10. दस बिपत्ति को

परमेश्वर मूसा ओड़ो: हारून के चेतावनी ओमाद किना चि फिरौन गअ: मोन गेटेज केनोगा। जब इनकिन फिरौन तअ: किन सेन जना दो इनकिन कजिकेदा, “इस्राएल गअ: परमेश्वर नेकाए कजिया, ‘अञङअ: होड़ो कोके सेनो: इका कोमे!’” मगर फिरौन इनकिना कजि काए अयुम केदा ओड़ो: इस्राएली होड़ो कोके सेनो: इका लाइ आजाद तको रअ: बजाए इनि: इनकु के कठिन मेहनाइत इका लाइ मजबूर केद कोअ:।

फिरौन एन होड़ो कोके सेनो: इका लाइ लगातार मना कते को ताइनाए, एनामेनते परमेश्वर मिस्र देश रे दस भयानक बिपत्ति कोके कुल केदा। ने बिपत्ति कोएते परमेश्वर फिरौन के देखावजा चि इनि: फिरौन ओड़ो: मिस्र देश रेन देवता कोएते इसु पुरअ: पेड़ेजनाए।

परमेश्वर नील नाई के मयोम रे बदली केदा, मगर फिरौन नअव गी इस्राएल होड़ो कोके काए सेनो: इका केद कोअ:।

परमेश्वर गोटा मिस्र देश रे चोके कोए कुल केद कोअ:। फिरौन चोके कोके छबा इका लाइ मूसा के आरजी किजअ:। मगर सोबेन चोके को कोए जन रअ: तयोमते, फिरौन अयअ: मोन के केटेज केदा ओड़ो:इस्राएली होड़ो कोके मिस्र देश बगी केअते काए ओडोङ इका केद कोअ:।

एनेद परमेश्वर रोको कोअ: बिपत्ति के कुल केदा। एना रअ: तयोमते लेले कोअ: बिपत्ति कुल केदा। फिरौन मूसा ओड़ो: हारून के केड़ा केद किना ओड़ो: इनकिन के कजियद किना चि अगर इनकिन एन दुकु के रोकाव केरे दो इस्राएली होड़ो को मिस्र देश के बगी केते सेन दड़ियको। जब मूसा बिनती केदाए दो परमेश्वर मिस्र देश ते लेले कोके हटाव केद कोअ:। मगर फिरौन अयअ: मोन के केटेज केदा ओड़ो: इनकु के काए आजाद केद कोअ: आद् काए सेन इका केद कोअ:।

नेयअ: रअ: तयोमते मिस्र देश रेन सोबेन असुल जानवर कोके उरयु केअते गोए इका केद कोअ:। एन रेओ फिरौन गअ: मोन केटेज गी ताइ जना ओड़ो: इनि: इस्राएली होड़ो कोके काए सेनो: इका केद कोअ:।

एनेद परमेश्वर मूसा के फिरौन गअ: अयार रे होयो रे तोरेअ हुरङ कजियजअ:। जब इनि: नेका केदाए दो मिस्र देश रेन होड़ो कोअ: उहुर रे इसु हसु तेअ: मपरंग फुंसी ओडोङ जना, मगर इस्राएली होड़ो को जेताव कको जेता जना। परमेश्वर हडो गी फिरौन गअ: मोन के केटेज केदा ओड़ो:इस्राएली होड़ो कोके आजाद केअते काए सेनो: इका केद कोअ:।

नेयअ: रअ: तयोमते परमेश्वर आरील उयु केदा ओड़ो: मिस्र देश रअ: फसल के थिम्बाते बरबाद केदा। ओड़ो: जाए जेताय होड़ो को जे बहार को ओडोङ जना इनकु के गोए केद कोअ:।फिरौन मूसा ओड़ो: हारून के केड़ा केद किना ओड़ो: इनि: कजियद किना, “अञङ पाप कदाञङ। अपे सेनो: दड़िया पे।” एनेद मूसा बिनती केदा ओड़ो: सिरमा ते आरील उयु होका जना।

मेनदो फिरौन हडो पाप केदा आद् अयअ: मोन के केटेज केदा। इनि: इस्राएली होड़ो कोके आजाद केअते काए सेनो: इका केद कोअ:।

एनाते परमेश्वर मिस्र देश रे फेनगा कोअ: झुण्ड कोए हिजु इका केद कोअ: एन फेनगा को सोबेन अन्न केको जोम केदा, जे आरीलेते बचाव लेना।

एनेद हडो परमेश्वर नुबा: तदाए, जे तीन दिन जकेद ताइकेना। नेयअ: निमिन नुबा: ताइकेना चि मिस्र देश रेन होड़ो को अकोअ: ओड़ाए ते कको ओडोङ दड़ि जना। मगर जे तअ: रे इस्राएली होड़ो को ताइकेना एनता मरसल गी ताइकेना।

ने नौ बिपत्ति को रअ: तयोमतेओ, फिरौन इस्राएली होड़ो कोके काए आजाद केद कोअ: आद् सेनो: इका लाइ मना तद कोअ:। चियाची फिरौन काए अयुम केदा। एनामेनते परमेश्वर मियद अखरी बिपत्ति के कुल रअ: योजना बाइ केदा। ने योजना ते फिरौन गअ: मोन बदलियोअ रअ: ताइकेना।