13. इस्राएल लोओ: परमेश्वरअ: करार
इस्राएली होड़ो कोके लाल समुदर ते परोम इदि केद रअ: तयोमते परमेश्वर इनकु के सुनसान ठयाद ते होई केते सीनै कजियो तन पर्वत पअ: इदि केद कोअ। नेयअ: एन पर्वत गी ताइ केना जे तअ: रे मूसा जुलो ताइन मियद झुण्ड के नेल लअ:। एन होड़ो को एन पर्वत रअ: लतार रे तंबु कोको बाइ केदा।
परमेश्वर मूसा के ओड़ो: इस्राएल देश रेन सोबेन होड़ो कोके कजियद कोअ:, “अगर अपे पक्का अञङअ: हुकुम कोके पे मानातिङगा ओड़ो: अञङअ: करार रअ: मोताबिक पे सेसेना दो सोबेन होड़ो कोएते अपे गी अञङअ: निज धन पे ठहरावगअ: ओड़ो: अपे अञङअ: नजइर रे पुरोहित कोअ: राइज ओड़ो: मियद पवित्र जाति पे ठहरावगअ:।”
तीन दिन जकेद होड़ो को खुद रेको तेयार जना चि परमेश्वर इनकु तअ: हिजु कअ:। एनेद परमेश्वर सीनै पर्वत रअ: चुन्दलु रे लतार अड़गु जनाए। जब इनि: हिजु लेना दो ओते हिलाव जना, बिजली को चमकाव जना, सुकुल ओडोङ जना ओड़ो: तुरही को रअ: जोर ते आवाज अयुम जना।एनेद मूसा आए गी चेतन पर्वत रे रकब जना।
एनेद परमेश्वर होड़ो कोलोओ मियद करार थोल केदा। इनि:कजि केदा, “अञङ अपेया परमेश्वर यहोवा तनिङ। अञङ गी तनिङ जे अपे के मिस्र देश रअ: बंधुवाई ते छोड़ाव केद पेअ:। जाए एटअ: देवता कोअ: अलपे आराधना यअ:।”
मूर्ति को अलपे बाइया ओड़ो: इनकुअ: अलपे आराधना यअ: चियाची अञङ यहोवा अपेया मियद हेरेङ परमेश्वर तनिङ। गलत तरीका ते अञङअ: नुतुम के उपयोग रे अलपे इदिया। आराम रअ: दिन के पवित्र दोहो लाइ पहाम मेपे। एटअ: शब्द रे, छाव दिन रे अपेअ: सोबेना कामी को कमि पे, सातवाँ दिन अपेअ: लाइ आराम ओड़ो: अञङ के पहाम रअ: दिन तनअ:।
“अपेअ: एंगा ओड़ो: अपु कोके माइन कोपे। अलपे गोगोजा। अलपे ब्यभिचारेया। अलपे चोरावयअ, अपेअ: अगल-बगल रेनीअ: घरनी, इनिअ: ओड़ा ओड़ो: इनिअ: जान जिनिस केओ इदि लाइ अलपे सनाङअ:।”
सोबेन होड़ो को एन नियम कोके मानातिङ लाइ को राजी जना, जे परमेश्वर इनकु के ओम लेद कोअ:। इनकु सिरिफ परमेशवर गअ: होड़ो होबाव लाइ ओड़ो इनिअ: भइर आराधना लाइ को राजी जना दो।
परमेश्वर इस्राएली होड़ो कोके मियद इसु मरंग तंबू-मिलाप वाला तंबू बबाइ लाइ कजियद कोअ:। इनि: इनकु मिलाप के बेस-बेस उदुबद कोअ: चि ने तम्बू के चिलका बबाइ मेनअ: ओड़ो: एना रअ: बितर रे चिलकन-चिलकन जिनिस को दोहो मेनअ:। इनि: इनकु के एन तम्बू के बरिया कोठरी रे हटिङ लाइ मियद इसु मरंग परदा के बबाइ लाइयो कजियद कोअ:। परमेश्वर एन परदा रअ: दोया पअ: रअ: कोठरी रे हिजुगए ओड़ो: एनता रे ताइयोगअ। जे तअ: रे परमेश्वर ताइकेना। एन कोठरी रे सेन लाइ मरंग पुरोहित के भइर इजाजत ताइकेना।
एन होड़ो कोके एन मिलाप वाला तंबू रअ: अयार रे मियद बेदी बाइ होबावगअ:। जाए जेताय जे परमेश्वरअ: व्यवस्था के काए मनातिङअ: इनि: एन बेदी रे मियद जानवर के आउ केते हिजु काए। एनेद पुरोहित इनि: के दाड़े रकाबिअ: ओड़ो: बेदी रे परमेश्वर लाइ दाड़े रअ: नुतुम ते ओंडोरिअ:। परमेश्वर कजि केदा चि एन जानवर गअ: मयोम एन होड़ोअ: पाप कोके दलोब केअ:। ने लेका ते, परमेश्वर नअ: दो एन पाप के काए नेलेअ:। एन होड़ो परमेश्वरअ: नजइर रे शुद्ध ठहराव केनोगए। परमेश्वर मूसा गअ: हगा हारून के ओड़ो: हारून गअ: वंश कोके अयअ: पुरोहित बाइयो लाइ चुनाव केद कोअ:।
एनेद परमेश्वर ने दस हुकुम कोके दीरी रअ: बरिया पट्टी रे ओल केअते मूसा के ओमा जाए। परमेश्वर मनातिङ लाइ होड़ो कोके हडो एटअ: तेअ: ढेइर गी व्यवस्था(नियम) कोए ओमाद कोअ:। परमेश्वर वायदा केदा चि अगर इनकु ने नियम कोके को मनातिङ रेदो परमेश्वर इनकु के आशीष ओमा कोअ:ए ओड़ो: इनकु के सुरक्षा ओमा कोअ:ए। मगर इनि: कजि केदा चि अगर हुकुम कोके काको मनातिङ रेदो इनि: इनकु के सजा ओमा कोअ:।
ढेइर दिन जकेद मूसा सीनै पर्वत रअ: चुंदलू रिगी ताइ जना। इनि: परमेश्वर लोओ: जगर तन ताइ केना। मगर होड़ो को इनिअ: हिजु रुवाड़ रअ: आसरा नेला-नेला को लगा जना। एनामेनते इनकु हारून तअ: सोना आउ केअते को हिजु लेना ओड़ो: एनाए ते मियद मूर्ति बाइ लाइ को कजियजअ: चि इनकु परमेश्वरअ: बदली रे एन मूर्ति गअ: को आराधना दड़ि का। ने लेका ते इनकु भयंकर रीति ते परमेश्वरअ: बिरोध रेको पाप केदा।
हारून बछड़ा रअ: रूप रे सोना रअ: मियद मूर्ति बाइ केदा। एन होड़ो को एन मूर्तियअ: आराधना को एटेज केदा ओड़ो: इनि: लाइ दाड़े को रकब केदा। इनकुअ: पाप रअ: चलते परमेश्वर इसु खींस जना। इनि: इनकु के नाश रअ: सनङ जना। मगर मूसा इनकु के का गोगोज रअ: परमेश्वर ते अरजी केदा। परमेश्वर इनिअ: अरजी के अयुम केदा ओड़ो: इनकु के काए नाश केद कोअ:।
अखीर रे मूसा सीनै पर्वत ते लतार अड़गु जनाए। इनि: एन बरिया दिरी रअ: पट्टी के सब कद ताइनअ:, जे तेअ: रे परमेश्वर दस हुकुम को ओला कद ताइनअ:। जब इनि: एन मूर्ति के नेल केदा दो इनि: इमिन खींस जना चि एन बरन पट्टी के चकनाचूर तदाए।
एनेद मूसा एन मूर्ति के ओंडोर तदा ओड़ो: एना के रीद केअते एना रअ: बुकनी बाइ केदा, ओड़ो: एन बुकनी के दाअ: रे मिलाव केअते एन दाअ: के होड़ो कोके आ:नु केद कोअ:। परमेश्वर एन होड़ो कोअ: रे मियद बिपइत के कुल केदा ओड़ो: इनकु मे से ढेइर होड़ो को गोए जना।
जे बरिया पट्टी के मूसा रपुद लअ: एना रअ: जगह इदि लाइ मूसा एन दस हुकुम कोके दीरि रअ: नावा पट्टी रे बाइ केदा। एनेद हडो गी पर्वत रे रकब जना ओड़ो: बिनती केदा चि परमेश्वर एन होड़ो कोके क्षेमा तको काए। परमेश्वर मूसा गअ: बिनती के अयुम केदा ओड़ो: इनकु के क्षेमा तद कोअ:। नावा पट्टी रे दस हुकुम कोके इदि केद मूसा पर्वत ते लतार अड़गु जनाए। एनेद परमेश्वर सीनै पर्वत ते इदि केद करार रअ: देश जकेद इस्राएली होड़ो कोअ: अगुवाई केदा।
निर्गमन अध्याय 19-34 ते इदियकन बाइबल रअ: मियद कहनी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।