहामसे लुकनके उजाड स्थानमे एक खोल्सा भओ ठाउमे जानके कही, जौन बाके मारन चाहत रहए। हर सबेरे और हर दुपहार, कौवा बाके रोटी और बुट्टी लादेत रहए। आहाब और बाको शैनिक एलियाके डुडत रहए पर बे बाके नापाई। हुनाको सुख्खा पान इत्तो उग्र रहए कि बो खोल्सा आखिरमे सुखीगओ।

तही एलिया एक पदोसी गाउमे गई। बो देशमे एकजना विधवा और बाकि लौणा अनिकाल कि कारणसे खान बालो चिजसे वन्चित हुई गओ रहए। पर बे एलियाकि ख्याल करी, और परमेश्वर बिनकी ताही जुटाई दई। बिनकी आरीकि चुन और ढुङग्रोकि तेल कभु ना निप्टत् हए। पुरा अनिकालकि समयभर बिन्की संग खान बालो चिज रहए। एलिया हुना कुछ बर्षसम खालि रहो।

साढे तिन बर्ष पीच्छु, परमेश्वर एलियाके इस्राएलकि राज्यमे घुमके जान और अब्राहामसंग बात कारण कही काहेकी बा फिरके वृष्टिपठान लग्गओ। जब अब्राहाम यालियाके देखि, बा कही, तही हए जा सब समस्या निम्त्यान वेक्ति

इस्राएल राज्यके आदमी, और बाल्कनके ४५० जनई अगमवक्ता समेत लैके सब जनई कर्मेलपहाडमे आए। एलिया आद्मिनसे कही, “ तुम कब समले अपन मन बदलत रयहओ? अगर याहोवे परमेश्वर हए कहेसे, बाकि सेवा करओ

तओ एलिया बालकि अगमवक्तनसे कही, “एक साँढे मरिए और बाके बलीके रुपमे तयार कर, पर बोके आगिसे मत ढुगीए। मए फिर अईसी करंगो। जौन परमेश्वर आगीसे जवाफ देतहए, बहे परमेश्वर सत्य हए।” तही बाल पुजाहारी बली तयार करी पर आगी ना लगाई।

तओ बालकी अगमवक्ता अईसे कहीके प्रार्थना करी, “हे बाल, हमके सुन

दिनकि दुसरे घईन, एलिया परमेश्वरकि ताही बलि तयार करी। तओ बा आद्मिनसे बाह्र बढे घल्ला पानी लैके बलीकि बुट्टी उपर, कठ्ठा और जमिन समेत करके वेदी आसपिस सबए भाग पुरा ना बुतन सम डारन लगाई।

तओ एलिया पार्थना करी, “याहोवे अब्राहाम,इसहाक और याकुबको परमेश्वर, आज हमके तही इस्राएलकी परमेश्वर हए और मए तुमहर दास हओ कहीके दिखा बाओ। मोके उत्तर देबओ ताकी जे आदमी जा जानए कि तुमही खाली ईकल्ले सत्य परमेश्वर हओ।”

तओ तुरनतए आकाशसे आगी गिरो और बुट्टी, कट्ठा, पत्थर, मट्टी और वेदी आसपिस रहो पानि समेत डुङदई। जब आदमी जा देखि, बे जमिनमे घुप्टा परे और कही, “ याहोवे परमेश्वर हए

तओ एलिया कही, “ बच्चाके कोई फिर अगमवक्तानके उम्कन मत देबओ

तओ एलिया राजा आहाब कही, “ तुरुन्तए शहरमे घुमके जाबओ, काहेकी पानीकि वर्षा होत हए।”थुरदेरमे बादर कारो हुईके आईगओ, और बढो जोड्से पानी पणन लागो। याहोवे खडेरीके खतम करी रहए और बहे खालि ईकल्लो सत्य परमेश्वर हए कहीके प्रमाणित करी।

एलियाकी समय पिछ्छु, परमेश्वर एलिशा नाउकि आदमीके बाकि अगमवक्ताके रुपमे छानी। बे मध्य एक आश्चर्यकर्म नामान ठिन हुना आओ, जो शत्रुनकि एक सैन्य उच्चाधिकारी रहए और एक डर लगन बालो छालाकि रोगसे ग्रस्त रहए। बा एलिशाकि बारेमे सुननकि कारणसे बाकि थिन गओ और अपनएके अछ्छोक रकनके अनुरोध करी। एलिया नामानके सात चोटीसम अपनएके यर्दन नदिया डुबानके कही।

पहिले त नामान गुस्सानो ना रहए और अईसे कारन राजी नारहए काहेकी जा मुर्ख जैसो दिखात रहए। पर पछ्छुक बो अपन मन परवर्तन करी और अपनए सात चोटी यार्दन नदियामे दुबाई। जब नामान अन्तिम चोटी उपर आओ, बाको छाला पुरा अछ्छे हुईगए रहए

परमेश्वर और गाजब अगमवक्ता पठाई। बे सब आदमीनके मुर्तिपुजा छोडन औए दुस्रो उपर न्याय और दया दिखानके आग्रह करी। अगमवक्ता आद्मिनसे अगर बे दुष्ट काम कारन नाछोडी और परमेश्वरकी अनाज्ञाकारी भए तओ, परमेश्वर बिनके दोषी काहान बाले, और बिनके दण्ड देनके चेतावानी दई।

गजब समय, आदमी परमेश्वरके नासुनी। बे अक्सर अगमवक्ताके दुर्व्यवहार करी और कभुकभा त बिनके मारी फिर। एक चोटी, यर्मिया अगमवक्ताके सुख्खा इनारमे रहान दई और मरन हुनई छोडदई। बे इनारकि पिँधमे भओ गिलोमे अदीगओ, पर राजा बोकी उपर दया दिखाई और अपन नोकरके यर्मिया मरन अग्गु इनारसे निकारन लगाई।

आदमी अगमवक्ताके घिणा करी बो फिर बे परमेश्वरकि ताही मस्कतए रहे। पश्चाताप नाकारनमे परमेश्वर आद्मिनके नाश करैया हए कहीके चेतावनी देतए रहो। बे आदमीके परमेश्वर मसिहा आनबालो प्रतिज्ञाकि फिर स्मरण कराई।