22. यूहन्ना गअ: जनम

सिदा समय रे परमेश्वर अयअ: भविष्यवक्ता कोलोओ बकड़ लअ:। नेयअ: मेनते चि इनकु होड़ो कोलोओ को बकड़ दड़ि कअ:। एनेद 400 साल जकेद मौन रअ: समय हिजु लेना, ने समय रे परमेश्वर होड़ो कोलोओ काए बकड़ केदा। एनेद परमेश्वर जकर्याह नुतुम मियद पुरोहित तअ: मियद स्वर्गदूत के कुल किजअ:। जकर्याह ओड़ो: इनिअ: घरनी एलिशिबा परमेश्वर के किन माइनी ताइना। इनकिन इसु किन हड़ाम बुढ़िया कन ताइकेना ओड़ो: इनकिना जेतन होन गड़ा को कको होबा लेना।

एन स्वर्गदूत जकर्याह भविष्यवक्ता के कजियजअ:, “अमअ:घरनी गअ: मियद कोड़ाहोन होबाव गाए। अम इनिअ: नुतुम यूहन्ना दोहोएम। परमेश्वर इनि: के पवित्र आत्मा ते पेरे ताइअ: ओड़ो: यूहन्ना होड़ो कोके मसीह के अपनाव लाइ तेयार कोअ।” जकर्याह कजि रुवाड़ाजअ:, “अञङ ओड़ो: अञङअ: घरनी होन गड़ा होबा को लाइ इसु लिङ हड़ाम जना। अञङ चिलका सरीयअ: चि अम अञङ के सरती कजिञङ तनम?”

एन स्वर्गदूत जकर्याह के जबाब ओमा जाए, “अमअ: तअ: ने बुगिन संदेश के आउ लाइ अञङ के परमेश्वर कुल कदिञङअ:। चियाची अम अञङअ: रे विश्वास कम दोहो केदा, एनामेनते अम होन आवरी जनामोअ जकेद बकड़ कम दड़िअ:। इमतंग गी जकर्याह बकड़ काए दड़ि जना। एनेद एन स्वर्गदूत जकर्याह तअ: ते सेनो: जना। एना रअ: तयोमते जकर्याह ओड़ा रुवाड़ जना ओड़ो: इनिअ: घरनी होड़मो रे ताइ जना।

जब एलीशिबा छाव महिना रअ: होड़मोय ते ताइकेना, दो एन स्वर्गदूत गी अचका एलीशिबा गअ: पेड़ा तअ: हिजु लेना, इनिअ: नुतुम मरियम ताइकेना। मरियम डिंडा गी ताइ केना ओड़ो: बलान लाइ युसुफ नुतुम कोड़ा लोओ: इनिअ: मंगनी होबा लेना। स्वर्गदूत मरियम के कजियजअ:, “अम होड़मोय ते ताइनम ओड़ो: मियद कोड़ा होन के जनामिया। अम इनिअ: नुतुम यीशु दोहोएम। इनि: सोबेन कोअ: ते पेड़ेजन परमेश्वरअ: कोड़ा होन ताइनाए ओड़ो: जनाव लाइ राइजयाए।”

मरियम जबाब ओमाजाए, “नेयअ: चिलका होबावगअ: चियाची अञङ दो डिंडा गिञङ?”एन स्वर्गदूत समझाव किजाए, “पवित्र आत्मा अमअ: रे अड़गुना ओड़ो: परमेश्वरअ: पेड़े अम के उम्बुल मेया। एनामेनते एन होन पवित्र ताइयोवाए ओड़ो: इनि: परमेश्वरअ: होन होबावाए।” जे एन स्वर्गदूत कजि केदाए एना रे मरियम विश्वास केदाए।

नेयअ: होबाव रअ: तयोमते जल्दी गी मरियम सेन केअते एलीशिबा लोओ: नपम जना। चिलका गी मरियम इनि: के जोहार किजअ:, एलीशिबा गअ: होन अयअ: लाए: बितर रे उछ्लाव जना। इनकिन लाइ परमेश्वर जे रिका लअ: एनाकोएते एन कुड़ी किन मिसा तेकिन रासिका जना। एलीशिबा लोओ: तीन महिना ताइन जन रअ: तयोमते मरियम ओड़ा रुवाड़ जना।

नेयअ: रअ: तयोमते एलीशिबा अयअ: होन के जनम किजअ:। जकर्याह ओड़ो: एलीशिबा एन होन गअ: नुतुम यूहन्ना किन दोहो केदा, चिलका एन स्वर्गदूत इनकिन के हुकुम ओम लेद किनअ:। एनेद परमेश्वर जकर्याह के बकड़ दड़ि इका किजअ:। जकर्याह कजि केदा, “परमेश्वरअ: मनारंग होबाव कअ:, चियाची इनि: अयअ: होड़ो कोअ: देंगा मेनते पहाम केदा। हे अञङअ: होन कोड़ा अम सोबेन कोएते पेड़ेजन परमेश्वरअ: भविष्यवक्ता बाइयोगम। अम होड़ो कोके उदुबकोवम चि इनकु चिलका अकोअ: पाप को लाइ क्षेमा को नमेंअ:।”