21. परमेश्वर मसीह गअ: करारेअ:

जे इमतंग परमेश्वर दिसुम के बाइ लअ:, इनि: सरी ताइनाए चि इनि: के तयोमते जा मुसिङअ: हुलङ मसीह के कुल होबाइअ:। परमेश्वर आदम ओड़ो: हव्वा लोओ वायदा लअ: चि इनि: नेकायाए। परमेश्वर कजि लअ: चि हव्वाए ते मियद वंशज जनामोगा, इनि: बिङअ: बोओ के रिमेअ:। इनि: बेशक शैतान गी ताइकेना जे बिङ गअ: रूप रे हव्वा के बेदा लिजअ:। परमेश्वरअ: अर्थ ताइकेना चि मसीह पूरा लेका ते शैतान के हराव ताइअ:।

परमेश्वर अब्राहम लोओ: वायदा लअ: चि इनिअ: चलते दिसुम रेन सोबेन जाति को आशीष को नमेअ:। परमेश्वर तयोमते जअ इमतंग मसीह के कुल केअते ने वायदा के पूरायअ:। एन मसीह दिसुम रेन सोबेन जाति कोयते होड़ो कोके अकोअ: पापे ते छोड़ाव कोअ:।

परमेश्वर मूसा लोओ करार लअ: चि भविष्य रे इनि: मूसा लेका गी मियद एटअ: भविष्यवक्ता के कुलीअ:। ने भविष्यवक्ता मसीह ताइनअ:। ने लेका ते परमेश्वर हडो गी वायदा केदा चि इनि: मसीह के कुलीअ:।

परमेश्वर राजा दाऊद लोओते वायदा लअ: चि इनिअ: मियद वंशज मसीह ताइयोगअ:। इनि: राजा बाइयोगअ: ओड़ो: परमेश्वरअ: होड़ो कोअ: चेतन रे जनाव लाइ राइज चलावयअ:।

परमेश्वर यिर्मयाह भविष्यवक्ता लोओ बकड़ केदा ओड़ो: कजि केदा चि मुसिङअ: दिन रे इनि: मियद नावा करार थोलेअ:। एन नावा करार इस्राएल होड़ो कोलोओ सीनै तोल लेन जना मरी करार लेका कअ: ताइनअ:। जब इनि: होड़ो कोलोओ अयअ: नवा करार के तोलेअ:, दो इनि: आएगी होड़ो रूप ते हिजुगअ:। सोबेन होड़ो को इनि: लोओते दुलाड़ को दोहोयअ: ओड़ो: इनिअ: नियम कोके मानातिङ को सनङअ। परमेश्वर कजि केदा चि इनिअ: नियम को इनकुअ: हृदय रे ओल केद लेका ताइनअ:। इनकु इनिअ: होड़ो को होबाव गअ: ओड़ो: परमेश्वर इनकुअ: पाप कोके क्षेमायअ:। इनि: मसीह ताइनअ:, परमेश्वर इनि: लोओते एन नवा करार के तोलेअ:।

परमेश्वरअ: भविष्यवक्ता को नेआव को कजि केदा चि मसीह मियद भविष्यवक्ता, मियद पुरोहित ओड़ो: मियद राजा ताइनअ:। मियद भविष्यवक्ता एन होड़ो तनी, जे परमेश्वरअ: बचन कोके अयुमेअ: ओड़ो: हडो: होड़ो कोअ: चेतन रे परमेश्वरअ: संदेश कोरअ: घोषणा यअ:। इनि: के कुल लाइ परमेश्वर करार लअअ:। जे नी के कुल लाइ परमेश्वर वायदा लअ: एन मसीह मियद सिद्ध भविष्यवक्ता ताइनअ:। मतलब एन मसीह परमेश्वरअ: संदेश कोके बुगिन लेकाते अयुमेअ: ओड़ो: इनि: होड़ो कोके एन संदेश कोके बुगिन लेकाते सिखाव कोअ:।

इस्राएली पुरोहित को होड़ो को लाइ परमेश्वरअ: अयार रे दाड़े रकब कको बगी केदा। ने दाड़े होड़ो कोअ: पाप को लाइ इनकु के परमेश्वरअ: पअ ते सजा ओमो: रअ: ठयाद रे रकब लअ: को। पुरोहित को होड़ो को लाइयो को बिनती ताइना। मेनदो एन मसीह सिद्ध महापुरोहित होबाव गअ:, जे परमेश्वर के ओमाइ लाइ मियद सिद्ध दाड़े रअ: रूप रे आएगी खुदके ओम केनोगाए। ओड़ो: इनि: चिउलाव काए पापेअ:। जब इनि: आएगी दाड़े लाइ ओमकेनोगाए दो दिसुम रअ: ज एटअ: दाड़े को रअ: जरूरत कअ: होबाव गअ:।

होड़ो कोअ: झुण्ड रे राजा ओड़ो: मुद होड़ो को राइज तनाको ओड़ो: मिसा-मिसा दो इनकु गलतीयो कोयो रिकाया। राजा दाऊद इस्राएली होड़ो कोअ; चेतन रे भइर राइज लअ:, मगर राजा दाऊद गअ: वंशज मसीह गोटा दिसुम रे राइजयअ: ओड़ो: जनाव लाइ राइजयअ:। नेयअ: रअ: अलावा इनि: जनाव लाइ बेगर भेद-भाव केअते राइज चलावयाए ओड़ो: बुगिन फैसला को इदियअ:।

परमेश्वर गअ: भविष्यवक्ता को मसीह गअ: बारे रे ढेइर कजि कोको कजि केदा। उदाहरन लाइ मलाकी भविष्यवक्ता कजि केदा चि मसीह हिजु सिदा रे मियद एटअ: भविष्यवक्ता हिजुगअ। एन भविष्यवक्ता इसु खास ताइनाए। नेयअ: रअ: अलावा यशायाह भविष्यवक्ता यो ओल केदा चि मसीह मियद डिंडा कुड़ी ते जनम इदियाए। ओड़ो: मीका भविष्यवक्ता कजि केदा चि मसीह बैतुलहम नगर रे जनम इदियाए।

यशायाह भविष्यवक्ता कजि केदा चि मसीह गलील परदेस रे ताइनोगअ:। जे होड़ो को इसु दुखी मेनअ: कोअ:, मसीह इनकु के शांति ओमा कोअ: इनि: कैदी कोके यो आजाद कोअ:। मसीह उरयु तन होड़ो कोके यो ओड़ो: जे कको अयुम दड़िअ:, कको नेल दड़िअ:, कको बकड़ दड़िअ: ओड़ो: सेन कको दड़िअ: इनकु केओ ठीक तकोअ:।

यशायाह भविष्यवक्ता नेआव कजि केदा चि होड़ो को मसीह लोओते नफरत यको ओड़ो: इनि: के कको अपनाव यअ:। एटअ: भविष्यवक्ता को कजि केदा को चि मसीह यअ; मियद गति इनिअ: बिरोध रे तिंगुनअ:। जकर्याह भविष्यवक्ता कजि केदा चि इनिअ: एन गति नेका रिका लाइ एटअ: होड़ो कोएते चाँदी रअ: तीस सिक्का इदिअ:। नेयअ: रअ: अलावा हडो हुडिङ भविष्यवक्ता को कजि केदा को चि होड़ो को मसीह केको गोए यअ: ओड़ो: इनिअ: लिजअ: लाइ जुआ को इनुङअ:।

भविष्यवक्ता को नेआव को उदुब केदा चि मसीह चिलका ते गोजो गाए। यशायाह भविष्यवाणी केदा चि होड़ो को मसीह केको बेजेइअ, इनिअ: मजाक को उड़ावयअ: ओड़ो: इनि: के बीड़ा यको, इनि: केको उन्डुयअ: ओड़ो: इनि: इसु दुकु ओड़ो: सताव केअते गोजोगाए। जब चि इनि: जेतनाव गी काए गलती कअ:।

भविष्यवक्ता को नेआव को उदुब केदा चि मसीह काए पापेअ:। इनि: सिद्ध ताइनोगाए। मगर इनि: नेयअ: मेनते गोजोगाए, परमेश्वर इनि: के एटअ: कोअ: पाप रअ: चलते सजा ओमाइअ:। इनि: गोजो रे होड़ो को परमेश्वर लोओते मिलान को दड़िअ:। एना मेनते परमेश्वर योजना रे मसीह के गोजो: गी होबावगअ:।

भविष्यवक्ता को नेआव को उदुब केदा चि परमेश्वर मसीह के गोजाकन होड़ो कोएते जीद रुवाड़िअ:। नेयअ: देखावेयाए चि नेयअ: सोबेनअ: यीशु गअ: गोनोज ओड़ो: हडो जीद रुवाड़ नावा करार के तोल रअ: परमेश्वरअ: योजना ताइकेना, नेयअ: मेनते चि इनि: एन होड़ो कोके बचाव दड़ि काए, जे होड़ो को इनिअ: बिरोध रेको पाप कदा।

परमेश्वर भविष्यवक्ता कोअ: चेतन रे मसीह गअ: बारे रे ढेइर कजि कोए उदुब केदा, मगर मसीह एन भविष्यवक्ता कोअ: जेताया जिनिद रेओ काए हिजु लेनअ:। ने भविष्यवाणी ओम केद रअ: 400 तेओ थिम्बा साल रअ: तयोमते ठीक समय रे परमेश्वर मसीह के ने दिसुम रे कुल किजअ:।