48. यीशु ए वायदा कौरुन्दौ मसीह स

जादु परमात्माए संसार ला जुराऔ सैब कुछ बढिया थयौ। कैछै पाप निथिऔ। आदम सी हव्वा एक आईक का प्रेम कौरदै थयै, आई हौतनै परमात्मा का प्रेम कौरदे थयै। कीछ बयाज या मौरनौ नितयौ। परमात्मा हौयौए संसार ला चांदौ थयौ।

शैतान ए साप रौ दवारा बगीचा कै हव्वा सी बातायुन्दौ, क्यु बौलता हौसौ हौतेस ला धोखा देनौ चांदौ थयौ। तै हव्वा सी आदम ए परमात्मा रौ विरौध कै पाप कौरी। क्यु बौलता हौतैन हौर ए पाप कौरी थयौ हौतिजरौ तैईए धरती गाश थाकदै सा सैब जन मौरदेस।

क्यु बौलता आदम सी हव्वाए पाप कौरी थयौ, हौतिजरौ तैईए कि आई भी मारै फिरुन्दौ। हौतनै परमात्मा रौ दुशमन फिरुन्दै। जिजरौ कारण ए, हौतरै का सैबै ए पाप कौरुन्दौस। हर एक जन ए परमात्मा रौ विरुध पाप कोरुन्दौस। परमात्मा सी मानुष हौररौ बीच कै शान्ति निथयौ। पौ परमात्मा शान्ति स्थापित कौरनौ चान्दौ थयौ।

परमात्माए वायदा कौरुन्दौ कि हव्वा रौ एक वंश शैतान रौ मुटकांग ला कुचलाएस। हौतिए हौई भी बौली कि शैतान हौतिन रौ एड़ी ला खाएस। आईक बातैकै, शैतान मसीह ला मारी बैजैस, पौर परमात्मा हौतिनला फिरी जिऊन्दौ जुराएस। हौतिज का पिछु, मसीह शैतान रौ शक्ति ला हमेशा रौ तैईए खत्म कौरैस। बादौ बौरौश का पिछु, परमात्माए प्रकट कौरी कि हौसौ मसीहस।

परमात्मा ए हौसौ बाढ़ का आपरौ पैरै ला बचायाऊन्दौ जिरला हौसौ आनदौ सा थयौ। नूह ला एक किस्ती जुरामै ला बौलुन्दौ कि हौसौ हौयौ ए परमात्माए हौसौ मानुषा हौर ला बचायाऊन्दौ जुन हौतिन गाश विश्वास कौरदै थयै। हौयौए, हौतनै सैब परमात्मा रौ दवारा मारी बैजनौ रौ लैक थयै क्यु बौलता हौतैन हौर ए पाप कौरुन्दौ थयौ। पौर परमात्माए हौतैनै सैब ला बचायानौ रौ तैईए यीशु ला बैजून्दौ जुन हौतिन गाश विश्वास कौरेस।

रा बौरौश का बादौ सैग, याजक परमात्मा रौ तैईए बलिदान चढ़ाएन थाकुन्दै। हौई दर्शायान्दौस कि मानुष हौर ए पाप कौरी, आई हौई कि हौतैनै परमात्मा रौ दवारा सजा दैनौ रौ लैक थयै। पौर हौसौ बलिदान पाप हौर रौ क्षमा कौरी नौबौलदौ थयौ। यीशु सैबका बौडौ महायजकस। हौतिनिए हौसौ सैब कौरी जिलला कौनै याजक कौरी नौबौलदै थयै। हौतिनिए हौसौ एकमात्र बलिदान कौरमै रौ तैईए अपनै आप ला दैऊन्दौ जुन हर किसी रौ पाप हौर ला मिटायाई बौलैस। हौतिनिए सविकार कौरुन्दौ कि परमात्मा हौतैनै सैब रौ पाप हौर रौ तैईए हौतिन ला सजा दैस। हौररौ कारण ए, यीशु सिद्ध महायाजक थयौ।

परमात्माए अब्राहम ला बौलुन्दौ, “हाऊँ तैरौ तैईए संसार रौ सैब जाति हौर ला आशीष दीसु।” यीशु हौईए अब्राहम रौ वंश थयौ। परमात्मा अब्राहम रौ मादयम का सैब जाति हौर ला आशीष दैदौस, क्यु बौलता जुन यीशु गाश विश्वास कौरेस परमात्मा हौतैनै सैब ला पाप का बचायैस। जैतरै हौई मानुषा यीशु गास विश्वास कौरदैस, तै परमात्मा हौतैन ला अब्राहम रौ वंश सौमझिदौस।

परमात्माए अब्राहम ला बौलुन्दौ कि आपरौए छैलडु ला हौतिन रौ तैईए बलिदान कौर। पौर तै परमात्माए इसहाक रौ बदला कै बलि कौरमै रौ तैईए एक चेलटु दैऊन्दौ। तामै सैबै आपरौ पाप हौर रौ तैईए मारी बैजनौ रौ लैक थयै! पौर परमात्माए तामरौ रौ जागा गाश मौरमै ला यीशु ला बलिदान रौ रुह कै दैऊन्दौ। हौतिज रौ कारण ए तामै यीशु ला परमात्मा रौ चेलटु बौलदै सि।

जादु परमात्मा ए मिस्त्र गाश अंतिम विपती बैजी तै हौतिनिए हर एक इस्त्राएली पैरै ला बौलुन्दौ कि तुमै एक चैलटु ला बलिदान कौरौ। हौसौ चैलटु कै कैछै खामी नुनौ चान्दौ। तै आपरौ दवार गाश आई औरु पौरु हौतैन ला हौतिज रौ पलाच ठौशयानौ थयौ।जैतरै परमात्माए हौसौ पलाच ला शाऔ तै हौसौ हौतैन रौ गौर हौर का आंगमै बढैनमाऊई आई हौतैन रौ पेहला छैलडु पैरै ला नामारुन्दौ। जैतरै हौई फिरौ तै परमात्माए हौतिजला फसह रौ पर्व बौलुन्दौ।

यीशु फसह रौ पर्व रौ एक मेमना रौ गानस। हौतिनिए कादुए पाप नौकौरी, हौतिजरौ तैईए हौतिनकै कैछै गलत नुदौ। हौसौ फसह रौ पर्व तादु मौरुन्दौ। जुन कुन यीशु गाश विश्वास कौरदौस, तै यीशु रौ लहू हौसौ मानुष रौ पाप हौर रौ किमत चुकायादौस। हौई हौयौस जयौ कि परमात्मा हौसौ मानुष गाछै का आंगमै बौडुई, क्यु बौलता हौसौ हौतिनला सजा नैददौ।

परमात्मा ए इस्त्राएली मानुष हौर सी एक वचन बानी, क्यु बौलता

मूसा एक हौयौ भविष्य जानदौ थयौ जुनिए परमात्मा रौ वचन ला बौडौ शक्ति सी प्रचार कौरी थयौ। पौर यीशु सैब भविष्य हौर जानदै सा का बौडौस। हौसौ परमात्मास, हौतिज रौ तैईए जि भी हौतिनिए कौरुन्दौ आई बौलुन्दौ हौसौ परमात्मा रौ काम सी वचन थयै। हौतिजरौ तैईए पवित्र शास्त्र यीशु ला परमात्मा रौ वचन बौलदौस।

परमात्माए राजा दाऊद का वायदा कौरुन्दौ थयौ कि राजा रौ रु कै हौतिन रौ एक वंश परमात्मा रौ मानुष हौर गाश सौदा रौ तैईए शासन कौरेस। यीशु परमात्मा रौ छैलडु आई मसीहस, हौतिजरौ तैईए हौसौ राजा दाऊद रौ वंशस जुन सौदा रौ तैईए राज कौरी बौलेस

दाऊद ता इस्त्राएल रौ राजा थयौ, पौर यीशु सारौ जगत रौ राजास! हौसौ फीरी आछैस आई सौदा रौ तैईए न्याय सी राज्य का राज कौरैस।