18. हटिङ कन राज्य

दाऊद राजा चालीस साल जकेद इस्राइल रे राइज केदाए। एनेद इनि: गोए जना, ओड़ो: इनिअ: होन सुलेमान इस्राएल रे राइज एटे केदा। परमेश्वर सुलेमान लोओ: बकड़ केदा ओड़ो: इनि: के कुली किजअ: चि अम सोबेनअ: ते थिम्बा चिनअ: सनङ तनाम चि परमेश्वर एना लाइ रिकायाए। सुलेमान परमेश्वर के अस्सी किजअ: चि परमेश्वर अञङ के इसु बुद्धिमान बाइ ताइङ कअ:। ने बकड़ ते परमेश्वर रसिका जना, एनामेनते परमेश्वर सुलेमान के दिसुम रेन सोबेन कोएते बुद्धिमान कोड़ा बाइ किजाए। सुलेमान इसु बकड़ को सिखाव जना ओड़ो: इनि: मियद बुद्धिमान राजा ताइ केना। परमेश्वर इनि: के इसु किसाड़ो बाइ लिजाए।

यरूशलेम रे सुलेमान एन मन्दिर के बाइ केदा, जे अयअ: अपु ते बबाइ लाइ योजना बाइ लअ:। नअ: दो होड़ो को मिलाप वाला तंबू रअ: बदला मन्दिर रे परमेश्वरअ: आराधना ताइनको ओड़ो: इनि: लाइ दाड़े को रकब ताइना। परमेश्वर हिजु केते मंदिर रे ताइयो तन ताइनाए, ओड़ो: एनता रे इनि: अयअ: होड़ो कोलोओ ताइयो तन ताइनाए।

मेनदो सुलेमान एटा देश रेन कुड़ी कोके मजूर केद कोअ:। इनि: इसु थिम्बा, लगभग 1,000 कुड़ी कोलो बाला केते परमेश्वरअ: हुकुम काए मनातिङ जना। निकु में से ढेइर कुड़ी को एटा देशेते को हिजु लेना ओड़ो: अकोअ: लोओ: अकोअ: देवता कोकेयो को आउ केद कोअ: ओड़ो: इनकुअ: आराधना ताइनको। जब सुलेमान हड़ाम जनाए दो इनियो इनकुअ: देवता कोअ: आराधना ताइनाए।

नेयअ: रअ: चलते परमेश्वर सुलेमान लोओते खीस जना। परमेश्वर कजि केदा चि इस्राएल देश के बरिया राइज रे हटिङ गेंया एना गी इनि: के सजा ओमायाए। इनि: सुलेमान गोए केनो ते नेका रिकायाए।

सुलेमान गोए जन रअ: तयोमते रहबाम राजा बाइ जना। इस्राएल देश रेन सोबेन होड़ो को इनि: के राजा रअ: रूप रे मनातिङ लाइ मिद तअ: रेको हुंडी जना। इनकु रहबाम तअ: रे शिकाएत केदा को चि सुलेमान इनकुए ते इसु कठिन कामी इका लेद कोअ: ओड़ो: इसु माल गुजारी को अस्सी लेद कोअ:। इनकु रहबाम केको अरजी किजअ: चि इनकुए ते हुडिङ गी कामी रिका को काए।

मेनदो रहबाम इनकु के बुद्धू लेका कजि रुवाड़ केद कोअ:, “अपे कजि तना पे चि अञङअ: आबा सुलेमान अपेके कठिन कामी इका केद पेअ:। मेनदो अञङ एनाए तेओ कठिन कामी इका पेअञ, ओड़ो: अञङ एनाए तेओ थिम्बा दुकु सहतिङ इका पेञङ।”

जब होड़ो को इनि: के नेका कजि तन को अयुम किजअ: दो ढेइर को इनिअ: बिरोध रेको सेनो जना। दस किली को इनि: केको बागी तजाअ:, इनि: लोओ नअ: बरिया किली भइर किन बचाव जना। ने बरिया किली किन अकिन के यहूदाअ: राज्य किन कजि केदा।

एटा दस किली को यारोबाम नुतुम मियद कोड़ा के अकोअ: राजा को बाइ किजअ:। ने किली को देश रे उत्तर-पूरब हिस्सा रेको ताइन केना। इनकु अकोय तेगी खुद के इस्राएलअ: राज्य को कजि केदा।

मेनदो यारोबाम परमेश्वरअ: बिरोध रे सेन लेनाए ओड़ो: होड़ो कोकेयो पाप इका केद कोअ:। इनि: अयअ: होड़ो को लाइ आराधना मेनते बरिया मूर्ति किनाए बाइ केद किना। इनकु नअ: दो यहूदा राज्य रे यरूशलेम नगर परमेश्वरअ: मंदिर रे परमेश्वरअ: आराधना लाइ कको सेन जना।

यहूदा ओड़ो: इस्राएल राज्य रेन होड़ो को नी इनिया दुश्मन को बाइजना ओड़ो: घरी-घरी अको-अको रेको लड़ाई ताइना।

इस्राएल रअ: नवा राज्य रे सोबेन राजा को एटकन को ताइन केना। एन में से ढेइर राजा को इनकुअ: ठयाद रे राजा बाइयेन को सनङ ताइन रअ: चलते एटअ: इस्राएली होड़ो को इनकु के गोए लेद कोअ:को।

इस्राएल राज्य रेन सोबेन राजा को ओड़ो: ढेइर होड़ो को मूर्ति कोअ: आराधना ताइनको। जब इनकु नेका केदा को दो, इनकु घरी-घरी वेश्या कोलो को गिति जना ओड़ो: एनता जकेद चि ढेइर बेर मूर्ति कोअ: अयार रे होन कोके को दाड़े रकब केद कोअ:।

यहूदा राज्य रेन राजा दाऊदअ: वंशज ताइकेना को। ने राजा को में से रे ढेइर को बेस को ताइकेना, इनकु न्यायपूर्वक को राइज केदा ओड़ो: परमेश्वरअ: को उपासना केदा। मगर यहूदा रेन थिम्बा राजा को एटकन को ताइन केना। इनकु एटकन रीति ते को शासन केदा ओड़ो: मूर्ति कोअ: को आराधना केदा। एनता जकेद चि इनकु में से हुडिङ राजा को झूठा देवता कोअ: अयार रे अकोअ: होन कोके दाड़े को रकब केद कोअ:। यहूदा रेन ढेइर होड़ो कोयो परमेश्वरअ: बिरोध रेको सेनो जना ओड़ो: एटा देवता कोअ: को आराधना केदा।