11. फसह

परमेश्वर मूसा ओड़ो: हारून के नेयअ: कजि लाइ फिरौन तअ: कुल केद किनअ: चि इस्राएली होड़ो कोके सेनो: इका कोचाए। इनकिन इनि: के चेतावनी किन ओमा जा चि इनकु के काए सेनो: इका कोरे दो परमेश्वर मिस्र देश रेन होड़ो कोअ: ओड़ो: जानवर कोअ: जेठा होन कोके गोए कोअ:। फिरौन नेयअ: अयुम केद रेओ परमेश्वरअ: रे काए बिसवास केदा ओड़ो: इनिअ: कजि के काए मनातिङ जना।

परमेश्वर अयअ: चेतन रे चिमनङ गी बिसवास दोहोय वाला कोअ: जेठा होन कोके बचाव लाइ ते मियद उपाय उपाय ओमद कोअ:। सोबेन परिवार कोके मियद निष्कलंक मिण्डी होन के इदि केअते गोगोए ताइकेना।

परमेश्वर इस्राएली होड़ो कोके एन मेरोम होन गअ: मयोम इदि केते अकोअ: ओड़ा रअ: दुवार रे लगाव लाइ कजियद कोअ:। इनकु के एन मास के अंगोरा रे इसीन ताइकेना ओड़ो: एना के बेगर खमीर वाला होलोङ लोओ: सेकड़ा गी जोजोम ताइकेना। एना के जोम रअ: तयोमते इनि: इनकु के रोका गी मिस्र देश के बगी लाइ तेयार केनोपे मेताद कोअ:।

चिलका रिका लाइ परमेश्वर इस्राएली होड़ो कोके हुकुमाए ओम लेद कोअ:। इनकु एनका गी सोबेना को रिका केदा। थला निदा रे परमेश्वर हर मियद मरंग होन कोड़ा के गोए इदि केद कोअ: ओड़ो ने बेरा रे इनि: मिस्र देश रअ: थला ते गुजराव जना।

इस्राएली होड़ो कोअ: सोबेन ओड़ा रअ: दुवार रे मयोम लगाव कन ताइकेना, एनामेनते परमेश्वर इनकुअ: ओड़ा के बागे तदा। एन ओड़ा रेन सोबेन होड़ो को बचाव जना। इनकु मिण्डी होन गअ: मयोम रअ: चलते को बचाव जना।

मेनदो मिस्र देश रेन होड़ो को परमेश्वरअ: चेतन रे कको बिसवास लअ: ओड़ो: इनिअ: हुकुम के कको मनातिङ लअ:। एनामेनते परमेश्वर इनकुअ: ओड़ा कोके काए बगी केदा। परमेश्वर मिस्री होड़ो कोअ: सोबेन मरंग होन कोड़ा कोके गोए तद कोअ:।

जेल ओड़ा रेन बंदीकन कोअ: मरंग होन कोड़ाए ते इदि केअते फिरौन गअ: मरंग होन कोड़ा जकेद सोबेन मरंग होन कोड़ा को गोए जना। अकोअ: गहरा दुकु रअ: चलते मिस्र देश रेन ढेइर होड़ो को रआ: गेरंग ताइनको।

एन अयुब गी फिरौन मूसा ओड़ो: हारून के केड़ा केद किना ओड़ो: कजियद किना, “इस्राएली होड़ो कोके इदि केअते सेकड़ा गी मिस्र देश ते ओडोङ केनो बेन।” मिस्र देश रेन होड़ो कोयो इस्राएली होड़ो कोके सेकड़ा गी ओडोङ लाइ को अरजी केद कोअ:।