12. निर्गमन

इस्राएली होड़ो को मिस्र देश ते ओडोङ जन ची इसु पुरअ: रासिका को ताइकेना। इनकु नअ: दो दासी कको ताइकेना, ओड़ो: इनकु करार रअ: देश को सेनो: ताइना। जे कुछ गी इस्राएली होड़ो को असी केदा, मिस्री होड़ो को इनकु के सोबेना को ओमाद कोअ:। नेयअ: जकेद चि सोना, चाँदी ओड़ो: हडो गी इसु गोनोङ जिनिस कोके को ओमाद कोअ:। एटा: देश रेन हुडिङ लेका होड़ो कोयो परमेश्वरअ: चेतन रेको बिसवास केदा। जब इस्राएली होड़ो को मिस्र देश ते ओडोंङ जना को दो इनकुओ इनकु लोओ मेसा जना को।

सिंगी इमतंग रिमिल रअ: मियद मरंग खम्भा इनकुअ: अयार-अयार ते सेसेन जना। ओड़ो: नुबा: इमतंग नेयअ: सेंगेल रअ: खम्भा बाइ जना। परमेश्वर जे कि एन रिमिल रअ: खम्भा रे ओड़ो: सेंगेल रअ: खम्भा रे ताइकेना, सोबेन इमतंग इनकु लोओ ताइकेना, ओड़ो: सेसेन इमतंगओ इनकुअ: अगुवाई केदा। इनकु के नेयअ: भइर रिका ताइकेना चि इनकु अयअ: दोया-दोया को सेनेका।

हुडिङ दिन रअ: तयोमते, फिरौन ओड़ो: इनिअ: होड़ो को अकोअ: मोन को बदली केदा। इनकु इस्राएली होड़ो कोके हडो गी अकोअ: दासी बबाइ को सनङ ताइना। एनामेनते इनकु इस्राएली होड़ो कोअ: पीछा केदा को। इनकुअ: मोन बदली नी परमेश्वर गी ताइकेना, इनि: नेका नेयअ: लाइ रिका केदा, चियाची इनि: सनङ ताइना चि सोबेन होड़ो को नेयअ: को सारी का चि फिरौन ओड़ो: मिस्री होड़ो कोअ: सोबेन देवता कोएते इनि:, यहोवा थिम्बा पेड़ेजन मेनाइया।

जब इस्राएली होड़ो को मिस्र देश रेन सेना कोके हिजु तन को नेल केद कोअ: दो इनकु सारी जना को चि इनकु फिरौनअ: सेना ओड़ो: लाल समुदर रअ: थला रेको पसे जना। इनकु इसु बोरो जना को ओड़ो: ररआ: को एटेज केदा, “अबु मिस्र देश के चिना लाइबु बगी केदा? अबु गोजो वाला मेनाबुअ:!”

मूसा इस्राएली होड़ो कोके कजियद कोअ:, “बोरो को होकाए पे! परमेश्वर इसिङ अपे लाइ लड़ाईयाए ओड़ो: अपे के बचाव पेअ:।” एनेद परमेश्वर मूसा के कजियजा:, “ने होड़ो कोके लाल समुदर पअ अयार ते बढ़ान लाइ कजियकोम।”

एनेद रिमिल रअ: खम्भा इस्राएली होड़ो कोअ: ओड़ो: मिस्री होड़ो कोअ: थला रे हिजु जना। नेयअ: मेनते चि मिस्र देश रेन होड़ो को पूरा निदा इस्राएली होड़ो तअ: कको हिजु दड़ि जना।

परमेश्वर मूसा के समुदर पअ: ती जिलिङ लाइ कजियजअ:। एनेद परमेश्वर होयो ते समुदर रअ: दाअ: के लेंगा पअ: ओड़ो: जोम पअ: गेना केदाए, एनेद समुदर रअ: थला रे मियद होरा बाइ जना।

इस्राएली होड़ो को अकोअ: बरन पअ: दाअ: रअ: भीत लोओ: रोहोड़ ओते रे समुदर रे अयार तेको सेनो: जना।

एनेद परमेश्वर एन होराएते रिमिल ओड़ो: सेंगेल रअ: खम्भा के उठाव केदा। एनेद मिस्री होड़ो को इस्राएली होड़ो कोके बचाव केअते सेनो: तन को नेल केद कोअ:। मिस्री होड़ो को इनकु के ससाब लाइ हडो गी इनकुअ: पीछा को एटेज केदा।

इनकु समुदर रअ: होरा रे इस्राएली कोअ: को पीछा केदा, मेनदो परमेश्वर मिस्री होड़ो कोके घबराव तद कोअ: ओड़ो: इनकुअ: रथ कोके अटकाव तदा। इनकु जोर तेको गुल केदा, “नीर पे!” इस्राएली होड़ो कोअ: पअ: ते परमेश्वर लड़ाई तना।”

सोबेन इस्राएली होड़ो को समुदर रअ: गेना पअ: को तेबअ: जना, एनेद परमेश्वर मूसा के कजियजअ: चि हडो मिसा दाअ: पअ: ती के जिलिएम। जब मूसा नेका केदा दो दाअ: मिस्री देश रेन सेना कोअ: रे हिजु लेना ओड़ो: सिदा चिलका ताइकेना एनका गी बाइ जना। सोबेन मिस्री सेना सेना को डुबुज गोए जना को।

जब इस्राएली होड़ो को नेल केदा को चि मिस्री होड़ो को गोए जना दो इनकु परमेश्वरअ: रेको बिसवास केदा। ओड़ो: इनकु बिसवास केदा को चि मूसा परमेश्वर पअ: ते भविष्यवक्ता ताइकेना।

इस्राएली होड़ो को नेयअ: मेनतेओ रासिका को ताइकेना ची परमेश्वर इनकु के गोजोएते ओड़ो: दासी बाइएते बचाव लेद कोअ। नअ: दो इनकु परमेश्वरअ: आराधना ओड़ो: इनिअ: हुकुम मनातिङ लाइ आजाद को ताइकेना। इस्राएली होड़ो को अकोअ: आजादी रअ: रासिका मनाव लाइ ओड़ो: परमेश्वरअ: महिमा लाइ चिमिन गी दुरङ कोको दुरङ केदा चियाची परमेश्वर इनकु के मिस्र देश रेन सेना कोएते बचाव लेद कोअ:।

परमेश्वर इस्राएली होड़ो कोके हर साल मियद परब मनाव लाइ हुकुम ओमाद कोअ:। नेयअ: याद दिलाव लाइ चि चिलका परमेश्वर मिस्री होड़ो कोके हराव लेद कोअ: ओड़ो इनकु के दासी बाइयो: ते आजाद लेद कोअ:। नेयअ: फसह परब कजि जना। नेयअ: रे इनकु के ने परब रअ: रासिका मनाव लाइ मियद बुगिन मिण्डी के दड़े ओम ताइकेना, इनि के इसीन ताइकेना, ओड़ो: एना के बेगर खमीर वाला होलोङ लोओ: जोजोम ताइकेना।