32. येशु भुत आत्मा लागे आदमी और रोगी बैयरन्के अच्छो करी

एक दिन, येशु और बाके चेला नैयाँमे चढेके समुन्द्रके बोपार गदरिनी आदमी भए क्षेत्रमे गए।

जब बा तालके बोपरके किनारे पुगो, एक जनै भुतत्मा लागो आदमी येशुके ठिन दौडके आओ।

जा आदमी इतनो बलियो रहए कि कोइ फिर बोके समल नाए सिक एहएं। आदमी बोकको हात और टांग संकरसे बाँध देत रहएं, पर बो बे संकरके तोड देत रहए।

बो आदमी बो ईलाकाके चौरा भए ठाउँघेन बैठत् रहए। बो आदमी हरेक दिन हरेक रात चिल्लत रहत् रहए। बो कोइ कपडा नाए लगात रहए। और अपनएके बारम्बार पत्थरसे मरत् रहए।

बो आदमी येशु ठिन आएके, बाके अग्गु घोप्टो पणो। येशु बो भुतात्मासे कही “जा आदमीसे बाहिर आइजा

भुतात्मा लागो आदमी जोणसे चिल्लानो, “मोसे का चाहतहए, येशू, परमप्रभु परमेश्वरको लौणा ? कृपया मोके मत सताबओ

बो भुतात्मा येशुसे बिन्ती करी, “कृपया हमके जा इलाकसे बाहिर मत निकारओ

बे भूत बो आदमीसे बाहेर आए और सोरंकी भितर घुसीगए। बे सोरंकी हुरत डँगासे समुन्द्रमे गिरे। बो झुड करिब २,००० सोरा रहए।

जब बे सोरा हेरचाह करन बाले आदमी बो घटना देखिँ, बे गाउँ घैन भागे सब जनईके करो भओ काम बताई दै। आदमी बो गाउँसे निकरके आए और भूतात्मा भओ बो आदमीके देखी। बे शान्ति संग बैठे रहए, कपडा लगाए रहए, और साधारण आदमी जैसो व्यवहार करत रहए।

आदमी गजब डराने रहए तही बे येशूके हुनासे निकरन जान आग्रह करी। तही येशू नैयामे घुसो और जान तही तयार भओ। भूतात्मा लगो बो आदमी फिर येशू जान बिन्ती करी।

पर येशू बो आदमीके कही, “नाई, तए अपन घर घुमके जा फिर अपनो संगिनके और परिवारके परमेश्वर तेरी ताही करो भओ सब काम औए कैसे तिर उपर दया दिखाई सो बिनके बताइदे कहीके मए चाहत हओ।”

तही बो आदमी हुनासे गओ और सबके येशू बाके ताही करो भओ कामको बखान करी। बो कथा सुनन बाले सब जनई अचम्मो पडीगए और छक्क भए।

येशू समुन्द्रकी बो पार घुमगओ। बा बो ठाउँमे आओ त्ओ पिच्छु, एक बडो भिड बाको चारौं घैन जम्मा भए तओ बाके घेरके ढकेलन लागे। बो भिडमे एक जनई लौदिया रहए जौन बारा बर्षसे खुनकोस्राब पिडा भुक्तत रहए बा अपन पुरा रुपैया अच्छो होन ताही वैद्यके तिरडारी रहए पर बाको अवस्था झन् जटिल होत रहए।

येशू गजब रोगी आदमिनके अच्चो करी रहए कहीके जा बात बो सुनी रहए। बो सोची, “मए निश्‍चय हओ, कि अगर मए येशूके कपडा खाली छुमंगो त्ओ, पए अच्छो होमंगो

तुरन्तए, येशू अपन शक्ति बासे निकरके गओ हए कहीके चाल पाँई। तही बा पिच्छु घुमो और पुछी, “मोके कौन छुई?” चेला जवाफ दई, “तुम्हर आसपिस आदमिनको भिड हए, जौन घचेटत् हए और ठेलमठेला करत हए बो फिर मुक कौन छुई कहीके कहे पुछत् हओ?”

बो लौदिया येशूकी अग्गु काँपत् आई और गजब डरायके घुप्टा भई। तओ बो का करी सो बाके सब बताई और बा अच्छो भई कहीके बताईआ येशू बाके कही, “तिर विश्वास तोके अच्छो करी। शान्तसे जा।”