42. येशू स्वर्गमे घुमगओ

येशू मरोसे बौरी उठोभओ दिनमे, बाको दुई जनै चेला ढिँगैको गाउँ घैन जात रहए। बे नेगत् बेला, बे येशूके का भओ रहए कहो विषयमे बात करीं। बे आशा करे रहए कि बा मसिहा रहए, पर बा मरिगओ। अब लौणिया कहीं कि बा फिर जिन्दा हुइगओ। बे कौनक उपर विश्वास कंराए सो पता नारहए।

येशू बिनकी ठिन पुगो और बिनकी संगए संग नेगन लग्गओ, पर बे बाके नाचिनी। बा बिनके काको बारेमे बात करत् हओ कहीके पुछी, तओ बे बाके बिगतके कुछ दिनमे येशूको सम्बन्धमे भओ सब बात उल्लेख कर्के बताई। बे ना सोचिं रहए कि बे एक परदेशी संग बात करत् हँए, जौनक यरुशलेममे का भओ रहए सो पता नारहए।

तओ फिर येशू बिनके परमेश्वरको वचन मसिहको बारेमे का कही हए कहीके व्याख्या करी। बा बिनके स्मरण कराई कि अगमवक्ता कहीं रहए; मसिह कष्ट भोगैगो और मरैगो पर तेस्रो दिनमे फिर बौरी उठैगो। जब बे बो गाउँमे पुगे जाहाँ बे दुई जनै बैठन योजना बनाई रहंए, बो बेला करीन सांझा हुइगओ रहए।

बे दुई मनै येशूके बिनकी संग बैठन निउतो दै, तही बा बिनकी संग बिठो। जब बे सांझा खाना खान तयार भए, येशू रोटीको एक खुद्रा लै, परमेश्वरके बुक ताहीं धन्यवाद दै, और बो तोडी। अचानक, बे बा येशू हए कहीके चिनिं। पर बहे समय, बा बिनको नजरसे गायब हिगओ।

बे दुई मनै एक-दुस्रेक कहीं, “बा त येशू रहए

जब चेला बात करत् रहंए, अचानक येशू बो कोठामे बिनकी ठिन देखा पडो और कही, “तुमके शान्ति

येशू कही, “मए तुमसे कहो रहओ कि मिर बारेमे परमेश्वरको वचनमे लिखो सब बात पुरा होन पडत् रहए।” फिर बा बिनको समझ खोल दै ताकी बे परमेश्वरको वचन बुझन सिकए। ना कही, “जा त गजब पहिले लिखो रहए कि मसिह कष्ट भोगैगो, मरैगो फिर तेस्रो दिनमे मर्के जिन्दा हुइजए हए।”

“धर्मशास्त्रमे अइसो फिर लिखो रहए कि मिर चेला घोषणा करंगे कि सब जनै अपन पाप-छेमा पानके ताहीं पश्‍चातापकरन पडत् हए। बे जा बात यरुशलेमसे शुरु करंगे, फिर बो पिच्छु पुरा आदमी जाति ठिना जयहए। तुम जे बातमे साक्षी होबैगे।”

फिर चालिस दिनसम, येशू बाको चेलनके ठिना गजब चोटी देखा पडो। एकचोटी, बा ५०० जनैसे जद्धा आदमी ठिना समेत एक चोटी खाली देखा पडो। बा अपन चेलनके गजब प्रकारसे जिन्दा हँओ कहीके प्रमाणित करी, फिर बा बिनके परमेश्वरको राज्यको बारेमे सिकाई।

येशू बाको चेलनसे कही, “स्वर्ग और पृथ्वीमे भओ पुरा अधिकार मोके दओ गओहए। तही जाओ, सब जातिके आदमिनको दौवा, लौणा और पवित्र आत्माको नाउँमे बप्तिस्मा दैके चेला बनाओ और बे मए तुमके आज्ञा करो सब बात पालन करन सिकाओ। याद करीयो, मए सदामान तुमरीसंग होमंगो।”

येशू मर्के बौरी उठो बुक चालिस दिन पिच्छु, बा अपन चेलनसे कही, “मिर दौवा तुमके सक्ति देहए फिर जब पवित्रआत्मा तुमरीमे आबैगो, बो समय तक तुम यरुशलेममे नए बैठओ।” फिर येशु उपर स्वर्गमे गओ, और बादर बाके बिनको नजरसे तोपदै। येशू सब बातकि उपर राज्य करन परमेश्वरको दाहीना हात पट्टि बैठोहए।