49. परमात्मा रौ नौऊवौ वायदा

एक स्वर्गदूत ए एक जवान देन मरियम ला बौलुन्दौ कि हौसौ परमात्मा रौ छैलडु ला जौरमैस। हौसौ आई कुँआरी थी, पौर पवित्रात्मा हौतैस गाछै आछुन्दौ आई हौसौ गर्भवती फिरुन्दी। हौतैसै एक छैलडु जौरमी जासरौ नाव हौतैसै यीशु जागुन्दौ। हौतिजरौ तैईए, यीशु परमात्मा सी मानुष दुईएस।

यीशुए बादौ चमत्कार कौरुन्दौ जि हौई दैख्यादौस कि हौसौ परमात्मास। हौसौ पानी गाश हाँडुन्दौ आई तूफान ला शान्त कौरुन्दौ। हौतिनिए बादौ ब्याजुन मानुष हौर ला चान्गा कौरुन्दौ आई बादौ मानुषाहौर का दुष्टात्मा हौरला गारुन्दौ।हौतिनिए मौरुन मानुषाला जिऊन्दौ कौरुन्दौ, आई हौतिनिए पाँच रौटी दुई माछली हौर का 5,000 मानुष हौररौ तैईए क्यालाखो खाऊँ खिलायाउन्दो।

यीशु एक महान गुरुजी भी थयौ। जि बि हौतिनै शिख्याउन्दौ, हौसौ हौतिनिए सिदता रौ साथ शिख्याऊन्दौ। जि हौसौ मानुष हौर ला कौरमै ला बौलदौस हौसौ हौतैनला कौरनौ चान्दौ क्यु बौलता हौसौ परमात्मा रौ छैल्डुस। उदाहरण रौ तौर कै हौतिनिए शिख्याऔ कि तौमोर ला आईक मानुष हौर ला हौसौए रीतिए प्रेम कौरनौ रौ जरुरत स जयो तुमै आपनै आप का प्रेम कौरदै सौ।

हौतिनै हौई भी शिख्याऊन्दौ कि तौमोर ला सेब चीजा का बौदी आई आपरौ सम्पति का बौदी परमात्मा का प्रेम कौरनौ चान्दौ।

यीशु ए बौलुन्दौ कि संसार कै सेब चीजहौर का बौदी जरुरी परमात्मा सी प्रेम कौरनौ स। हौतिन रौ राज्य कै प्रवेश कौरमै ला हौई जरुरी स कि परमात्मा तौमोर ला तौमोर रौ पाप हौर का बचाए स।

यीशुए बौलुन्दौ कि कुछ मानुष हौतिनला स्विकार कौरैसा। परमात्मा हौसौ मानुष हौर ला बौचाएस। पौर आईक्या मानुष हौतिन ला स्वीकार नौकौरसा। हौतिनिए हौई भी बौलुन्दौ एक्या मानुष बौलौ डौखरौ रौ समानस, क्यु बौलता हौतनै यीशु रौ बारे कै शुभ संदेश ला स्वीकार कौरदै सा, आई परमात्मा हौतैनला बौचायान्दौस। पौर एक्या मानुष बात रौ काठौ माटी रौ समानस। परमात्मा रौ वचन बिऊ रौ समान बातकै शौरदौस, पौर हौतिनचै किछ भी नाराजदौस। हौई मानुष यीशु रौ बारे संदेश ला स्वीकार कौरदैसा। हौतनै हौतिन रौ राज्य कै प्रवेश कौरमै ला इंकार कौरदैस।

यीशुए शिख्याऊन्दौ कि परमात्मा पापी हौर का बादौ प्रेम कौरदौस। हौसौ हौतनै ला माफ कौरमै चानदौस आई हौतैनला आपरौ संतान फिरयानौ चान्दौस।

यीशुए हौई भी बौलुन्दौ कि परमात्मा पाप का नफरत कौरदौस। क्यु बौलता आदम सी हव्वाए पाप कौरुन्दौ, हौतिज रौ तैईए हौतेनरौ सैब वंश हौर ए भी पाप कौरुन्दौस। हौई संसार कै थाकदै स्या हर एक जौन ए पाप कौरदौस आई परमात्मा का दूरस। हरेक जौन परमात्मा रौ दुशमनस।

पौर परमात्माए हौई संसार कै थाकदै सा हरेक जौन सी हौई रीतिए प्रेम कौरिस: जुन भी हौतिन गाश विश्वास कौरैस हौतैनै नाश निफिरसा पौर अनंत जीवन ला प्रापौत कौरेस।

तुमै मौरनौ रौ लैक सौ, क्यु बौलता तुमै पाप कौरिस। तुमका परमात्मा रौ रौशिनौ उचितस। हौजरौ तुलना, हौसौ यीशु गास रौशुई। हौतिनिए यीशु ला क्रूस गास लटकायाई मौत रौ सजा दैऊन्दौ।

यीशुए कादुए पाप नौकरून्दौ, पौर हौतिनिए परमात्मा ला दंड दैनौ बैजुन्दौ। हौतिनिए मौरी नाशनौ स्वीकार कौरुन्दौ। हौई रीतिए, तुमहौर रौ पाप हौर ला आई संसार कै थाकदै सा हरेक जौन रौ पाप हौर ला तौलाई नीमै रौ तैइए एक सिध बलिदान थयौ। यीशुए अपने आप ला परमात्मा रौ तैईए बलिदान दैऊन्दौ, हौतिजरौ तैईए परमात्मा कि भी पाप ला, हौनचै सैग कि कौचरौ पाप हौर ला भी क्षमा कौरदौस।

चाहे तुमै कैतैग भी बौलौ काम हौर कौरदै सौ, तै भी हौतिजरौ दवाराए परमात्मा तुमला नौबौचाएस। हौतिन रौ कौनेस फिरमै रौ तैईए हौई किछ भी नाई जि तुमै कौरी बौलसौ। हौतिजरौ इलावा, तुमला विश्वास कौरनौसा कि यीशु परमात्मा रौ छैलडुस, आई हौसौ तुमरौ तैईए क्रूस गाश मौरुन्दौ, आई हौई भी कि परमात्माए हौतिनला फिरी जीवित कौरुन्दौ। यदि तुमै हौतिन गाश विश्वास कौरता, तै परमात्मा तुमरौ पाप हौर ला क्षमा कौरेस।

परमात्मा हौसौ हरेक जौन ला बौचाएस जुन यीशु गाश विश्वास कौरदैस आई आपरौ प्रभु स्वीकार कौरदैसा। पौर हौसौ हौतैनला भी नौबौचाएस जुन हौतिनगाश विश्वास नौकौरदैसा। हौई कैछै मायना नाजागदौ कि तुमै अमीर या गरीब सौ, पुंशा या देनस, बूढौस या जवानस, या तुमै किनचै थाकदै सौ। परमात्मा तुमका प्रेम कौरदौस आई चान्दौस कि तुमै यीशु का विश्वास कौरौ कि हौसौ तुमरौ कौनैस फिरी बौलेस।

यीशु तुमला बुलाएनस कि हौतिनगाश विश्वास कौरौ आई बपतिस्मा मांगौ। कि तुमै विश्वास कौरदैसौआ कि परमात्मा रौ एकलौता छैलडु, यीशुए मसीहस? कि तुमै विश्वास कौरदैसौआ कि तुमै एक पापी सौ आई हौई कि तुमै परमात्मा दवारा तुमला सजा दैनौ रौ योग्य सौ? कि तुमै विश्वास कौरदैसौआ कि तुमौरौ पाप हौर ला मिटायामै तैईए यीशु क्रूस गाश मौरुन्दौ?

यदि तुमै यीशु गास आई जि हौतिनिए तुमरौ तैईए कौरिस हौतिन गाश विश्वास कौरदैसौ, तै तुमै एक मसीह सौ! शैतान आपरौ अंधकार रौ राज्य कै ऐ तुमगाश राज नौकौरदौस। ऐ परमात्मा आपरौ प्रकाश रौ राज्य कै तुमगाश राज कौरदौस। हौतिनिए तुमला पाप कौरनौ का रौकाईस, जिलला तुमै कौरदै थयै। हौतिनिए तुमला एक नौ, उचित जीवन दैईस।

यदि तुमै एक मसीहि सौ ता जि यीशुए कौरुन्दौस हौतिजरौ कारण परमात्माए तुमरौ पाप हौर ला माफ कौरुनदौस। ऐ, परमात्मा एक दुशमन रौ अपेक्षा तुमला एक खास कौनैस जानदौस।

यदि तुमै परमात्मा रौ कौनैस हूता आई प्रभु यीशु रौ सेवक हूता तै तुमै हौतिनरौ बातै हौर रौ पालन कौरनौ रौ इच्छा कौरसौ जि यीशु तुमला सिखायैस। चाहै तुमै एक मसीही सौ, शैतान तैभी पाप कौरमै रौ तैईए तुमरौ इमतैआन कौरैस। पौर परमात्मा हमेशा हौसौ कौरदौस जि हौसौ बौलदौस कि हौसौ कौरैस। हौसौ बौलदौस कि यदि तुमै आपरौ पाप हौर ला मानायाता, तै हौसौ तुमला माफ कौरेस। हौसौ तुमला पाप रौ विरुध लौसिमै ला शक्ति दैस।

परमात्मा तुमला प्रार्थना कौरमै आई हौतिनरौ वचन ला शिखिमै रौ तैईए बौलदौस। हौसौ तुमला आईक विश्वासी हौर सी मिलेनमाऊई हौतिनरौ अराधना कौरमै ला भी बौलदौस। तुमला आईक्या मानुष हौर ला भी बौलनौसास कि हौतिनिए तुमरौ तैईए कि कौरुन्दौस। यदि तुमै हौई सैब काम हौर ला कौरसौ, तै तुमै हौतिनरौ एक पाका कौनैश फिरसौ।