40. येशू क्रुसमे टंगो

येशूके गिल्ला कर्के पिच्छु, सिपाही बाके क्रुसमे चढान ताही हुनासे दुस्रो ठाउँमे लैगए। बे बाके क्रुस बोकन लगाई जौनमे बुक टाँगैया रहए।

बे सिपाही येशूके “खप्परे” काहान बालो ठाउँमे लाँई और बाको हात और पाउँके क्रुसमे धर्के बोकी उपर किल ठोक दै। पर येशू कही “दौवा, जिनकेछेमा कर्दिए, काहीकी जे का करत् हँए, सो जे ना जानत हँए।” पिलातस बे सिपाहीनके एक पाटीमे यहूदा को राजा” लिँख दै और ओके क्रुसमे येशूको मुँड उपर धरन हुकुम करी।

सिपाही येशूको कपडामे चिठ्ठा डारी। बे अइसे करत् पेति बो अगमवाणी पुरा भओ, जौन कही रहए, “बे मिर कपडा अपनयमे बाँडी, और मिर कपडाके ताहीं चिठ्ठा डारीँ।”

येशूके दुई लुटेराको बीचमे क्रुसमे चढाई रहए। बे मैसे एक जनै येशूके गिल्ला करी, पर दुस्रो चाहीं कही, “का तुक परमेश्वरको कोइ डर ना हए? हम दोषी हए, पर बे आदमी त निर्दोष हँए।” फिर बो येशूसे कही, “आजए, तए मिरसंग स्वर्गमे होबैगो।”

यहूदी अगुवा और भिडमे भए और आदमी येशूके गिल्ला करीं। बे बासे कहीं “अगर तए परमेश्वरको लौणा हए कहेसे, क्रुससे तारे उतरके आजा और अपनयके बाचा

फिर समस्त इलाका भर अँध्यारो हुइगओ, यद्यपि बो मध्यदिनको समय रहए। बो अँध्यारो मध्यान्हको तीन बजे सम रही रहो।

तओ फिर येशू गजब जोडसे चिल्लाई, “अब निपट गओ

बाको मृत्युसे, येशू आदमीनको ताही परमेश्वर ठिना आनबालो डगर खोल दै। जब येशूके पहरा देनबालो बो सिपाही जा सब बात भओ देखी, बो कही, “निश्चय नए, जा मनै निर्दोष रहए। बा परमेश्वरको लौणा रहए।”

फिर योसेफ और निकोदेमस, येशुके मसिह कहीके विस्वास करे दुई जनै यहुदी अगुवा पिलाताससंग येशूको शरीर मांगी। बे बाको शरीरके कपडामे बेणी और बाके चट्टानमे कोपेर बनाओ चिहान भितर धरी। तओ फिर बे चिहानको मुहू बन्द करम तांही बुक अग्गु एक बडो पत्थर बन्द कर्के धर्दैँ।