39. महासभाके सामुने येशु

आधी रातके समय रहए। सेना सोधपुछके ताहीं येशुके प्रधान पुजाहारीके धरमे लैगए। पत्रुस दुराएसे बिनके पछ्याए रहए। जब येशुके घर भितर लैगए, पत्रुस बाहिरए बैठो और आगी तापत अपनए गुन गुनो होन डटो रहए।

येशुके घर भितर, यहुदी अगुवा महासभाके सामुने राखे रहए। बे बहुत झुटो साक्षी ल्याइं जौनसे बाके बारेमे झुटो बोली। तहुफिर, बिनको बायन एक दुसरोसे मिल्दो जुल्दो नाए रहए, यथार्तमे यहुदी अगुवा बाके कोइ बातमे दोषी प्रमाणित कर नाए पाइं। येशु कुछ बोली नाए।

अन्त्यमे, प्रधान पूजाहारी सिधे येशूघेन देखिँ और कहीं, “हमके बता, तुम मसिह हौ, जीवित परमेश्‍वरको लौणा ?”

येशूले कही, “मए हौ, तुम मोके परमेश्‍वरकेसँग बैठो और स्वर्गसे आत देखैगे।” प्रधान-पूजाहारी रिसमे अपन कुर्ता फारी और ओरे धार्मिक अगुवाहरू अइसो कहीके चिल्लने, “हमके औरो कोइ गवाही नाए चाहबैगो।

सब यहुदी अगुवा जवाफ दै, “जा मरन योग्य हए

जब पत्रुस घरबाहिर असियात बैठे रहए, एक जनै नोकर्नी बोके देखि और कही, “तुम फिर येशुके संग रहौ

तओ पत्रुस अइसे कहीके बाचा करी, “अगर मए जा आदमीके चिनो हौ त्ओ परमेश्वर मोके श्राप देबए

पत्रुस हवाँसे अनते गओ और रोइ। जहेबीच बो विश्वासघाती यहूदा अहुदी अगुवा येशुके मरनके ताहीं दोषयात देखि। यहूदा शोकसे भरो और बो हुवांसे अन्तए गओ और आत्महत्या करलै।

दुसरो सुबेरे, यहुदी अगुवा येशुके रोमी राज्यपाल, पितालासके सामु ल्याइं। बे जा आशा करेर रहएं कि पितालास येशुके दोषी ठेहेराबैगो और बोके मृत्युदण्डको सजाय देबैगो। पिलातास येशुसे पुछी, “तुम यहुदीके राजा हौ ?”

येशू जवाफ दै, “तुमही अइसो कहात हओ, पर मिर राज्य चाहिं संसारको राज्य ना हए। अगर अइसो हुइतो त, मिर सेवक मेरी ताही लडाई कर्ते। मए संसारमे परमेश्वरको सत्यता बतान आओ हओ। सब जनै जौन सत्यताके प्रेम कर हए, बे मिर बात सुनंगे।” पिलातास कही, “सत्य कौन हए?”

येशूसंग बात कर्के पिच्छु, पिलातास बाहेर भिड ठीना गओ और कही, “मए जा मनईमे कोइ दोस ना पाओ हओ।” पर यहूदी अगुवा और भिड अइसे कहीके चिल्लाई, “बाके क्रुसमे चढाओ

भिड अब दंगा मचान लग्गए कहीके चाल पाइके पिलातास डराइगओ। तही बा अपन सिपाहीनके येशूके क्रुसमे चढानके आदेश दै। रोमी सिपाही येशूके कोर्रा लगाई और राजकीय पोशाक फिर कांटोको बनाओ मुकुट बाके लगाई दै। तओ फिर बे बाके अइसे कहीके जिस्काँई, “देख, यहूदीनको राजा