38. येशुके धोखा

हरेक वर्ष, यहूदी निस्तार चाड मनात रहए। जा एक उत्सब रहए जौन कैयौं शताब्दी अग्गु कैसे परमेश्वर बिनको पुर्खानके मिश्रदेशको दासत्वसे बचाई रहए कहीके सम्झनामे मनाए करत रहए। येशू सुरु चोटी खुलारुपमे प्रचार और शिक्षा देत रहए करीब तीनव वर्ष पहिले, बा अपन चेलनके बिनकीसंग येरुशलेममे निस्तार चाड मनान चाहन ताहीं बात करी, और जा फिर कही कि बा हुना मरो रहए।

येशूको चेला मैसे यहूदा नाउँ कहान बालो एक जनै आदमी रहए। यहूदा चेलानको रुपैयाको थैलीको जिम्मेवाल रहए, पर बो रुपैयाके प्रेम करत रहए और अक्सर थैलीसे रुपैया चुरात रहए। येशू और चेला येरुशलेममे आइपुगे पिच्छुके, यहूदा यहूदी अगुवन ठीन गओ गओ और रुपैया लैके येशुके धोका देन प्रस्ताव करी। यहूदी अगुवा येशू मसिह हए कहीके अस्विकार करत रहए और बाके मारन षडयन्त्र करत् रहए कहीके जा बात बुक पता रहए।

प्रधान पुजाहारीको नेतृत्वम्व, यहूदी अगुवा येशूके विस्वासघात करन ताही यहूदाके तीस यकन चांदीको सिक्का दै। अगमवक्ता भविष्यवाणी करेजैसो कर्के जा बात होन आओ। यहूदा जा बातमे मन्जुर करीं, रुपैया लै, और हुनासे गए फिर येशुके पक्डन सहायता करन ताहीं मौका ढुडत् लागे।

येरुशलेममे येशू अपन चेलनसंग निस्तार चाड मनाई। निस्तार चाड भोजको समयमे, येशू कुछ रोटी लै और बोके तोडी। बा कही, “जा लेबओ और खाबओ। जा मिर शरीर हए जौन तुम्हर ताहींदै। जा मिर सम्झनामे करे करओ।” जा प्रकार येशू कही, कि बाको शरीर बिनके ताहीं बलिदान होबैगो।

तओ येशू कटोरी लै और कही, “जा पिबओ। जा नयाँ करारको मेरी खुन हए, जो पाप छमाको ताहीं बहो हए। तुम सब चोटी जा पिन पेटी मिर सम्झनामे करे करीयो।”

तओ फिर येशू चेलानके कही, “तुम मैसे एक जनै मोके धोका देबैगे।” चेला छक्क भए, और कौन जा प्रकारको काम करहए कहीके पुछी। येशु कही, “जौनक मए रोटीको जा खुद्रा देहओ, बहे नए विस्वासघाती हए।“ तओ येशू बो रोटीको खुद्रा यहूदीनके दै।

येहूदा रोटी लैके पिच्छुके, शैतान बुक भितर घुसीगओ। यहूदा हुनासे निकरके येशूके पक्डन सहायता करन ताहीं यहूदा अगुवानके ठीन गए। बो रातको समय रहए।

भोज पिच्छु, येशू और बाको चेला नेगत डँगामे गए। येशू कही, “तुम आज रातके मुक छोडदेहओ।” जेसो लिखो हए, ‘मए गोठालाके प्रहार करंगो और सब भेडा तितर-वितर होमंगे।”

पत्रुस जवाफ दै, “और सब तुमके छोडदेहँए पर मए ना छोडंगो

तओ पत्रुस येशूसे कही, “मए मरंगो बो फिर, मए कभु तुमके इन्कार ना करंगो

तओ येशु बाको चेलानको संग गेतसमनी काहान बालो ठाउँमे गओ। येशू बाको चेलानके परीक्षामे नापडंए कहीके प्रार्थना करन कही। फिर येशू अपनए प्रार्थना करन गओ।

येशू तीन चोटी प्रार्थना करी, “हे दौवा, सम्भव हए कहेसे, कृपया मुक जा कचौराको कष्ट पिन नापडए। पर आदमीनको पाप-छेमाको ताहीं और कोई डगर ना हए कहेसे, तुम्हर इच्छा पुरा होबए।” येशू गजब विचलित होत रागए और बाको पसिना खुनको थोपा जैसो रहए। परमेश्वर स्वर्गदूतके बाकी ठिन शक्ति देनके पठाई।

प्रार्थनाको समय पिच्छु, येशूको चेला ठिन घुमक आओ, पर बे निधाने रहए। जब बा तेस्रो चोटी घुमक आओ, येशू कही, “उठओ

यहूदी अगुवा, सैनिक और तरवर और लठ्ठी बोकन बाले बडो भिडके साथमे अहूदी आए। बा येशू येशू ठिन आयके कही, “प्रणाम, गुरुज्यु,” फिर बाके चुम्बन करी। जे यहूदी अगुवनके बे कैसे पक्डन हए कहीके ठम्यान ताहीं संकेत रहए। तओ येशू कही, “यहूदा, का चुम्बनसे त्ए मुक धोका देहए?”

जब सेना सेना येशूके पकडी, पत्रुस तरवार निकारी और प्रधान-पुजारीको एक जनै नोकरको कान काटदै