20. बंधुवाई ओड़ो: रूवाड़

इस्राएल राज्य ओड़ो: यहूदा राज्य रेन होड़ो को परमेश्वरअ: बिरोध रेको पाप केदा। इनकु करार केको तोड़ाव केदा, परमेश्वर जे इनकु लोओ: सीनै पर्वत रे तोल लअ:। परमेश्वर एन बरन राज्य रेन होड़ो कोके अकोअ: पाप के मानतिङ लाइ ओड़ो: हडो आराधना लाइ चेतावनी ओम लाइ अयअ: भविष्यवक्ता कोके कुल केद कोअ:, मगर इनकु इनकुअ: कजि कोके मानातिङ लाइ को मना केदा।

एनेद परमेश्वर एन बरन राज्य रेन होड़ो कोके नाश लाइ ते इनकुअ: दुश्मन कोके पेड़ेज ओमा कोअ:। ने लेकाते बरन राज्य रेन होड़ो कोके सजा ओमाद कोअ:। अश्शूर मियद एटा देश ताइकेना, जे इसु पेड़ेजन बाइ लेना। एन देश रेन होड़ो कोअ: रे एटा देश रेन होड़ो कोअ: परती जेतन दया-माया का ताइकेना। इनकु हिजु केअते इस्राएल राज्य के नाश केदा को ओड़ो: इस्राएल राज्य रेन ढेइर होड़ो कोके गोए तद कोअ: को। जे को सनङ जना, एना कोके को रेए केद कोअ: ओड़ो: देश रअ: ढेइर हिसा केको ओंडोर तदा।

अश्शूरी होड़ो: को सोबेन अगुवा कोके, किसाड़ होड़ो कोके ओड़ो: नेलकन होड़ो कोके जे इसु गोनोङ जिनिस कोके को बाइ दड़ि ताइना, मिसा तेको जमा केद कोअ: ओड़ो: इनकु के अश्शूर देश को इदि केद कोअ:। इस्राएल देश रे सिरिफ हुडिङ लेका रेंगेज होड़ो को भइर को बचाव जना।

एनेद अश्शूरी होड़ो को एन देश रे तयु लाइ विदेशी होड़ो कोके को आउ केद कोअ:। एन विदेशी होड़ो को एन नगर कोके हडो को बाइ केदा। जे इस्राएली होड़ो को एनता रेको बचाव लेना, इनकु लोओ: विदेशी होड़ो को बाला जना को। ने होड़ो कोअ: वंशज को सामरी को कजि जना।

यहूदा गअ: राज्य रेन होड़ो को नेल केदा को चि चिलका परमेश्वर इनिअ: रे का विश्वास ओड़ो: इनिअ: कजि को का मानातिङ रअ: चलते इस्राएल गअ: राज्य रेन होड़ो कोके सजा ओम लेद कोअ:। मेनदो एन रेओ इनकु कनानी होड़ो कोअ: देवता कोअ: मूर्ति कोअ: आराधना केदा को। परमेश्वर इनकु के चेतावनी ओमाको लाइ भविष्यवक्ता कोके कुल केद कोअ:, मेनदो इनकु कको अयुम केदा।

अश्शूरी होड़ो को इस्राएल गअ: राज्य नाश केद रअ: लगभग सौ साल रअ: तयोमते, परमेश्वर बेबीलोन देश रेन राजा, नबूकदनेस्सार के यहूदा गअ: राज्य रे हमला लाइ कुल किजअ:। बेबीलोन मियद पेड़ेजन देश ताइकेना। यहूदा देश रेन राजा नबूकदनेस्सार गअ: दासी बाइयेन लाइ ओड़ो: हर साल इनि: के इसु थिम्बा पैसा को चुकाव लाइ राजी जनाए।

मेनदो कटी साल रअ: तयोमते यहूदा रेन राजा बेबीलोन देश रअ: बिरोध रे विद्रोह केदा। एना मेनते बेबीलोन रेन होड़ो को रुवाड़ केअते यहूदा राज्य रेको हमला तदा। इनकु यरूशलेम नगर रेको कब्जा केदा, मन्दिर केको नाश तदा, ओड़ो: नगर ओड़ो: मन्दिर रअ: खजाना कोके रेए केद कोअ: को।

विद्रोह केद रअ: चलते यहूदा रेन राजा के सजा ओम लाइ नबूकदनेस्सर गअ: पलटन को राजा गअ: होन कोड़ा के अयअ: अयार रेको गोए तजा ओड़ो: राजा के अंधा तजा को। एना रअ: तयोमते इनकु राजा केको इदि किजअ: नेयअ: मेनते चि इनि: बेबीलोन रअ: जेल ओड़ा रे गोए केनो: काए।

नबूकदनेस्सार ओड़ो: इनिअ: पलटन को यहूदा गअ: राज्य रेन लगभग सोबेन होड़ो कोके बेबीलोन देश को इदि केद कोअ:, सिरिफ इसु रेंगेज होड़ो कोके ओते रे अन्न को खेती कअ मेनते बगी तद कोअ: को। ने समय के बंधुवाई को कजि केदा। ने समय रे परमेश्वर गअ: होड़ो कोके करार रअ: देशेते ओडोङ लाइ मजबूर लेद कोअ: को।

भले गी परमेश्वर अयअ: होड़ो कोके अकोअ: पाप लाइ बंधुवाई ते इदि केअते सजा ओमाद कोअ:, एन रेओ इनि अयअ: वायदा के काए रीड़िङ लअ:। परमेश्वर अयअ: होड़ो कोके लगातार नेल को ताइनाए ओड़ो: अयअ: भविष्यवक्ता कोअ: जरिया ते बकड़ ताइनाए। इनि: करार केदा चि 70 साल रअ: तयोमते, इनकु हडो करार रअ: देश को रुवाड़ा।

लगभग 70 साल रअ: तयोमते, फारस देश रेन राजा कुस्रू बेबीलोन देश के हराव किजअ:, एनामेनते बेबीलोन रेन राजा गअ: बदला रे फारस देश रेन राजा चिमनङ गी देश कोरे राइज केदा। इस्राएली होड़ो को नअ: दो यहूदी को कजियो ताइना। इनकु में से ढेइर को अकोअ: पूरा जिनगी बेबीलोन देश रेगी को बिताव तदा। सिरिफ हुड़िङ लेका हड़ाम यहूदी होड़ो कोके भइर यहूदा गअ: देश पहाम ताइकेना।

फारसी होड़ो को पेड़ेजन को ताइकेना, मगर इनकु अको जिताव कन होड़ो कोअ: चेतन रे दया लअ: को। फारसी होड़ो कोअ: राजा बाइयेन रअ: कटी समय रअ: तयोमते, कुस्रू मियद हुकुम ओम केदा चि जे गी यहूदी होड़ो को यहूदा देश को रुवाड़ सनङ तन रेदो, इनकु फारस ते ओड़ोङ केअते हडो यहूदा देश को रुवाड़ दड़िया। नेतअ: जकेद चि इनि: इनकु के अकोअ: मन्दिर के हडो बाइ लाइ पैसा कोयो को ओमाद कोअ:। ने लेका बंधुवाई रअ: 70 साल रअ: तयोमते यहूदी कोअ: मियद हुडिङ झुण्ड यहूदा रे यरूशलेम नगर को रुवाड़ जना।

जब एन होड़ो को यरूशलेम नगर को सेटेर जना दो इनकु मन्दिर के ओड़ो: नगर रअ: चइरो पअ रअ: भीत के हडो को बाइ केदा। फारसी होड़ो को नअव गी इनकुअ: चेतन रेको राइज ताइना। मगर एन रेओ इनकु हडो मिसा करार रअ: देश रेको ताइनो ताइना ओड़ो: मन्दिर रेको आराधना ताइना।