7. परमात्मा ऐ याकूब ला आशिरबाद दैऊन्दौ।

जैतरै हौसौ छौकुर पैरै बौडौ फिरै तै याकुब ला गौरै थाकनौ बौलौ लागी, पौर एसाव ला पौशु हौर रौ शिकार बौलौ लागी। रिबका ऐ याकुब ला बैदान कौरुन्दौ, पौर इसहाक ऐ एसाव ला बैधान कौरुन्दौ।

ऐक दयार ,जैतरै एसाव शिकार कौरी वापिस आव तै हौसौ वाल बौखुई थयौ। एसाव ऐ याकूब ला बौलौ, “जि तैईए जुरयाऊन्दौ हौतिज का उतुरी खाऊ माना दै”। याकुब ऐ बौलुन्दौ, “पहले मुका हौई वायदा कौर कि जैठौ हुनौ तैई जिबी चीज ताऊला पौरनौ चान्दौ, हौसौ सैब तु माना दिसै।” तै एसाव ऐ हौसौ सैब चीज हौरी ला याकुब ला दैन्नौ प्रतिज्ञा कौरी। तै याकुब ऐ हौतिन ला उतुरी खाऊ दैऊन्दौ।

इसहाक एसाव ला आशिरवाद दैन्नौ चाएन थयौ। पौर हौतिन रौ हौयौ कौरनौ का पहले, रिबका सी याकुब ऐ याकुब ला एसाव फिरनौ रौ ढोंग कौरी हौतिन सी धोखा कौरी। इसहाक बूढौ थयौ आई ए आखिए नैदैखैन थयौ। हौतिर रौ तैईए याकुब ऐ एसाव रौ गाच्छौ लावी आई बाकरी रौ खाल्चु ला आपरौ क्यारौ सी हात हौरकै बाटल्याउन्दौ।

याकुब इसहाक गाच्छै आछुन्दौ आई बौलुन्दौ, “हांऊ एसाव सु। हांऊ तैरौ आशिरवाद रौ तैईए आच्छी सु।” जैतरै इसहाक ऐ बाकरी रौ बाल हौरला छुंगौ आई गाच्छौ ला शिंग्यौ, तै हौतिनै जानौ कि हौई एसाव स आई हौतिन ला आशिरवाद दैऊन्दौ।

एसाव याकुब का रोश्युन्दौ क्यु बौलता याकुब ऐ हौतिन रौ जैठौ छैल्डु रौ आकत्यार आई साथे हौतिन रौ आशिरवाद ला बी चुरायाऊन्दौ। तै हौतिनै आपौर रौ बा मौरी पिछु याकुब ला मारनौ यौजना जुरयाई।

पौर रिबका ऐ एसाव रौ योजना ला शुनुन्दौ। तै हौतिर रौ तैईए रिबका सी इसहाक ऐ याकुब ला आपोर रौ पैरैजोरै सी साथ थाकमै ला दूर भैजुन्दौ।

याकुब बादौ बौरौश सेग रिबका रौ पैरैजोरै सी थाकुन्दौ। हौतादु काल हौतिनै शादी कौरुन्दौ आई बारा छैल्डु पैरै सी ऐक दिं ला पैदा कौरून्दौ। परमात्मा ऐ हौतिन ला वाल साहुकार जुरयाऊन्दौ।

बिश बौरौश सेग कनान आपरौ गौरै का दूर थाकी पिछु, याकुब आपरौ पैरै , आपरौ नुकुर हौरी, आई आपरौ पौशु हौररौ सैब झुंड सी वापिस आच्छुन्दौ।

एसाव आई बी माना मारी भैजैस हौई बातै गाश याकुब बादौ डौरी थयौ। हौतिर रौ तैईए हौतिनै पौशु हौररौ झुन्ड ला उपहार रौ रु कै एसाव गाच्छै भैजुन्दौ। जून नूकूर हौरी हौसौ झुन्ड ला गिनुई नाशी थै हौतैनौरिऐ बौलौ, “तैरौ दास याकुब, हौई पौशु हौर ला ताऊंला दैनस। हौसौ हासाल ऐ आछैनस।”

पौर एसाव ऐ याकुब ला मारनौ नाचाएन थयौ। हौररौ बजाए, हौसो हौतिन ला ऐक बैरै फिरी शाई बादौ खुश थयौ। हौतिज पिछु याकुब शान्ति ऐ कनान थाकुन्दौ। तै इसहाक मौरुन्दौ आई याकुब सी एसाव ऐ हौतिन ला दफनायाऊन्दौ। समझौता रौ वायदा हौरी जून परमात्मा ऐ अब्राहम सी कौरी थयौ हौसौ ऐ इसहाक का याकुब गाश आच्छी थयौ।