31. येशू पानी उपर नेगीं

तओ भिडके बिदा कर्के येशू चेलनके नैयामे चढी समुन्द्रको बो पार जानके कही। भिड बिदा कर्के पिच्छु बा प्राथना करन ताही डँगा घैन गओ। येशू हुना इकल्लो रहए, फिर रातले गजब देरले प्रार्थना करतए रहो।

चेला अपन नैया खियात रहए, पर गजब रात समले फिर बे समुन्द्रको बीच भाग समले पुगे रहए। गजब अप्ठ्यारोके साथ् बे नैया खियात रहए काहेकी शक्तिशाली आँधी बिनको बिपरित चलत रहए।

येशू प्रार्थना कर्के निप्टाई पिच्छु बा चेलनके ठिन गओ। बा समुन्द्रको पानी उपर नेगत बिनको नैया भओ घैन गओ।

जब चेला येशू देखी, बे गजब डराई गए काहीकी हम कोइ भुत देखे कर्के बे सोची। बे डराने हए कहीके येशूके पता रहए, तही बा बिनके बुलाई, “मत डराओ। मए हओ

तब पत्रुस येशूके कही, “गुरुज्यु, अगर तही हए कहेसे, मए तुम्हर ठिन पानी उपरसे आन आज्ञा दे।” येशू पत्रुसके कही, “आजा

तही, पत्रुस नैयासे बाहेर निक्रो और पानी उपर येशू ठाडो ठाउँ घैना नेगन लागो। पर कुछ समय नेगन पेती, बा अपन आँखी येशूसे दुस्रो ठाउँ घैना लैगओ तओ छाल घैना देखन और आंधीके महसुस करन लागो।

तब पत्रुस डराई गओ और डुबन लागो। बो अइसे चिल्लाई, “गुरुज्यु, मोके बचाले

पत्रुस और येशु नैयामे चढे, पिच्छु आंधी तुरन्तए रुकिगओ फिर पानी शान्त भओ। चेला चकित भए। बे अइसे काहात येशूको आराधना करी, “गौसए, तुम परमेश्वरको लौणा हओ।”