2. पाप संसार कै आच्छदौ।

आदम सी आपरौ देन परमात्मा ए हौतैन ला जुरयाउन्दौ हौसौ शारो बगीचा कै वाल खुश थै। हौतेन्दुई कुने गाच्छौ नालाईदै थै, तै भी हौई बातै ऐ हौतेन दुई ला लाजीनौ नैभैजुदौ, क्यु बौलता संसार गाश पाप नैथैव। हौतैन दुई सौदा हौसौ बगीचा कै हांडने थाक्दै थै आई परमात्मा सी बातै बाताएन थाक्दै थै।

पौर हौसौ बगीचा कै ऐक सांप थयौ। हौसौ वाल चलाक थयौ। हौसौ सांपे हौसौ देन ला पुछी, “कि दिमांगे परमात्मा ए तुम दुईला हौई बगीचारौ बोटा का फौल नाखाए बौलुन्दौवा?”

हौसौ देन ऐ बौलुन्दौ, “परमात्मा ए हामदुईला बौलुन्दौ कि हौसौ बौलौ सी मारे रौ ज्ञान रौ भोट ला शौठयाई बाकी सैब भौटा रौ फौल खाई बौलदे। परमात्मा ए हाम दुईला बौलुन्दौ कि “अगर हाम दुई हौसौ फौल ला खाएता या छुंगता, हाम दुई मौरदै।”

हौसौ सांप ए देन ला बौलुन्दौ, “हौई दिमांग बातै नुंदौ! तुम दुई नौमौरदै। परमात्मा जान्दौ कि जैव ए तुम दुई हौसौ फौल ला खासौ, तुम दुई परमात्मा जैव ए फिरसौ आई परमात्मा जैव ए भौलौ सी मारे ला सौमजिसौ,”

हौसौ देन ला हौई फौल बौलौ लागी आई वाल मीठौ जान्नौ आच्छी। हौसौ भी समझदार फिरनौ चाएन थी, तै हौतैसै फौल ला गारी खाउन्दौ, तै हौतैसै आपरौ पुंशा ला जुन हौतैस्सी साथ थयौ हौसौ फौल दैई आई हौतिनै भी खाई।

आचानक, तैन दुई रौ आंखी खुलुई, आई तैन दुई ला पौता लागी कि हाम दुई नागरे सी। तैन दुईए पाच हौरला कौटठा मिलायाई हौतिज रौ गाच्छौ जुरयाई हौतिजे आपरौ डे ला बुदनौ कोशिश कौरी।

तै पुंशा सी आपरौ देन ए बगीचा कै परमात्मा रौ हान्डनौ रौ काद शुनी। तैन दुई परमात्मा का चौरुई! तै परमात्मा ए पुंशा ला बेदी, “तु किंचै सै? आदम ए बौलुन्दौ, मैईए ताउंला बगीचा कै हान्डदी बैरै शुनौ, आई हाऊं डौरी थयौ, क्यु बौलता हाऊं नागरे थयौ। तै हाऊं चौरुई।”

तै परमात्मा ए पुछुंदौ,“ ताऊंला कुनै बौलौ कि तु नागरे सै? तैईए हौसौ फौल ता नाखावा जिल्ला मैईए नाखाईयो बौली थयौ?” पुंशाए बौलुन्दौ, तैईए माना जी हौई देन दैऊन्दौ हौसै ए माना हौई फौल दैनौ।” तै परमात्मा ए देन का पुच्छुंदौ, “तैईए हौई की खौटौ?” हौसौ देने बौलौ, सांपे माना ठकायाई।”

परमात्मा ए सांपला बौलुन्दौ, “ताऊंला शराप दिसु! तु आपरौ पेटे हांडसै आई माटी चाटसै। तु सी हौई देन आपुरी माज नाबाईसौ, आई तेरौ छौकुर पैरै सी हौसरौ छौकुर पैरै आपुरी माज नाबाईसा। हौई देन रौ वंशजहौरी तैरौ मुंडकांग ला दबायासा, आई तु हौतेन रौ खुंडीला खासै।”

तै परमात्मा ए देन ला बौली, “हांऊ तैरौ छैल्डुपैरै जौन्मदी बैरैला वाल काठौ जुरयासु। तु आपरौ पुंशा का लालसा कौरसै, आई तैरौ पुंशा ताऊंगा बौडौ फिरैस।”

परमात्मा ए आदम ला बौलुन्दौ, “तैईए आपरौ देन रौ बातै शुनी आई मैरौ हुकुम नौमौन्याई।” तै हौतिजै माटी ला शराप लागीस, आई तांऊला खाऊ राजामैला वाल काठौ काम खौटनौ फिरैस। ऐ तु मौरसै, आई तैरौ डे माटी कै मिलैनमाईएस। आदम ए आपरौ देन रौ नाव हव्वा जागी, जिररौ मौतलब, “जिन्दगी दैन्दीसै,” क्यु बौलता हौसौ सैब जाति हौररौ आमा हौएस। आई परमात्मा ए आदम सी हव्वा ला पौशुरौ खालचुए जुरयाऊन्दौ गाच्छौ लायाऊन्दौ।

तै परमात्मा ए बौलुन्दौ, “ऐ बौलौ सी मारै ला जानीदै मानुष मुक्सी बराबौर फिरीन्दैस, तै ए मानुषा ला जिन्दगी रौ बोट रौ फौल खामै नैबैन्नौस्या ना ता मानुषा आमौर फिरसा।” तै परमात्मा ए आदम सी हव्वा ला हौसौ बगीचा का बाए गारुन्दौ। आई परमात्मा ए हौसौ जिन्दगी रौ बौट रौ फौल खानौ का सैब ला रुक्यामै तैई हौसौ बगीचा रौ दवार गाच्छै शक्तिसया स्वर्ग रौ दुतहौरी बैशाऊन्दौ।