30. येशू पाँच हजार आदमिनके खबाई

आदमिनके प्रचार कारन और शिक्षा देन येशू अपन चेलानके मेलमेलके ठाउँनमे पठाई। जब बे येशु भओ ठाउँमे घुमक आए, बेनको करो काम बाके बताई दै। तओ फिर येशु बिनके अपनसंग समुन्द्रकी बो पार, एक शान्त ठाउँमे जायके कुछ समय आराम करन कही। तही, बे एक नैयामे चढे और समुद्रकी बो पार गए।

पर हुना गजब आदमी रहए, जौन येशू और बाको चेलनके नैयामे चढो अन्ताहा जात देखी रहए। जे आदमी फिर बिनसे जद्धा सुरुमे समुन्द्रकी दुस्रो पार पुगन डाहो किनारे किनारे दौडी। तसर्थ, जब येशू और चेला बो ठाउँमे पुगे, आदमिनको बढो भिड हुना अग्गुसे बिनके रुकके बैठे रहए।

बो भिडमे लौडीया और बच्चनके नागिनके, करिब ५,००० से जद्धा लौणा रहए येशू बे आदमिनके दया दिखाई। येशुके ताही, बे आदमी गोठालो विना भेणा सहर रहए। तही बे बिनके शिक्षा दै और आदमी नके अच्छोकरी।

दिनको अन्तिम घैन, चेला येशूसे कही, “अँ त देर हुइगओ हए और हिना कोई गाउँ ढिँङ्गई नाहए। जे आदमीनके अन्ताहाँ पठादेबओ ताकी खान ताहे कुछ पान सिकए।”

पर येशू चेलनसे कही, “तुमही जिनकी ताही खानाको बन्दोवस्त करओ

येशू भिडमे राहान बाले आदमीनके पचास पचास जनईको झुण्डमे बैठन लगान कहीके चेलनसे कही।

तओ येशू बे पाचँ रोटी और दुई मछ्छि लै, उपर स्वर्ग घैन देखी, फिर खान बालो चिजको ताही परमेश्वरके धन्यवाद दै।

तओ फिर, येशू रोटी औए मछ्छिके खुद्रा खुद्रा कर्के तोडी। बा बे खुद्रानके आदमिनके बाँटन ताहे चेलनसे कही। चेला खानबालो बाटतए रहे और बो कभु नानिप्टो।

तओ फिर, चेला उब्रो खानबालो जम्मा करी, फिर बो चाहिं करिब बारा डलैयासे जद्धा भओ