19. भविष्यवक्ता

परमेश्वर जनाव गी इस्राएली होड़ो को तअ: भविष्यवक्ता कोके कुल को ताइना। भविष्यवक्ता को परमेश्वरअ: संदेश को अयुम ताइना ओड़ो: एन संदेश के होड़ो कोके को उदुबको ताइना।

जब अहाब इस्राएल राज्य रेन राजा ताइकेना दो इमतङ एलिय्याह भविष्यवक्ता ताइकेना। अहाब बुगिन होड़ो काए ताइकेना। इनि: झूठा देवता कोअ: आराधना लाइ होड़ो कोके मजबूर को ताइना। एनामेनते एलिय्याह अहाब के कजियजा चि परमेश्वर एन होड़ो कोके सजा ओम नङ मेनाइया। एलिय्याह अहाब के कजियजा, “जब तक अञङ हडो दाअ: गामा लाइ कञङ कजियजअ इमतंङ जकेद इस्राएल राज्य रे दाअ: काए गामाया ओड़ो: शिशिर दाअ:यो का उयुगोगअ:।” ने कजि ते अहाब इमीन खींस जना चि इनि: एलिय्याह के गोगोज लाइ बिचार केदा।

एनामेनते परमेश्वर एलिय्याह के कजियजअ चि बुरु रे सेन केअते अहाबेते उकु केनोम। एलिय्याह बुरु रे एन पझरा तअ: सेनो: जना जे तअ: परमेश्वर इनि: के उदुब लिजअ:। रोज दिन सेतअ: ओड़ो: अयूब ओड़े एलिय्याह लाइ होलोङ ओड़ो: मांस अवाई ताइनाए, ने पूरा समय अहाब ओड़ो: इनिअ: पलटन को एलिय्याह के संगारी ताइनको। मगर इनकु एलिय्याह के कको संगर दड़ि किजअ:।

दाअ: कअ गामा रअ: चलते एन पझरा रोहोड़ जना। एनामेनते एलिय्याह नड़े रअ: मियद देश ते सेनो: जना। एन देश रे मियद गरीब रंडी( विधवा) किन ताइकेना, इनकिनअ: मियद कोड़ा होन ताइकेना। इनकिन तअ: रे जोम को छबा कन ताइकेना चियाची एन तअ: रे अन्न को कअ होबा लेना। मगर एन रेओ एन विधवा किन एलिय्याह केकिन सेवा किजअ:, एनामेनते परमेश्वर एलिय्याह ओड़ो: इनकिनअ: जरूरत तेअ: को पूरा केदा, नेयअ: रअ: चलते आटा रअ: बर्तन ओड़ो: सुनुम रअ: कुप्पी का खाली जना। एन पूरा अकाल रअ: समय रे इनकु तअ: रे जोमेअ: को ताइकेना। एलिय्याह कटी साल जकेद एनता रेगी ताइ जना।

साढ़े तीन साल रअ: तयोमते परमेश्वर एलिय्याह के कजियजअ चि इनि: हडो दाअ: गामाया। परमेश्वर एलिय्याह के इस्राएल राज्य रे सेन रुवाड़ केअते अहाब लोओ: बकड़ लाइ कजियजअ। एनामेनते एलिय्याह अहाब तअ; सेनो: जना। जब अहाब इनि: के नेल किजअ: दो इनि: कजि केदा, “अच्छा अम तनमें, मुसीबत पोसा नी।” एलिय्याह कजि रुवाड़ केदा, “मुसीबत पोसा नी दो अम तनमे, अम यहोवा के बगि तजाम। इनि: गी सच्चा परमेश्वर तनी, मगर अम बाल देवता गअ: आराधना तनाम। नअ: दो अमके इस्राएल राज्य रेन सोबेन होड़ो कोके कर्मेल पर्वत रे आउ केअते हिजु होबावअ।”

एनेद सोबेन होड़ो को कर्मेल पर्वत को सेनो: जना। एन कोड़ा कोयो को हिजु लेना जे को कजि ताइना चि इनकु बाल देवता गअ: संदेश कोके को कजियअ:। निकु बाल देवता गअ: भविष्यवक्ता को ताइकेना। निकु सोबेन 450 झन को ताइकेना। एलिय्याह होड़ो कोके कजियद कोअ:, “चिमतङ जकेद अपे अपेअ: मोन पे बदली यअ:? अगर यहोवा परमेश्वर तनी रेदो इनिअ: आराधनाए पे ओड़ो: अगर बाल देवता परमेश्वर तनी रेदो इनिअ: उपासनाए पे!”

एनेद एलिय्याह बाल देवता गअ: भविष्यवक्ता कोके कजियद कोअ:, “मियद उरि के गोजिपे ओड़ो: इनिअ: खंडव माँस कोके दाड़े रकाबो का मेनते मियद बेदी रे दोहोए पे, मगर सेंगेल अलपे जुलेया। एना रअ: तयोमते अञङ ओ एनका गी रिका यञङ, ओड़ो: मियद एटा बेदी रे अञङ एन मांस के दोहोयञङ। अगर परमेश्वर बेदी रे सेंगेल उयुगे रेदो अपे सरी केनोवापे चि इनि: सच्चा परमेश्वर तनी।” एनेद बाल देवता के भविष्यवक्ता कोयो मियद बलि को तेयार केदा मगर सेंगेल कको जुल केदा।

एनेद बाल देवता गअ: भविष्यवक्ता को इनिजे तेको बिनती केदा, “हे बाल देवता अलेया अयुमेम!”गोटा सिंगी इनकु बिनती केदा को ओड़ो: गुल केदा को ओड़ो: नेतअ: जकेद चि इनकु अकोए तेगी कातू कोते को हादेन जना, मगर बाल देवता जेतन जबाब काए ओमाद कोअ: ओड़ो: इनि: जेतन सेंगेंलो काए उयु केदा।

बाल देवता गअ: भविष्यवक्ता को बाल देवता ते बिनती रे गोटा सिंगी को बिताव केदा। आखरी रे इनकु बिनती को होका केदा। एनेद एलिय्याह एटअ: उरी यअ: मांस के परमेश्वरअ: बेदी रे दोहो तदा। एना रअ: तयोमते इनि: होड़ो कोके दाअ: ते पेरे जकन बारह ठु मपरंग बर्तन कोके एन दाड़े चेतन रे इमतंग जकेद दुदुल कजियाद कोअ: चिमतंग जकेद चि मांस, सहान को ओड़ो: बेदी तअ: रअ: ओते को बेस लेका ते का लूम जना।

एनेद एलिय्याह बिनती केदा, “हे यहोवा, अब्राहम, इसहाक ओड़ो: याकूब गअ: परमेश्वर, अले के देखावलेम चि अम इस्राएल होड़ो कोअ: परमेश्वर तनमे ओड़ो: नेआव चि अञङ अमअ: दासी तनिङ। अञङ के जबाब ओमाइङ में चि निकु को सरी केनो: का चि अम गी सच्चा परमेश्वर तनमे।”

इमतंग गी सिरमाए ते सेंगेल उयु जना ओड़ो: इनि: मांस, सहान सेरेंग हसा ओड़ो: नेतअ: जकेद चि बेदी गेना तअ: रअ: दाअ: कोयो ओंडोर केदा। जब होड़ो को नेयअ: को नेल केदा दो इनकु ओते रेको उयु जना ओड़ो: को कजि केदा, “यहोवा गी परमेश्वर तनी! यहोवा गी परमेश्वर तनी!”

एनेद एलिय्याह कजि केदा, “बाल देवता गअ: मियदो भविष्यवक्ता को बचाव केअते अलो को सेन दड़िका!”एना मेनते होड़ो को बाल देवता गअ: भविष्यवक्ता कोके सब केद कोअ: को ओड़ो: इनकु के एनता ते एटअ: पअ को इदि केद कोअ: ओड़ो: इनकु केको गोए तद कोअ:।

एनेद एलिय्याह अहाब राजा के कजियजअ:, “सेकड़ गी अम अमअ: ओड़ा ते नीर केनोम, चियाची दाअ: गामा हिजु रअ: मेनअ:।”सेकड़ा गी रिमिल इबिल दब जना ओड़ो: इसु दाअ: गामा एटेज जना। यहोवा एन रोहोड़ के छबा ताइनाए। नेयअ: ते सरी जना चि यहोवा गी सच्चा परमेश्वर तनी।

जब एलिय्याह अयअ: कामी के छबा केदा, दो परमेश्वर एलिशा नुतुम मियद कोड़ा के अयअ: भविष्यवक्ता होबाव लाइ सला किजअ:। परमेश्वर एलिशाए ते इसु चमत्कार कामी को रिका केदा। मियद चमत्कार नामान लोओ: ते होबा जना। इनि: मियद दुश्मनअ: सेना गअ: सरदार ताइकेना, मगर इनि: के उहुर रअ: मियद सितरु रोग ताइकेना। नामान एलिशा गअ: बारे रे अयुम लअ:, एनामेनते इनि: एलिशा तअ: हिजु लेना ओड़ो: एलिशाए ते आएके ठीक इका लाइ अरजी किजअ:।एलिशा नामन के कजियजअ: चि सेन केत यरदन नाई रअ: दाअ: रे सात बेर चाडु ओडोङ केनोम।

नामान खीस जना। इनि: नेका रिका लाइ मना केदा, चियाची नेयअ: इनि: के मूर्ख रअ: कामी अदा किजअ: मेन दो तयोमते इनि: अयअ: मोन के बदली केदा ओड़ो: सेन केअते यरदन नाई रअ: दाअ: रे सात बेर डुबुई ओडोङ जना। जब इनि: आखरी बेर दाअ: ते डुबुइ ओडोङ जना दो परमेश्वर इनि: के ठीक तजा।

परमेश्वर इस्राएल रेन होड़ो को तअ: एटअ: ढेइर भविष्यवक्ता कोके कुल केद कोअ:। इनकु सोबेन होड़ो कोके मूर्ति कोअ: आराधना बंद इका लाइ को कजियाद कोअ:। नेयअ रअ: बदला रे इनकु के अको-अको रे न्याय पूर्वक व्यवहारे चाही ओड़ो: अको-अको रे माया-दया को होबाव चाही, मेनतेको कजियाद कोअ:। एन भविष्यवक्ता को होड़ो कोके चेतावनी को ओमाद कोअ: चि इनकु एटकन कामी कोके रिका को बांदे कअ ओड़ो: नेयअ रअ: बदला रे परमेश्वरअ: कजि कोके को मानातिङ मेनअ:। अगर इनकु नेका कको रिकाए रेदो परमेश्वर इनकु के दोषी मानातिङ केअते इनकुअ: फैसला याए ओड़ो: इनकु के सजा ओमा कोअ:।

थिम्बा समय एन होड़ो को परमेश्वरअ: हुकुम कको मानातिङ जना। हर बेर इनकु भविष्यवक्ता कोलो: बुगिन लेकाते कको व्यवहार केदा ओड़ो: नेतअ: जकेद चि कभी कभार दो इनकु के बीड़ा गोए केद कोअ: को। मीसा दो इनकु यिर्मयाह भविष्यवक्ता के रोहोड़ कुआँ रे को सजू तजा ओड़ो: इनि: के एनता रे गोजेन लाइ को बगी तजा। इनि: कुआँ ओते रअ: लोसोद रे धंसाव जना। मेनदो इमतंग राजा के इनिअ: जेतन रे दया हिजु लेना ओड़ो: इनि: अयअ: सेना कोके हुकुम ओमाद कोअ: चि यिर्मयाह के गोजो:ते सिदा कुआँ ते बाहर ओडोङगिंपे।

भविष्यवक्ता को परमेश्वरअ: पअ ते कजि को एटेज केदा, भले गी होड़ो को इनकुए तेको नफरत केदा। इनकु होड़ो कोके चेतावनी को ओमाद कोअ: चि अगर इनकु अकोअ: पाप के काको मानतिङगें रेदो परमेश्वर इनकु के गोए तकोवाए। इनकु होड़ो कोके नेआव को पहाम इका केद कोअ: चि परमेश्वर इनकु तअ: मसीह के कुल लाइ करार कदा।