41. परमेश्वर येशूके मरोसे बौरी उठाई

सिपाही येशूके क्रुसमे टाँगके पिच्छु, अविश्वासी यहूदी अगुवा पिलाताससे कही, “बो ठगिया येशू कही रहए कि बो तीन दिन पिच्छु बौरी उठैगो। बाको चेला बुक लास लैजए हँए, फिर बो मृत्युसे बौरी उठीगओ कहीके ना बतए हँए कहीके बातको पक्का करन कोई हुना चिहानको पहरा करन पडैगो।”

पिलातास कही, “कुछ सिपाही लैजाओ और बो चिहानके बो चिहानके तुम सक्दो सुरक्षित करीयो।” तही बे चिहानको मुहूमे भओ पत्थरमे एक मोहोर लगाई और कोई शरीर ना चुरामए कहीके पक्का करन सिपाहीनके हुना धरी।

येशूके गाडो दुस्रो चोटी शबाथको दिन रहए, और यहूदीनके बो दिन चिहानमे जान मनाही रहए। तही शाबाथ दिनको दुस्रो दिन सुबेरे नए, कुछ लौणिया येशूको चिहानमे बाको शरीरमे अत्तर लगान जान तयार भए।

अचानक, एक बडो भूकम्प गओ। बिजुली तड्कत् हए उइसी स्वर्गदूत देखा पडो। बा चिहानको मुहू तुपो पत्थरके हुनासे हटाई दै और बुक उपर बैठ गओ। चिहानको पहरा करन बाले सिपाही डराई गए और मरो आदमी जैसी गिरे।

जब बे लौणिया चिहानमे पुगे, बो स्वर्गदूत बिनसे कही, “मत डराओ। येशू हीना नाहए। बा जो कही कही रहए उइसी, बा मरोसे बौरी उठिगओ।

तओ स्वर्गदूत बे लौणियनसे कही, “जाओ और चेलनसे कही देओ और बा तुमसे अग्गु गालील चलो जयहए।”

बे लौणिया डर और बडो रमाहाटसे भरे रंहए। बे चेलानसे जा खिशीको समाचार दौडत् गए।

जब बे लौणिया चेलनसे जा खुशीको समाचार सुनान जात रहए, येशू बिनकी ठिन देखा पडो, फिर बाको आराधना करी। येशू कही, “मत डराओ। जाओ और मिर चेलनसे गालीलमे जान कहीदेओ। बे मोके हुनए देखंगे।”